<div class="version vid3247 iso6393acr" data-vid="3247" data-iso6393="acr">
   <div class="book bkGEN">
      <div class="chapter ch19" data-usfm="GEN.19">
         <div class="label">19</div><div class="s1"><span class="heading">I Dios kusach uwach i Sodoma xaq Gomorra</span></div><div class="p"><span class="content">  </span><span class="verse v1" data-usfm="GEN.19.1"><span class="label">1</span><span class="content">Lik ya kok a'ab' are xeupon i keb' &#225;ngel pa Sodoma; i ma Lot kul b'i pa okb'al re i tinimit. Are xerilo, juntir x-e chkik'ulaxik, xxuki'ik xaq xuqajsaj upalaj k'a chwach ulew, </span></span><span class="verse v2" data-usfm="GEN.19.2"><span class="label">2</span><span class="content">xub'ij chke:</span></span></div><div class="p"><span class="verse v2" data-usfm="GEN.19.2"><span class="content">&#8212;Chikuyu inmak, nimaq taq winaq, kintz'onoj utzil chiwe chi chixwar kan che a'ab'i chi wachoch yin chi in iwajchak. Man chila ru' ja o i ya re kich'ajb'ej iwaqan, keje ile chweq ksaqirik, kimaj chub'i ib'e.</span></span></div><div class="p"><span class="verse v2" data-usfm="GEN.19.2"><span class="content">Ike xkib'ij:</span></span></div><div class="p"><span class="verse v2" data-usfm="GEN.19.2"><span class="content">&#8212;Ntaj, mantiox, che i a'ab'i kojwar kan waral pa b'e.</span></span></div><div class="p"><span class="verse v2" data-usfm="GEN.19.2"><span class="content">  </span></span><span class="verse v3" data-usfm="GEN.19.3"><span class="label">3</span><span class="content">Xwiri ma Lot xu'an pen chke chi ke'e ru', ru' ja; rumali ike xe'e chi rachoch ma Lot. Are uri ma Lot le xuyijb'a jun nim laj wa'im, xu'an wa re trigo te'uri ike xkitijo.</span></span></div><div class="p"><span class="verse v3" data-usfm="GEN.19.3"><span class="content">  </span></span><span class="verse v4" data-usfm="GEN.19.4"><span class="label">4</span><span class="content">Lik k'amaja ne kekotz'i'ik, are xeupon pan achiyab' re i tinimit Sodoma chusutixik rij rachoch ma Lot, xeupon konojel achiyab', alab'om xaq che rijab'. </span></span><span class="verse v5" data-usfm="GEN.19.5"><span class="label">5</span><span class="content">Are uri xesik'in chub'ixkil che ma Lot.</span></span></div><div class="p"><span class="verse v5" data-usfm="GEN.19.5"><span class="content">&#8212;&#191;Ipa je o wi achiyab' chi xek'un pa waram chi awachoch? &#161;Cheawesaj loq, man kqaj kqamin qib' ku'! &#8212;Xecha.</span></span></div><div class="p"><span class="verse v5" data-usfm="GEN.19.5"><span class="content">  </span></span><span class="verse v6" data-usfm="GEN.19.6"><span class="label">6</span><span class="content">Are uri xel li ma Lot chkiwach, xutz'apij kan uchija </span></span><span class="verse v7" data-usfm="GEN.19.7"><span class="label">7</span><span class="content">xaq xub'ij chke:</span></span></div><div class="p"><span class="verse v7" data-usfm="GEN.19.7"><span class="content">&#8212;Kintz'onoj jun utzil chiwe watz incha' chi mi'an i ch'am taj le. </span></span><span class="verse v8" data-usfm="GEN.19.8"><span class="label">8</span><span class="content">Yin je o keb' inmi'al chi nti jun achi uminom rib' ku'; kewesaj loq man ki'an chke pacha kumaj iwach; xwiri lik mi'an utz taj chke achiyab' le, man ike xa xek'un pa waram chuxe' inmujb'al &#8212;xcha.</span></span></div><div class="p"><span class="verse v8" data-usfm="GEN.19.8"><span class="content">  </span></span><span class="verse v9" data-usfm="GEN.19.9"><span class="label">9</span><span class="content">Ike xkib'ij che:</span></span></div><div class="p"><span class="verse v9" data-usfm="GEN.19.9"><span class="content">&#8212;&#161;Chatel chila! Man at aj chi teneri, xwiri wo'or kawaj taq ka'at tzij pqawi, rumali wo'or lik nim ni utz taj kqa'an chawe yet chwach kqa'an chke ike le &#8212;xecha. Are uri xkijeq utakpuxik ma Lot, man kkaj kkiraqij b'i uchija. </span></span><span class="verse v10" data-usfm="GEN.19.10"><span class="label">10</span><span class="content">Xwiri i keb' &#225;ngel le xkijek' b'i ma Lot pa ja, te'uri xkitz'apij li uchija. </span></span><span class="verse v11" data-usfm="GEN.19.11"><span class="label">11</span><span class="content">Are uri i &#225;ngel xki'an mawach chke konojel i winaq chi xkit'ub'ij kib' chwach uchija, che alab'om xaq che rijab'; xaq xekos chutzukuxik uchija.</span></span></div><div class="p"><span class="verse v11" data-usfm="GEN.19.11"><span class="content">  </span></span><span class="verse v12" data-usfm="GEN.19.12"><span class="label">12</span><span class="content">Are uri i &#225;ngel xkib'ij che ma Lot:</span></span></div><div class="p"><span class="verse v12" data-usfm="GEN.19.12"><span class="content">&#8212;We k'a je o jub'an chik awalk'uwal che i tinimiti cheawesaj b'ik, lik naj cheak'ama b'i junam ku' ak'ojol, ami'al, aji' xaq konojel ni'pa i je o pa'ab', </span></span><span class="verse v13" data-usfm="GEN.19.13"><span class="label">13</span><span class="content">man yoj kqachup uwach i tinimiti rumal kimak i winaq, chi uponnaq chwach i Ajwal chi lik kch'ijaw ti chik; rumali xojutaq li chuchupik uwach &#8212;xecha.</span></span></div><div class="p"><span class="verse v13" data-usfm="GEN.19.13"><span class="content">  </span></span><span class="verse v14" data-usfm="GEN.19.14"><span class="label">14</span><span class="content">Are uri ma Lot xlapan ku' alab'om chi kib'im chik kek'uli ku' umi'al, xub'ij chke:</span></span></div><div class="p"><span class="verse v14" data-usfm="GEN.19.14"><span class="content">&#8212;&#161;Chixwalijoq alab'om, chixel che i tinimiti, man i Ajwal kuchup uwach! Xwiri i alab'om le xkich'ob' ike chi xa kjunman ma Lot ku', rumali xewalij taj. </span></span><span class="verse v15" data-usfm="GEN.19.15"><span class="label">15</span><span class="content">Are xpe usaqirik, i &#225;ngel xkib'ij che ma Lot:</span></span></div><div class="p"><span class="verse v15" data-usfm="GEN.19.15"><span class="content">&#8212;&#161;Chab'isoj! Chak'am la b'i awixoqil xaq i keb' ami'al chi je o waral, man ksach ti iwach chupam i tojpen chi kpe puwi i tinimiti &#8212;xecha.</span></span></div><div class="p"><span class="verse v15" data-usfm="GEN.19.15"><span class="content">  </span></span><span class="verse v16" data-usfm="GEN.19.16"><span class="label">16</span><span class="content">I ma Lot xaq i ralk'uwal ktijin kib'aytajik, rumali i &#225;ngel xkichap b'i che ki'ab', xekesaj b'i chupam i tinimit rumal rutzil uk'ux i Ajwal chi o pkiwi ike. </span></span><span class="verse v17" data-usfm="GEN.19.17"><span class="label">17</span><span class="content">Are je elnaq chik pa tinimit, jun chke i &#225;ngel xub'ij che ma Lot:</span></span></div><div class="p"><span class="verse v17" data-usfm="GEN.19.17"><span class="content">&#8212;Chat-anmaj chuto'ik ak'aslemal, mattaqen chawij, xaq to' mattak'i taq pa taq b'e che ronojel i ta'aj le, jat k'a chwi jyub', man ksach ti awach chupam i tojpen chi kpe puwi i tinimiti.</span></span></div><div class="p"><span class="verse v17" data-usfm="GEN.19.17"><span class="content">  </span></span><span class="verse v18" data-usfm="GEN.19.18"><span class="label">18</span><span class="content">I ma Lot xub'ij che i &#225;ngel:</span></span></div><div class="p"><span class="verse v18" data-usfm="GEN.19.18"><span class="content">&#8212;Nim laj winaq, ma'an ile chwe. </span></span><span class="verse v19" data-usfm="GEN.19.19"><span class="label">19</span><span class="content">Qatzij neri chi lik nim utzil a'anom chik chwe, xaq lik utz ak'ux chwe man xinato, xwiri yin kinch'ij ti uponik k'a chwi jyub' le, man moqxa kinuriqa i kamik ksach uwach uri ink'aslemal. </span></span><span class="verse v20" data-usfm="GEN.19.20"><span class="label">20</span><span class="content">Naqaj che i waral o jun tinimit pich', we lik kinb'isoj lik kinupon ni uri chila. &#191;B'uchak kaya ti chwe chi kin-e chuto'ik ink'aslemal chila? Man are jun tinimit chi lik pich'.</span></span></div><div class="p"><span class="verse v20" data-usfm="GEN.19.20"><span class="content">  </span></span><span class="verse v21" data-usfm="GEN.19.21"><span class="label">21</span><span class="content">I &#225;ngel xub'ij che ma Lot:</span></span></div><div class="p"><span class="verse v21" data-usfm="GEN.19.21"><span class="content">&#8212;Utzi', kinya ni chawe wach xatz'onoj chwe; kinchup ti uwach i tinimit le chi xab'ij. </span></span><span class="verse v22" data-usfm="GEN.19.22"><span class="label">22</span><span class="content">Xwiri chab'isoj, su' chat-anmajoq, man kinchup ti uwach i Sodoma xaq i Gomorra le we k'amaja katupon che i k'ijib'al &#8212;xcha i &#225;ngel che.</span></span></div><div class="p"><span class="verse v22" data-usfm="GEN.19.22"><span class="content">Rumali i tinimit le ipa xuto wi rib' ma Lot, xkanaj pub'i Zoar.</span></span></div><div class="p"><span class="verse v22" data-usfm="GEN.19.22"><span class="content">  </span></span><span class="verse v23" data-usfm="GEN.19.23"><span class="label">23</span><span class="content">Lik saqirnaq chik are xupon ma Lot pa Zoar. </span></span><span class="verse v24" data-usfm="GEN.19.24"><span class="label">24</span><span class="content">Te'uri i Ajwal xutzaqsaj li asufra xaq i a' puwi i tinimit Sodoma xaq i Gomorra, chi lik ktoqowik. </span></span><span class="verse v25" data-usfm="GEN.19.25"><span class="label">25</span><span class="content">Keje uchupik uwach i keb' tinimit ile xu'an i Ajwal, xuchup uwach ronojel i ta'aj, ronojel i tikon chi o chwach xaq konojel i winaq. </span></span><span class="verse v26" data-usfm="GEN.19.26"><span class="label">26</span><span class="content">Xwiri i rixoqil ma Lot teren kanoq xaq xtzun chrij, are uri juntir x-on kan jun tak'tik atz'am.</span></span></div><div class="p"><span class="verse v26" data-usfm="GEN.19.26"><span class="content">  </span></span><span class="verse v27" data-usfm="GEN.19.27"><span class="label">27</span><span class="content">Chukab' ij we' xwalij b'i mam Abraham, x-e chik chila ipa xelapan wi ru' i Ajwal. </span></span><span class="verse v28" data-usfm="GEN.19.28"><span class="label">28</span><span class="content">Xtzun b'i puwi i Sodoma xaq puwi i Gomorra, xaq puwi ronojel ulew chi lik tik'tik ta'aj; are uri xrilo chi kb'uquq i sib' chwach ulew chi kel b'i chikaj pacha sib' re jub'an rosa. </span></span><span class="verse v29" data-usfm="GEN.19.29"><span class="label">29</span><span class="content">Keje uchupik uwach i keb' tinimit ile xu'ano, xaq xk'un utzij mam Abraham chuk'ux, rumali xresaj ma Lot chwach i tojpen chi xpe puwi i tinimit ipa o wi te'eq.</span></span></div><div class="s1"><span class="heading">Kixeb'al li aj Moab xaq i aj Am&#243;n</span></div><div class="p"><span class="verse v29" data-usfm="GEN.19.29"><span class="content">  </span></span><span class="verse v30" data-usfm="GEN.19.30"><span class="label">30</span><span class="content">I ma Lot rumal uxib'rikil xjeqi ti chila Zoar, junam ku' i keb' umi'al xe'e jeqi chwi jyub'. Chila xejeqi wi chupam jun pek. </span></span><span class="verse v31" data-usfm="GEN.19.31"><span class="label">31</span><span class="content">O juyak, i atz xub'ij che ucha':</span></span></div><div class="p"><span class="verse v31" data-usfm="GEN.19.31"><span class="content">&#8212;I qaqajaw lik rij chik, xwiri waral che i jyub'i nti jun achi re kk'uli qu', pacha kki'an konojel i winaq chwach i jyub' ta'aj. </span></span><span class="verse v32" data-usfm="GEN.19.32"><span class="label">32</span><span class="content">Wo'or chqa'ab'arsaj qaqajaw te'uri kqamin qib' ru', man keje ile kealax ni qak'al rumal ire &#8212;Keje ile xub'ij che ucha'.</span></span></div><div class="p"><span class="verse v32" data-usfm="GEN.19.32"><span class="content">  </span></span><span class="verse v33" data-usfm="GEN.19.33"><span class="label">33</span><span class="content">Lik che a'ab' le xki'ab'arsaj kiqajaw, are uri xok b'i atz, xumin rib' ru' uqajaw, xwiri i uqajaw le xunab'ej taj are xok b'i umi'al ru' xaq xunab'ej taj are xel loq. </span></span><span class="verse v34" data-usfm="GEN.19.34"><span class="label">34</span><span class="content">Chukab' ij, i atz xub'ij che ucha':</span></span></div><div class="p"><span class="verse v34" data-usfm="GEN.19.34"><span class="content">&#8212;Yin cha'ab' xinmin wib' ru' qaqajaw; wo'or chqa'ab'arsaj chik che i a'ab'i, te'uri katok chub'i yet xaq chamina awib' ru', man keje ile chojkeb' kealax ni qak'al rumal ire &#8212;xcha.</span></span></div><div class="p"><span class="verse v34" data-usfm="GEN.19.34"><span class="content">  </span></span><span class="verse v35" data-usfm="GEN.19.35"><span class="label">35</span><span class="content">Are u'ankil uri chi xki'ab'arsaj chik kiqajaw che a'ab' le, are uri xok chub'i cha'xel, xaq xumin rib' ru' uqajaw; xwiri i uqajaw le xaq xunab'ej taj are xok b'i umi'al ru' xaq xunab'ej taj are xel loq. </span></span><span class="verse v36" data-usfm="GEN.19.36"><span class="label">36</span><span class="content">Lik chekeb' altom le xek'aqtaj rumal ma Lot chi kiqajaw. </span></span><span class="verse v37" data-usfm="GEN.19.37"><span class="label">37</span><span class="content">Are uri i atz xalax jun ralab', xuya pub'i a Moab, ire le are kiqajaw aj Moab wo'or. </span></span><span class="verse v38" data-usfm="GEN.19.38"><span class="label">38</span><span class="content">I cha'xel xaq xalax jun ralab', xuya pub'i a Ben-ammi, ire le are kiqajaw aj Am&#243;n, k'a are o wi wo'or.</span></span></div>
      </div>
   </div>
</div>

Lik ya kok a'ab' are xeupon i keb' ángel pa Sodoma; i ma Lot kul b'i pa okb'al re i tinimit. Are xerilo, juntir x-e chkik'ulaxik, xxuki'ik xaq xuqajsaj upalaj k'a chwach ulew, xub'ij chke:
—Chikuyu inmak, nimaq taq winaq, kintz'onoj utzil chiwe chi chixwar kan che a'ab'i chi wachoch yin chi in iwajchak. Man chila ru' ja o i ya re kich'ajb'ej iwaqan, keje ile chweq ksaqirik, kimaj chub'i ib'e.
Ike xkib'ij:
—Ntaj, mantiox, che i a'ab'i kojwar kan waral pa b'e.
Xwiri ma Lot xu'an pen chke chi ke'e ru', ru' ja; rumali ike xe'e chi rachoch ma Lot. Are uri ma Lot le xuyijb'a jun nim laj wa'im, xu'an wa re trigo te'uri ike xkitijo.
Lik k'amaja ne kekotz'i'ik, are xeupon pan achiyab' re i tinimit Sodoma chusutixik rij rachoch ma Lot, xeupon konojel achiyab', alab'om xaq che rijab'. Are uri xesik'in chub'ixkil che ma Lot.
—¿Ipa je o wi achiyab' chi xek'un pa waram chi awachoch? ¡Cheawesaj loq, man kqaj kqamin qib' ku'! —Xecha.
Are uri xel li ma Lot chkiwach, xutz'apij kan uchija xaq xub'ij chke:
—Kintz'onoj jun utzil chiwe watz incha' chi mi'an i ch'am taj le. Yin je o keb' inmi'al chi nti jun achi uminom rib' ku'; kewesaj loq man ki'an chke pacha kumaj iwach; xwiri lik mi'an utz taj chke achiyab' le, man ike xa xek'un pa waram chuxe' inmujb'al —xcha.
Ike xkib'ij che:
—¡Chatel chila! Man at aj chi teneri, xwiri wo'or kawaj taq ka'at tzij pqawi, rumali wo'or lik nim ni utz taj kqa'an chawe yet chwach kqa'an chke ike le —xecha. Are uri xkijeq utakpuxik ma Lot, man kkaj kkiraqij b'i uchija. Xwiri i keb' ángel le xkijek' b'i ma Lot pa ja, te'uri xkitz'apij li uchija. Are uri i ángel xki'an mawach chke konojel i winaq chi xkit'ub'ij kib' chwach uchija, che alab'om xaq che rijab'; xaq xekos chutzukuxik uchija.
Are uri i ángel xkib'ij che ma Lot:
—We k'a je o jub'an chik awalk'uwal che i tinimiti cheawesaj b'ik, lik naj cheak'ama b'i junam ku' ak'ojol, ami'al, aji' xaq konojel ni'pa i je o pa'ab', man yoj kqachup uwach i tinimiti rumal kimak i winaq, chi uponnaq chwach i Ajwal chi lik kch'ijaw ti chik; rumali xojutaq li chuchupik uwach —xecha.
Are uri ma Lot xlapan ku' alab'om chi kib'im chik kek'uli ku' umi'al, xub'ij chke:
—¡Chixwalijoq alab'om, chixel che i tinimiti, man i Ajwal kuchup uwach! Xwiri i alab'om le xkich'ob' ike chi xa kjunman ma Lot ku', rumali xewalij taj. Are xpe usaqirik, i ángel xkib'ij che ma Lot:
—¡Chab'isoj! Chak'am la b'i awixoqil xaq i keb' ami'al chi je o waral, man ksach ti iwach chupam i tojpen chi kpe puwi i tinimiti —xecha.
I ma Lot xaq i ralk'uwal ktijin kib'aytajik, rumali i ángel xkichap b'i che ki'ab', xekesaj b'i chupam i tinimit rumal rutzil uk'ux i Ajwal chi o pkiwi ike. Are je elnaq chik pa tinimit, jun chke i ángel xub'ij che ma Lot:
—Chat-anmaj chuto'ik ak'aslemal, mattaqen chawij, xaq to' mattak'i taq pa taq b'e che ronojel i ta'aj le, jat k'a chwi jyub', man ksach ti awach chupam i tojpen chi kpe puwi i tinimiti.
I ma Lot xub'ij che i ángel:
—Nim laj winaq, ma'an ile chwe. Qatzij neri chi lik nim utzil a'anom chik chwe, xaq lik utz ak'ux chwe man xinato, xwiri yin kinch'ij ti uponik k'a chwi jyub' le, man moqxa kinuriqa i kamik ksach uwach uri ink'aslemal. Naqaj che i waral o jun tinimit pich', we lik kinb'isoj lik kinupon ni uri chila. ¿B'uchak kaya ti chwe chi kin-e chuto'ik ink'aslemal chila? Man are jun tinimit chi lik pich'.
I ángel xub'ij che ma Lot:
—Utzi', kinya ni chawe wach xatz'onoj chwe; kinchup ti uwach i tinimit le chi xab'ij. Xwiri chab'isoj, su' chat-anmajoq, man kinchup ti uwach i Sodoma xaq i Gomorra le we k'amaja katupon che i k'ijib'al —xcha i ángel che.
Rumali i tinimit le ipa xuto wi rib' ma Lot, xkanaj pub'i Zoar.
Lik saqirnaq chik are xupon ma Lot pa Zoar. Te'uri i Ajwal xutzaqsaj li asufra xaq i a' puwi i tinimit Sodoma xaq i Gomorra, chi lik ktoqowik. Keje uchupik uwach i keb' tinimit ile xu'an i Ajwal, xuchup uwach ronojel i ta'aj, ronojel i tikon chi o chwach xaq konojel i winaq. Xwiri i rixoqil ma Lot teren kanoq xaq xtzun chrij, are uri juntir x-on kan jun tak'tik atz'am.
Chukab' ij we' xwalij b'i mam Abraham, x-e chik chila ipa xelapan wi ru' i Ajwal. Xtzun b'i puwi i Sodoma xaq puwi i Gomorra, xaq puwi ronojel ulew chi lik tik'tik ta'aj; are uri xrilo chi kb'uquq i sib' chwach ulew chi kel b'i chikaj pacha sib' re jub'an rosa. Keje uchupik uwach i keb' tinimit ile xu'ano, xaq xk'un utzij mam Abraham chuk'ux, rumali xresaj ma Lot chwach i tojpen chi xpe puwi i tinimit ipa o wi te'eq.

I ma Lot rumal uxib'rikil xjeqi ti chila Zoar, junam ku' i keb' umi'al xe'e jeqi chwi jyub'. Chila xejeqi wi chupam jun pek. O juyak, i atz xub'ij che ucha':
—I qaqajaw lik rij chik, xwiri waral che i jyub'i nti jun achi re kk'uli qu', pacha kki'an konojel i winaq chwach i jyub' ta'aj. Wo'or chqa'ab'arsaj qaqajaw te'uri kqamin qib' ru', man keje ile kealax ni qak'al rumal ire —Keje ile xub'ij che ucha'.
Lik che a'ab' le xki'ab'arsaj kiqajaw, are uri xok b'i atz, xumin rib' ru' uqajaw, xwiri i uqajaw le xunab'ej taj are xok b'i umi'al ru' xaq xunab'ej taj are xel loq. Chukab' ij, i atz xub'ij che ucha':
—Yin cha'ab' xinmin wib' ru' qaqajaw; wo'or chqa'ab'arsaj chik che i a'ab'i, te'uri katok chub'i yet xaq chamina awib' ru', man keje ile chojkeb' kealax ni qak'al rumal ire —xcha.
Are u'ankil uri chi xki'ab'arsaj chik kiqajaw che a'ab' le, are uri xok chub'i cha'xel, xaq xumin rib' ru' uqajaw; xwiri i uqajaw le xaq xunab'ej taj are xok b'i umi'al ru' xaq xunab'ej taj are xel loq. Lik chekeb' altom le xek'aqtaj rumal ma Lot chi kiqajaw. Are uri i atz xalax jun ralab', xuya pub'i a Moab, ire le are kiqajaw aj Moab wo'or. I cha'xel xaq xalax jun ralab', xuya pub'i a Ben-ammi, ire le are kiqajaw aj Amón, k'a are o wi wo'or.

සවන් දෙන්න G%E9nesis 19