<div class="version vid1070 iso6393ton" data-vid="1070" data-iso6393="ton">
 <div class="book bkMAT">
 <div class="chapter ch28" data-usfm="MAT.28">
 <div class="label">28</div><div class="s">Ko e Toetu&#8216;u &#8216;a Si&#775;&#772;s&#363; mei he Peki&#225;</div><div class="r">(Ma&#8216;ake 16:1-18; Luke 24:1-12; Sione 20:1-10)</div><div class="p"> 1Pea hili &#699;a e S&#257;pat&#233;,#28:1 Ko e &#8216;aho Tokonak&#237; ia &#8216;i onopooni. Ko e &#8216;aho tapu ia &#8216;a e kakai Si&#250;. pea kamata mafoa &#699;a e at&#225; he &#699;uluaki &#8216;aho &#8216;o e uik&#233;, na&#699;e &#333; atu &#8216;a Mele Makitalin&#233; mo Mele &#699;e tah&#225; ke vakai &#699;a e fonualot&#243;.</div><div class="p"> 2Pea fakafokif&#257; na&#699;e hoko ha mofuike lahi, he na&#699;e &#8216;alu hifo ha &#8216;&#257;ngelo &#699;a e &#8216;Eiki&#775;&#769; mei he langi&#775;&#769; &#699;o ne teka&#8216;i &#699;a e mak&#225;, &#8216;o hekeheka ai. 3Pea na&#8216;e hang&#275; ko e tapa &#699;a e &#699;uhil&#225; &#699;ene h&#257; mai&#775;&#769;, pea ko hono kof&#250; na&#8216;e hinapaki &#8216;o hang&#275; ko e sino&#250;. 4Pe&#225; tetetete ai &#699;a e kau le&#8216;&#243; he&#8216;enau manavah&#233;, &#8216;o hang&#275; ka nau ka mat&#233;.</div><div class="p"> 5Pea peh&#275; ange &#8216;e he &#8216;&#257;ngel&#243; ki he ongo fafin&#233;, &#8223;&#8216;Oua te mo manavah&#275;, he &#8216;oku ou &#8216;ilo ko ho&#8216;omo kumi kia Si&#775;&#772;s&#363;, &#699;a &#275; na&#8216;e tutuki ki he kolosi&#775;&#769;. 6&#8216;Oku &#8216;ikai ke ne &#8216;i heni; he ku&#243; ne toetu&#699;u mei he mat&#233;, &#8216;o hang&#275; p&#275; ko e me&#8216;a na&#8216;&#225; ne tala at&#250;. Mo omi &#8216;o mamata ki he feitu&#699;u na&#8216;e toka ai hono sin&#243;. 7Pe&#225; mo &#333; fakavave leva &#8216;o tala ki he&#699;ene kau ak&#243;, kuo toetu&#699;u ia mei he peki&#225;, pea ku&#243; ne mu&#8216;omu&#8216;a &#8216;iate kinautolu ki K&#257;leli. Ko e potu ia te mou fe&#8216;iloaki ai mo i&#225;. Ko e me&#8216;a ia na&#8216;&#225; ku ha&#8216;u ke tala kiate kimou&#225;.&#8221;</div><div class="p"> 8Pea fakavave atu &#699;a e ongo fafin&#233; mei he fonualot&#243; kuo manavah&#275; hona lot&#243; kae fiefia lahi, &#8216;o na felele&#699;i atu ke tala ki he kau ak&#243; &#699;a e me&#8216;a kuo hok&#243;.</div><div class="p"> 9Pea &#8216;iloang&#275; kuo fakafetaulaki mai &#8216;a Si&#775;&#772;s&#363; kiate kinaua, &#699;o ne me&#699;a mai, M&#257;l&#333; e lelei! pe&#225; na &#699;unu&#699;unu atu ki ai &#8216;o tukut&#257;upe &#8216;i hono va&#699;&#233; &#8216;o h&#363; kiate ia. 10Pea peh&#275; ange &#8216;e Si&#775;&#772;s&#363; kiate kinaua, &#8223;&#8216;Oua te mo manavah&#275;! Mo &#333; &#8216;o tala ki si&#699;oku ngaahi tokou&#225; ke nau &#333; hake ki K&#257;leli, pea te nau mamata ai kiate au.&#8221;</div><div class="s">Ko e Fakamatala &#8216;a e Kau Le&#8216;&#243;</div><div class="p"> 11Pea lolotonga &#699;a e kei &#333; atu &#699;a e ongo fafin&#233;, mo e &#333; ki kolo &#699;a e kau s&#333;tia &#8216;e ni&#8216;ihi na&#699;&#225; nau le&#699;o &#699;a e fonualot&#243;, &#8216;o fakah&#257; ki he hou&#8216;eiki taula&#699;eiki&#775;&#769; &#699;a e me&#8216;a kotoa p&#275; kuo hok&#243;. 12Pea fakataha leva &#699;a e hou&#8216;eiki taula&#699;eiki&#775;&#769; mo e m&#257;tu&#8216;a tauhi lot&#250;, &#8216;o nau fa&#699;ufa&#699;u ke totongi&#699;i &#699;a e kau s&#333;ti&#225; &#699;aki ha pa&#8216;anga lahi. 13Pea nau tu&#699;utu&#699;uni kinautolu &#699;o peh&#275;: &#8223;Mou tala holo &#8216;ekimoutolu, &#8219;Na&#8216;e lolotonga ho&#699;omou mohe he po&#699;uli&#775;&#769; kuo &#699;alu atu &#699;a e kau ak&#243; &#8216;o kaiha&#8216;asi hono sin&#243;.&#8217; 14&#8216;Oua te mou hoha&#8216;a &#8216;okapau &#8216;e ongo atu ki he K&#333;van&#225; &#699;a e me&#8216;&#225; ni, he te mau fakatui&#699;i ia ki ai, &#699;o haofaki kimoutolu mei hano fakahoha&#699;asi.&#8221;</div><div class="p"> 15Ko ia, na&#8216;e to&#699;o leva &#8216;e he kau le&#8216;&#243; &#699;a e pa&#8216;ang&#225;, pea nau fai &#699;a e me&#8216;a na&#8216;e fekau ange kiate kinautol&#250;. Pea &#699;oku kei mafola &#699;a e talanoa ko i&#257; &#8216;i he kakai Si&#250; &#8216;o a&#699;u mai ki he &#8216;ah&#243; ni.</div><div class="s">Ko e H&#257; &#8216;a Si&#775;&#772;s&#363; ki He&#699;ene Kau Ak&#243;</div><div class="r">(Ma&#8216;ake 16:14-18; Luke 24:36-49; Sione 20:19-23; Ng&#257;ue 1:6-8)</div><div class="p"> 16Pea na&#8216;e &#333; atu &#699;a e kau ako &#8216;e toko hongofulu m&#257; tah&#225;, ki K&#257;leli, ki he mo&#699;unga na&#8216;e tu&#699;utu&#699;uni &#8216;e Si&#775;&#772;s&#363; ke nau &#699;alu ki ai&#775;&#769;, 17Pea &#699;i he&#699;enau mamata leva kia Si&#775;&#772;s&#363;, na&#699;&#225; nau lotu kiate ia. Ka na&#8216;e &#8216;i ai &#699;a e ni&#8216;ihi &#8216;iate kinautolu na&#8216;e kei ta&#699;etui p&#275; .</div><div class="p"> 18Pea &#699;unu&#699;unu atu &#8216;a Si&#775;&#772;s&#363; kiate kinautolu, &#699;o ne folofola &#699;o peh&#275;: &#8223;&#699;Oku &#699;a&#699;aku &#699;a e mafai kotoa p&#275; &#8216;i langi mo m&#257;mani. 19Ko ia, mou &#333; &#8216;o &#8216;ai &#699;a e kakai kotoa p&#275; ke hoko ko &#8216;eku kau ako, &#699;o mou papitaiso kinautolu &#8216;i he huafa &#8216;o e Tamai mo e &#8216;Alo pea mo e Laum&#257;lie M&#257;&#8216;oni&#8216;oni, 20mo ako&#8216;i kinautolu ke nau tauhi &#699;a e me&#699;a kotoa p&#275; kuo u tu&#699;utu&#699;uni atu kiate kimoutol&#250;. Pe&#225; te u nofo ma&#699;u ai p&#275; &#8216;i homou lotolotong&#225;, &#8216;o a&#699;u ki he ngata&#8216;anga &#699;o e maama ko eni&#775;&#769;.&#8221;</div>
 </div>
 </div>
</div>

Tongan Contemporary New Testament © Bible Society of the South Pacific, 2011.

Pea hili ʻa e Sāpaté, pea kamata mafoa ʻa e atá he ʻuluaki ‘aho ‘o e uiké, naʻe ō atu ‘a Mele Makitaliné mo Mele ʻe tahá ke vakai ʻa e fonualotó.
Pea fakafokifā naʻe hoko ha mofuike lahi, he naʻe ‘alu hifo ha ‘āngelo ʻa e ‘Eiki̇́ mei he langi̇́ ʻo ne teka‘i ʻa e maká, ‘o hekeheka ai. Pea na‘e hangē ko e tapa ʻa e ʻuhilá ʻene hā mai̇́, pea ko hono kofú na‘e hinapaki ‘o hangē ko e sinoú. Peá tetetete ai ʻa e kau le‘ó he‘enau manavahé, ‘o hangē ka nau ka maté.
Pea pehē ange ‘e he ‘āngeló ki he ongo fafiné, ‟‘Oua te mo manavahē, he ‘oku ou ‘ilo ko ho‘omo kumi kia Si̇̄sū, ʻa ē na‘e tutuki ki he kolosi̇́. ‘Oku ‘ikai ke ne ‘i heni; he kuó ne toetuʻu mei he maté, ‘o hangē pē ko e me‘a na‘á ne tala atú. Mo omi ‘o mamata ki he feituʻu na‘e toka ai hono sinó. Peá mo ō fakavave leva ‘o tala ki heʻene kau akó, kuo toetuʻu ia mei he pekiá, pea kuó ne mu‘omu‘a ‘iate kinautolu ki Kāleli. Ko e potu ia te mou fe‘iloaki ai mo iá. Ko e me‘a ia na‘á ku ha‘u ke tala kiate kimouá.”
Pea fakavave atu ʻa e ongo fafiné mei he fonualotó kuo manavahē hona lotó kae fiefia lahi, ‘o na feleleʻi atu ke tala ki he kau akó ʻa e me‘a kuo hokó.
Pea ‘iloangē kuo fakafetaulaki mai ‘a Si̇̄sū kiate kinaua, ʻo ne meʻa mai, Mālō e lelei! peá na ʻunuʻunu atu ki ai ‘o tukutāupe ‘i hono vaʻé ‘o hū kiate ia. Pea pehē ange ‘e Si̇̄sū kiate kinaua, ‟‘Oua te mo manavahē! Mo ō ‘o tala ki siʻoku ngaahi tokouá ke nau ō hake ki Kāleli, pea te nau mamata ai kiate au.”

Pea lolotonga ʻa e kei ō atu ʻa e ongo fafiné, mo e ō ki kolo ʻa e kau sōtia ‘e ni‘ihi naʻá nau leʻo ʻa e fonualotó, ‘o fakahā ki he hou‘eiki taulaʻeiki̇́ ʻa e me‘a kotoa pē kuo hokó. Pea fakataha leva ʻa e hou‘eiki taulaʻeiki̇́ mo e mātu‘a tauhi lotú, ‘o nau faʻufaʻu ke totongiʻi ʻa e kau sōtiá ʻaki ha pa‘anga lahi. Pea nau tuʻutuʻuni kinautolu ʻo pehē: ‟Mou tala holo ‘ekimoutolu, ‛Na‘e lolotonga hoʻomou mohe he poʻuli̇́ kuo ʻalu atu ʻa e kau akó ‘o kaiha‘asi hono sinó.’ ‘Oua te mou hoha‘a ‘okapau ‘e ongo atu ki he Kōvaná ʻa e me‘á ni, he te mau fakatuiʻi ia ki ai, ʻo haofaki kimoutolu mei hano fakahohaʻasi.”
Ko ia, na‘e toʻo leva ‘e he kau le‘ó ʻa e pa‘angá, pea nau fai ʻa e me‘a na‘e fekau ange kiate kinautolú. Pea ʻoku kei mafola ʻa e talanoa ko iā ‘i he kakai Siú ‘o aʻu mai ki he ‘ahó ni.


Pea na‘e ō atu ʻa e kau ako ‘e toko hongofulu mā tahá, ki Kāleli, ki he moʻunga na‘e tuʻutuʻuni ‘e Si̇̄sū ke nau ʻalu ki ai̇́, Pea ʻi heʻenau mamata leva kia Si̇̄sū, naʻá nau lotu kiate ia. Ka na‘e ‘i ai ʻa e ni‘ihi ‘iate kinautolu na‘e kei taʻetui pē .
Pea ʻunuʻunu atu ‘a Si̇̄sū kiate kinautolu, ʻo ne folofola ʻo pehē: ‟ʻOku ʻaʻaku ʻa e mafai kotoa pē ‘i langi mo māmani. Ko ia, mou ō ‘o ‘ai ʻa e kakai kotoa pē ke hoko ko ‘eku kau ako, ʻo mou papitaiso kinautolu ‘i he huafa ‘o e Tamai mo e ‘Alo pea mo e Laumālie Mā‘oni‘oni, mo ako‘i kinautolu ke nau tauhi ʻa e meʻa kotoa pē kuo u tuʻutuʻuni atu kiate kimoutolú. Peá te u nofo maʻu ai pē ‘i homou lotolotongá, ‘o aʻu ki he ngata‘anga ʻo e maama ko eni̇́.”

සවන් දෙන්න Mātiu 28