Tongan Contemporary New Testament © Bible Society of the South Pacific, 2011.

Pea pongipongi haké, kuo ʻosi alea‘i ‘e he hou‘eiki taulaʻeiki̇́ kotoa mo e kau mātu‘á ʻo e lotú, ha me‘a ke lava ai hano tāmate‘i ‘o Si̇̄sū. Pea nau toki ha‘i ia ‘o taki atu kia Pailato, ko e Kōvaná.


Pea ʻi he ʻilo leva ‘e Siutasi, ʻa ē naʻá ne lavakiʻi iá, kuo tuʻutuʻuni ke tāmate‘i ‘a Sīsuú, naʻá ne loto lavea ʻaupito ai, ʻo ne ‘alu ʻo fakafoki ʻa e pa‘anga siliva ‘e tolungofulú ki he hou‘eiki taulaʻeiki̇́ mo e kau mātu‘á ʻo e lotú; Pea naʻe talaange kiate kinautolu, ‟Kuó u faihala, ko ‘eku lavaki‘i ha tangata na‘e ‘ikai ha‘ane kovi ‘e fai.”
Pea nau pehēange ki ai, ‟Ko ho‘o ‘ai̇́, he ‘oku mau kau ai? Ko e meʻa pē ia ʻaʻau” Pea laku atu leva ‘e Siutasi ʻa e pa‘anga silivá ki he loto Temipalé, pea naʻe toki ‘alu ‘o tautau ia. Pea toʻo ‘e he hou‘eiki taulaʻeiki̇́ ʻa e pa‘angá, pea nau pehē: ‟Ko e pa‘anga ʻeni na‘e ma‘u he lingitoto, ‘oku ‘ikai ngofua ‘i he‘etau Laó ke fakahū ia ki he pa‘anga fakasiasi̇́.”
Pea hili ha‘anau alea ki ai, naʻa nau tuʻutuʻuni ke fakatau ʻaki ʻa e ‘api ‘o ha tangata tufunga ipuʻumea, ke ngāueʻaki ko e fa‘itoka ‘o e kakai nofo mai mei muli. Ko hono ʻuhinga ia ‘oku ui ai ʻa e mala‘e ko iā, ko Pangai Lingitoto, ʻo aʻu ki he ʻahó ni. Pea na‘e toki fakamo‘oni ai ʻa e lau ʻa e palōfita ko Selemaiá, ʻo pehē:

‟Na‘a nau toʻo ʻa e pa‘anga siliva ‘e tolungofulú.
Ko e lahi ia ‘o e pa‘anga na‘e tuʻutuʻuni ki ai ʻa e kakai ‘Isileli̇́,
Ko hono totongi̇́.
Pea naʻa nau fakatau ʻaki ia ʻa e ʻapi ‘o e tufunga ipu ʻumea,
‘O hangē ko e tuʻutuʻuni na‘e fai ‘e he ‘Eiki̇́ kiate aú.”



Pea nau taki atu ‘a Si̇̄sū ki he Kōvaná. Pea ‘eke ange ‘e he Kōvaná ki ai, ‟Ko e tu‘i koe ‘o e kakai Siú?”
Pea tali ‘e Si̇̄sū, ‟Ko ia pē ‘okú ke laú.”
Pea toki talatalaaki‘i ‘a Si̇̄sū ‘e he hou‘eiki taulaʻeiki̇́ mo e kau mātu‘á ʻo e lotú, kae fakalongolongo pē ia. Pea pehē ange ‘e Pailato ki ai, ‟‘Oku ‘ikai koā te ke tokanga ki he ngaahi me‘a ko ʻeni ‘oku nau tukuakiʻi ʻaki koé?” Ka na‘e ‘ikai te ne toe tali ‘e ia ʻaki ha fo‘i lea ‘e taha. Pea fakatumutumu ai ʻa e Kōvaná.


Pea ko e anga ‘o e Kōvaná, he kātoanga Pāsová, ko ʻene tukuange ha pōpula ‘e loto ki ai ʻa e kakai̇́. Pea feʻunga mo iá, ‘oku ‘i ai ʻa e pōpula ‘iloa, ko Palāpasa hono hingoá. Ko ia naʻe fakataha mai ʻa e kakai̇́, pea ʻeke ‘e Pailato kiate kinautolu, ‟Ko hai ‘oku mou loto ke u tukuange atú? Ko Palāpasa pē ko Si̇̄sū, ‘a ē ‘oku ui ko e Mi̇̄saiá?” He naʻe mahino ki ai, ko e meheka pē kuo nau tukuange ai ‘a Si̇̄sū kiate iá.
Pea lolotonga ʻa e kei nofo ‘a Pailato ‘i he nofo‘anga fakamāú, mo e a‘u ange ʻa e fekau mei hono uaifi̇́ kiate ia, ‟‘Oua ‘aupito na‘á ke fai ha me‘a ki he tangata tonuhia ko ená. He ʻoku hoha‘a lahi ‘eku moʻui̇́ he ‘ahó ni, ko ‘eku misi naʻe kau kiate ia ‘anepō.” Pea na‘e fakaloto‘i ‘e he hou‘eiki taulaʻeiki̇́ mo e kau mātu‘á ʻo e lotú, ʻa e kakai̇́, ke nau kole kia Pailato ke tukuange mai ‘a Palāpasa kae tāmate‘i ‘a Si̇̄sū. Pea toe ‘eke ange ‘e Pailato kiate kinautolu, ‟Ko e fē he ongo tangatá ni ‘oku mou loto ke u tukuange atú?” Pea nau pehē: ‟Ko Palāpasa!”
Pea toe pehēange ‘e Pailato kiate kinautolu, ‟Ka ko e hā leva ʻeku meʻa ʻe fai kia Si̇̄sū, ‘a ē ‘oku ui ko e Mi̇̄saiá?”
Pea nau kaila kotoa pē, ‟Tutuki ia ki he kolosi̇́!”
Pea pehē ange ‘e Pailato kiate kinautolu, ‟He ko e hā ha‘ane kovi kuo fai?”
Kae fakautuutu pē ‘enau kalangá, ‟Tutuki ia ki he kolosi̇́!”
Pea ʻi he ʻilo ‘e Pailato ‘e ‘ikai toe lava ha‘ane me‘á, ka ‘e faifai pea hoko ha moveuveú, pea naʻe toʻo mai leva ha vai ‘o fanofano ai ke sio ki ai ʻa e kakai̇́, pea naʻe toki talaange kiate kinautolu, ‟Kuo ‘ʻata‘atā hoku konisēnisi̇́ mei he toto ‘o e tangata tonuhia ko eni̇́. Mou fa‘iteliha ā ki ai.”
Pea tali ‘e he kakai̇́ kotoa, ‟Tuku pē ke ‘eke hono totó kiate kimautolu mo ‘emau fānaú.” Pea tukuange leva ‘e Pailato ‘a Palāpasa kiate kinautolu. Pea hili ‘ene fekau ke uipiʻi ‘a Si̇̄sū ‘aki ha maea, naʻá ne tuku atu ia ke tutuki ki he kolosi̇́.


Pea toki ‘ave ‘a Si̇̄sū ‘e he kau sōtia ‘a e Kōvaná ki he Palasi faka-kōvaná, pea kātoa mai ki ai ʻa e kau taú ʻo nau fehangahangai mo ia. Pea nau vete ʻa e teunga ‘o Si̇̄suú ka nau ‘ai kiate ia ha pulupulu lanu kulokula ʻahoʻaho. Pea nau fi̇̄ ha kalauni talatala ‘o ‘ai ki hono fofongá, mo nau ‘ai ha vaʻakau ki hono nima toʻomataʻu. Pea nau toki tūʻulutui atu ki ai mo manuki‘i ia, ʻaki ‘enau pehē ange, ‟Ke lākoifie fuoloa ʻa e Tu‘i ‘o e kakai Siú!” Pea nau ‘anuhia ia, mo toutou taa‘i ‘aki hono fofongá ‘a e vaʻakaú.


Pea ‘osi ‘enau manuki‘i ‘a Sīsuú, pea nau hū‘i leva ʻa e pulupulú meiate ia. Pea nau toe ‘ai ki ai hono vala ‘o‘oná, pea nau toki taki atu ia ke tutuki ki he kolosi̇́.
Pea ʻi he‘enau hū atu kitu‘á, naʻa nau fetaulaki ai mo ha tangata Sailine, ko Saimone hono hingoá, pea nau fekau kiate ia, ke ne fua ʻa e kolosi ‘o Sīsuú.
Pea faifai̇́ pea nau a‘u ki he feitu‘u na‘e ui ko Kolokota, ʻa ia ko hono ʻuhingá ko ‘Feitu‘u ‟ʻUlupoko.” Pea nau ‘oange ai kia Si̇̄sū ha uaine kuo hū‘i ‘aki ʻa e ʻakau kona, ke ne inu. Ka ʻi he kamata ‘ai hake pē ‘e Si̇̄sū, naʻá ne toe teke‘i atu.
Pea hili ‘enau tutuki ia ki he kolosi̇́, naʻa nau vahevahe hono teungá ʻaki ‘enau talotalo ki ai. Pea nau nofo ki lalo ai ‘o le‘ohi ia.
Pea naʻa nau tohi ʻa e ngaahi lea ko ʻeni̇́ mei ‘olunga ‘o feʻunga hifo mo hono fofongá, ke mahino ʻa e ʻuhinga hono tauteá, ‟Ko Si̇̄sū eni, ko e Tu‘i ‘o e kakai Siú.”
Pea naʻa nau tutuki fakataha ia mo ha ongo tangata kaiha‘a fakamālohi, ko e taha mei toʻomataʻu, pea taha mei toʻohema.
Pea ko e kakai na‘a nau fou atu he feitu‘u ko iā na‘a nau ō pē mo manuki‘i ‘a Si̇̄sū, ʻo kalokalo honau ʻulú: ʻO nau pehē: ‟Ko koe koā ia na‘á ke teu ke holoki ʻa e Temipalé pea toe langa ‘i ha ‘aho ‘e tolu! Fakamo‘ui koe. Kapau ko e ‘Alo koe ‘o e ‘Otuá, pē‘i ‘alu hifo mei he kolosi̇́.”
Na‘e pehē foki mo e manuki ʻa e hou‘eiki taulaʻeiki̇́ mo e kau faiako Laó mo e kau mātu‘a tauhi lotú; ‟Na‘á naʻe fakamo‘ui ʻa e kakai kehé, ka ‘oku ‘ikai te ne lava ‘o fakamo‘ui ia. ‘Ikai ko e Tu‘i ‘Isileli̇́ ia? Kapau ko ia, tuku ke ne hifo mai mei he kolosi̇́, pea te tau toki tui kiate ia. Na‘á ne falala ki he ‘Otuá, pea naʻe lau ko e ‘Alo ia ‘o e ‘Otuá. Tuku ke fakamo‘ui ia ‘e he ‘Otuá, ‘o kapau ko hono finangaló ia.”
Pea na‘á mo e ongo hiamatea na‘e tutuki fakataha mo iá, na‘á na kau foki mo kinaua he manuki kiate iá.


Pea ʻi heʻene a‘u ki he ho‘atā mālié, naʻe fakapoʻuli kātoa ʻa e funga ‘o e fonuá, ʻo faaiatu ai pē ‘o a‘u ki he hoko ʻa e tolu efiafi̇́. Pea feʻunga nai mo e tolu efiafi̇́, naʻe kalanga le‘olahi ‘a Si̇̄sū, ‟ʻIlai! ʻIlai! Lama sapakatani,” ‘a ia ko hono ʻuhingá: ‟‘E hoku ‘Otua! ‘E hoku ‘Otua! Ko e hā kuó ke li‘aki ai aú?”
Pea ʻi he fanongo ki ai ha ni‘ihi na‘e tutuʻu ofi mai, naʻa nau pehē: ‟‘Okú ne ui kia ‘Ilaisiā!” Pea lele leva ha toko taha ‘o ne toʻo ha konga oma ‘o unu ‘i ha uaine mahimahi, pea naʻe toki hunuki ‘i ha vaʻa kofe ‘o ‘ohake ‘aki kia Si̇̄sū ke ne inu. Ka naʻe pehē ‘e ha ni‘ihi, ‟Tau tatali, ke sio angé, pē ‘e ha‘u ‘a ‘Ilaisiā ‘o fakahaofi ia.”
Pea ne toe kalanga le‘olahi ‘a Si̇̄sū, ʻo ne tukuange hono laumālié.
Pea ʻiloangé, naʻe mahae ʻa e puipui ‘o e Temipalé mei ‘olunga ki lalo, pea mofuike ʻa e fonuá ‘o mafahifahi ai ʻa e ngaahi makatu‘ú. Pea ava ai mo ha ngaahi fonualoto, pea lahi ʻa e ngaahi sino ʻo e kakai ʻa e ‘Otuá, naʻe fokotuʻu hake ai; Pea naʻa nau haʻu mei honau ngaahi fa‘itoká. Pea hili ʻa e toetu‘u ‘a Si̇̄sū, pea nau ō hake ki he Kolo Tapú, ‘o nau hā ai ki ha tokolahi.
Pea ko e kau sōtiá mo kinautolu na‘á nau le‘ohi ‘a Sīsuú, na‘á nau sio ki he mofuiké mo e me‘a kehekehe na‘e hokó, pea nau ilifia ‘aupito, pea nau pehē: ‟Tā ko e mo‘oni pē, ko e ‘Alo ʻeni ‘o e ‘Otuá!”
Pea na‘e ‘i ai mo ha kau fefine tokolahi na‘e tutuʻu ʻo sio mei he mama‘ó. Ko e kau fefine ia na‘e muimui fononga mai ‘ia Si̇̄sū mei Kāleli, ke tokoni kiate ia. Ko e ni‘ihi ai ko Mele Makitaline, mo Mele ko e fa‘ē ‘a Sēmisi mo Siosifá, pea mo e fa‘ē ‘a e ongo foha ʻo Sēpeti̇́.


Pea ʻi heʻene efiafi hifó, naʻe ha‘u ha tangata maʻumeʻa mei ‘Alematea, ko Siosifa hono hingoá, pea na‘á ne kau he kau ako ‘a Sīsuú. Pea ‘alu ia kia Pailato ‘o kole ʻa e sino ‘o Sīsuú. Pea tuʻutuʻuni ‘e Pailato ke ‘oange ia kiate ia. Pea ‘ave ia ‘e Siosifa ‘o ne teu ʻaki ha tupenu li̇̄neni ma‘a; Pea ne toki ‘ave ia ‘o telio ‘i hono fonualoto ‘o‘ona kuó ne toki tā ‘i ha fu‘u makatu‘u. Pea naʻe teka‘i atu ha fu‘u maka lahi ‘o tāpuni ʻaki ʻa e hūʻanga ki he fonualotó, ʻo ne toki ‘alu.
Pea na‘e ‘i ai ‘a Mele Makitaline, mo Mele ʻe tahá, ‘okú na nofo mei he kauhala ʻe tahá, ‘o sio pē mei ai ki he fonualotó.

Pea a‘u ki he ‘aho hono hokó, ko e Sāpaté ia, pea fakataha hake ʻa e hou‘eiki taulaʻeiki̇́ mo e kau Fālesi̇́ kia Pailato; ‘O nau pehēange, ‟Tangata‘eiki, kuo mau toki manatu‘i, lolotonga na‘e kei mo‘ui ʻa e siana kākā ko ʻená, na‘á ne pehē ‘e ia; ‛‘E hili ha ‘aho ‘e tolu, te u toetu‘u mei he maté.’ Ko ia, ke ke tuʻutuʻuni muʻa ke malu‘i ʻa e fonualotó ‘o a‘u ki he ‘aho hono tolú. Na‘a faifai̇́ kuo omi ʻene kau akó ‘o kaiha‘asi hono sinó, ka nau tala ki he kakai̇́ kuo toetu‘u ia mei he maté, pea ʻe ‘ange‘ange ʻa e loi kimu‘á he loi kimui̇́!”
Pea pehē ʻe Pailato kiate kinautolu, ‟Mou ō mo haʻamou kau le‘o ‘o mātuʻaki malu‘i ʻa e fonualotó ʻaki homou lelei tahá.” Pea nau ō ‘o sila‘i ʻa e maká mo fokotu‘u ai ʻa e kau le‘ó ke nau le‘ohi ʻa e fonualotó ke malu.

සවන් දෙන්න Mātiu 27