Mateus 2
2
Ema Matenek Klean Mai
1Bainhira Jesus moris ona iha Belém iha Judeia, iha liurai Herodes nia tempu, tebes, ema matenek klean sira mai hosi rai lorosae too Jerusalém.
2No sira husu, “Ema Judeu nia liurai nebee moris tiha ona, nia iha nebee? Tanba ami haree Ninia fitun iha rai lorosae, no ami mai hodi adora Nia.” 3Bainhira liurai Herodes rona tiha liafuan nee, nia sai laran taridu, hamutuk ho ema Jerusalém hotu. 4Nia halibur saserdote boot no eskriba sira#2:4 Xefi relijiaun sira. Ema eskriba sira iha knaar atu halo kópia hosi Testamentu Tuan no sira estuda makaas no hanorin povu kona ba Maromak nia liafuan nee. Haree Neemias 8:1-3. hotu hosi povu nee. Nia husu hatene ba sira kona ba Kristu#2:4 Kristu (lian Gregu) no Mesias (lian Ebreu) katak ‘unjidu’ nebee simu unsaun ho mina hodi sai liurai. No povu hein katak nia bele salva sira hosi sira nia inimigu sira. Haree 1 Samuel 16:1-16. nee sei moris iha nebee. 5No sira dehan ba Herodes, “Iha Belém iha Judeia, tanba profeta hakerek nanis ona nunee:
6‘No o, Belém, iha rai Judá,
o laos kiik liu iha Judá nia nai ulun sira nia leet;
tanba hosi o sei mai nai ulun ida
nebee sei tau matan ba Hau nia povu Israel.’”#2:6 Mikeias 5:2.
7Entaun Herodes bolu sub-subar ema matenek klean sira nee. Nia husu tan ba sira kona ba hori bainhira loos mak fitun nee mosu. 8No nia haruka sira baa Belém, no dehan, “Baa no buka di-diak labarik kiik nee. No bainhira imi hetan ona Nia, foo hatene mai hau, atu nunee hau mos bele baa adora Nia.” 9Bainhira sira rona tiha liurai, sira sai ba. No tebes, fitun ida nebee sira haree ona iha rai lorosae baa iha sira nia oin. No fitun nee baa uluk sira no para iha fatin nebee labarik kiik nee hela. 10Bainhira sira haree fitun nee, sira haksolok tebes no kontenti liu. 11Sira tama ba uma laran no sira haree labarik kiik ho Ninia inan Maria. No sira hakneak no adora Nia. Sira loke sira nia riku-soin no foo prezenti sira ba Nia: osan mean, mina morin, no mina mira. 12Sira iha mehi nebee foo hanoin ba sira atu la bele fila fali ba Herodes. Nunee sira sai hosi fatin nee no fila ba sira nia rai liu hosi dalan seluk.
Halai Ba Ejitu
13Bainhira ema matenek klean sira sai ona, tebes, Nai nia anju mosu ba José iha mehi ida, no dehan, “Hamriik ba, no lori labarik kiik nee no Ninia inan, no halai ba Ejitu. Hela iha nebaa too hau foo hatene fali liafuan ba o. Tanba Herodes sei buka labarik kiik nee hodi oho Nia.” 14Nunee José hamriik no lori labarik kiik ho Ninia inan iha tempu kalan, no sira baa Ejitu. 15Sira hela iha nebaa too Herodes mate tiha ona. Ida nee akontese hodi kumpri buat nebee Nai hatete nanis ona liu hosi profeta, nebee Nia dehan, “Hosi Ejitu mak Hau bolu Hau nia Oan Mane.”#2:15 Oseias 11:1.
Liurai Herodes Oho Labarik Sira
16Bainhira Herodes haree katak ema matenek klean sira nee bosok ona nia, nunee nia sai hirus tebes. Nia haruka ema baa Belém, no área hotu iha nebaa, no oho oan mane hotu nebee tinan rua ba kraik, tuir tempu nebee nia husu lo-loos kona ba ida nee hosi ema matenek klean sira. 17Buat nee kumpri profeta Jeremias nia liafuan:
18“Iha Rama ema rona lian,
tanis halerik no tanis makaas,
Rakél tanis lelir tanba ninia oan sira,
no ema la bele hamaus nia, tanba ninia oan sira la iha ona.”#2:18 Hosi Jeremias 31:15. Rama mak aldeia nebee kilometru 15 hosi Belém. Rama mak fatin nebee uluk sira halibur ema Judá sira nudar ema dadur. (Jeremias 40:1) Rakél mak Jacó nia feen, nebee ema haree nudar Israel nia inan. Nia mate besik Belém. (Jénesis 35:19).
Fila Fali Ba Nazaré
19Maibee bainhira Herodes mate ona, tebes, Nai nia anju ida mosu iha mehi ida ba José iha Ejitu. 20Anju nee dehan, “Hamriik ba, no lori labarik kiik ho Ninia inan, no baa rai Israel. Tanba sira nebee buka atu oho labarik kiik nee mate tiha ona.” 21Depois nia hamriik no lori labarik kiik ho Ninia inan, no nia baa rai Israel. 22Maibee bainhira nia rona katak Arkelau mak ukun iha Judeia troka ninia aman Herodes, José tauk atu baa nebaa. Bainhira nia simu Maromak nia liafuan iha mehi ida, nia fila no tama ba área Galileia. 23No nia baa hela iha aldeia ida naran Nazaré, hodi kumpri liafuan hosi profeta sira: “Sira sei bolu Nia ema Nazaré.”
Selectat acum:
Mateus 2: BK
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Copyright Kadi Timor. All rights reserved. Portions of scripture can be used without permission for the promotion of God's glory.