Matie Bhɔlɩ

Bhɔlɩ

Nyɩkpɔɔ ‑ɔ ‑jɩjlä lä 'bɔɔgʋnʋ nä, ɔɔ' ‑wʋ ɔ yëku 'ŋnö ‑zɛɛ ‑mä nyɩkpaa ‑wa ‑zɛɛ lä ʋʋ' 'mnö wälɩɩ tɛɛ nä, wamää‑ cii‑ lä nynä ‑mä Zozii' 'kʋgënyɔɔ wa laa lä Matie nä, ɔmɔɔ‑ ‑jɩjlʋ. Ɔmɔ Matie nä, wa lɔɔ bhä 'sɩɩ Levii (Makö 2.14; Lukö 5.27). Lapoo‑ylänyɔ ɔ plöö‑ bhlä tɛɛ.

'Bɔɔgʋnʋ nä, 'Zufʋnyʋää' ‑zä Matie ‑jɩjlʋ lä. Ʋmʋ 'mnö kä Matie ci la nynä ‑mä Zozii ‑glö 'loyoo' lɔɔ ‑ɔ ‑yi lä 'Yizlɛnyʋä ‑lɔɔ nëë ‑sä ‑kää nä. Ɔ lä Zozii ‑glö 'loyo Davidöö 'lɔlʋnyɔ. 'Nɩ ɔɔ' yëkuu' wälɩ Laagɔɔ' 'plɔfɛtɩnyʋa cii‑ bhlä ‑mɔɔ ‑gɔgɔbhlää' nynä ‑mä ylʋʋ yia ‑lɔɔ kʋ 'nɩ Laagɔ yi bhä nyɩkpaa' ‑lɔɔ nëë ‑sänyɔ ‑mää 'ylʋzɔɔ lobho. Kä Matie pana lä nynä ‑lɔɔ' nyɩkpɔɔ 'mɔɔ‑ plöö‑ lä Zozii.

'Bɔɔgʋnʋ nä, ʋʋ' tɛɛtɛɛ‑klëa sonö‑anyɩ 'fɩa sɩ plöö‑ lä 'kʋ 'nɩ wa ‑gään lä Zozii nä, 'nɩ ʋ sonö‑anyɩ 'sɩɩ ɔɔ' 'lɔlʋnyʋää' yëkuu' wälɩ. Ʋ sonö‑anyɩ 'sɩɩ nynä Zään Badisö 'mɔɔ‑ ŋʋʋ‑ Zozii 'nyu 'wlu. 'Nɩ 'Dëvlo ‑yi 'nɩ ʋ nyɛɛ‑ Zozii ‑zɔɔpälɩ (3.1–4.11).

Zozii' sä ɔ cɩa bhlä nyɩkpa nä, 'nɩ sä ɔ cɩa bhlä 'sɩɩ ɔɔ' 'kʋgënyʋa nä, ɩyä 'yiziziogbɩɩ ‑yä ‑daminëa ɔ ‑nʋ lä nä, Matie ‑sää ‑lɔɔ' wälɩɩ 'fɩɩn (4.12–18.35).

Matiee' 'bɔɔgʋʋ mʋ ylä bhlü kää nä, ʋ cii‑ sä Zozii ‑mʋ lä Zolizalɛmʋduu' 'nɩ wa 'bhlänöɔ‑ lä ‑mɔɔ nä. Ʋ ci nynä ‑mä ɔ kuu‑ lä nä, tanaylʋʋ 'kʋ kɔ ‑glɔɔ 'kuëë. Ɔ ‑glɔɔ lä 'kuëë nä, ɔ ‑ghlä ɔɔ' 'kʋgënyʋa 'yii (19.1–28.15). Ɔ ‑yʋwa 'sɔ 'nii‑ ‑mɔɔ Galileebhlɩ 'kʋʋ 'kükëa 'wlu 'nɩ ɔ yiwa lobho, ɔ lä wa mʋ 'ylʋzɔɔ' dää 'fɩɩn ‑yä a wlʋa ‑mɔɔ ɔɔ' 'kʋgënyʋä (28.16‑20).

Selectat acum:

Matie Bhɔlɩ: god

Evidențiere

Partajează

Copiază

Dorești să ai evidențierile salvate pe toate dispozitivele? Înscrie-te sau conectează-te

Află mai multe despre GOD - u2

Matie Bhɔlɩ

Versete biblice populare din
Matie Bhɔlɩ

Biblia:

Godié

Versiune: GOD - u2 - god

Matie Bhɔlɩ

Matie Bhɔlɩ

Versete biblice populare din Matie Bhɔlɩ

Biblia:

Godié

Versiune: GOD - u2 - god

Matie Bhɔlɩ

Versete biblice populare din
Matie Bhɔlɩ