Mateyu 16
16
Awalonda ukulola ichizungusyo
(Marko 8:11-13; Luka 12:54-56)
1Awa Falisi wamwi na wa Saduki awaya kwe Yesu. Walondanga umwakumulemela, achaleka awamuwuzya ukuti awachitile ichizungusyo, ichakulanjizya ndi Leza ali nawe. 2Ukuwa Yesu awatolelela ati, Likula pano ilanzi likwinjila amuti, Kulicha ichete, amuno mupela mwawenza. 3Swinya akula kwacha umutondo-tondo amuti, Yandi itonye, amuno mupela mwawenza swinya mwafita. Mungakolania vino kulicha pakulolechesya mupela; ukuwa kweni mutanga mumanye chino ivyampindinye zyozyo chikusula! 4Ye, yawipa wuli inkulonye yoo yino itamanya Leza! Wuzye mukumbuzya ukuti nchite ichizungusyo? Awe, nakana! Ichizungusyo chino nandi mbape suka ndi achizungusyo chakwe Yona.
Achaleka awasya apita.
Umutawa wawa Falisi na wa Saduki
(Marko 8:14-21)
5Awala awasambilizi walamba sumbi, awiwilila ukusenda ichakulya. 6Yesu awanena ati, Chenjelani, muwayisunga kuvyamutawa wawa Falisi nawa Saduki.
7Awatalika ukupanzyania, wakuti, Yesu wavwanjila choo muno tutasenzile ichakulya chimwi.
8Ala Yesu wamanya chino wavwanganga, awawuzya ati, Ngamuno chani chino mukupanzyania muno mutasenzile ichakulya? Yemwe, wisuwilo tichimwe! 9Wuzye mutanga mwiluke? Wuzye musina kwizuka pano namontolinie imisumba yisano iyakulela awantu imyanda ikumi impindi zisano (5,OOO)? 10Nga mwizuzizye ivitundu vinga? Nga imisumba yoyo munenulambali yino yalezile awantu imyanda ikumi impindi zini (4,000)? Nga mwizuzizye ivitundu vinga? 11Ngamuno chani chino mutanga mwiluke kuno nsinakuwanena mwemwe kuvyachakulya? Yizukanji kuvyamutawa wawa Falisi nawa Saduki!
12Ngapano awasambilizi awiluka kuno atawanenanga kukuyisunga kuvyamutawa wachakulya, ukuwa kukuyisunga kumisambilizizye ya wa Falisi nawa Saduki.
Peter awumbula ivyakwe Yesu
(Marko 8:27-30; Luka 9:18-21)
13Yesu aya mupipi nakaya kakwe Kesariya Filipi, kuno wayile awuzya awasambilizi wakwe ati, Nga awantu wakutanji Umwanamuntu weweni?
14Awamutolelela awati, Wamwi wakutanji we Yohani kabatizya. Nawo wanji wakutanji we Eliya, pano wanji wakutanji we Jeremiya pamwi amutumwa winji.
15Ngapano Yesu awawuzya ati, Ngamwenji mukutanji neweni?
16Simoni Peter atolelela ati, We Mesaya, Umwanakwe Leza mumi.
17Yesu atolelela ati, Wasalipa, we Simoni mwanakwe Yohani! Amuno ukusimichila koo kutafuma kumulawa wumwi, ukuwa kwafumilila kwe Tata wamwiyulu. 18Achaleka nkuwanena nkuti, Peter, wemfuzi, napalufulanye 100 ulwakwe mfuzi apano ndizenga Ikleziya lyane, lino nanti amfwanye italilichimvya. 19Ndikupa wakii wa mu Wufumu wamwiyulu; chino wiza wakana munsi moo, namwiyulunye chilikanwa, nachino wiza wazumilizya munsi chilizumilizwa namwiyulunye.
20Ngapano Yesu akomelezya awasambilizi wakwe ukuti watize wanena umuntu wumwi kuno walinji we Mesaya.
Yesu avwanga nivyakuyimba kwakwe nimfwa yakwe
(Marko 8:31—9:1; Luka 9:22-27)
21Ukufumilila pampindinye yoyo Yesu atalika ukuwumbulila awasambilizi wakwe ati, Nandi inje kwe Yerusalemu nkayimbe ivintu vivule kwewasongo, nakwewasimapepo wakulu, nakuwasambilizya wamasundo. Nkomwe, ukuwa nzyulupuke pawanda wachititatu.
22Peter akwemela Yesu kumbali atalika awamukalipila. Ati, Ndi Leza achipisizye ukutali, Mulali ichamwatanye woo chitize chikuponele!
23Yesu apiluluchila kwe Peter amunena ati, Tina pano, we Satana! Wechakupunuzya munzila yane, amuno amelengania yako amelengania yawuntu, yasi aya wu-Leza!
24Ngapano Yesu anena awasambilizi wakwe ati, Ndiwumwi akulonda ukunkonka, wazipila ayiwilila umwenecho, asende uwuchingane wakwe ankonke. 25Amuno wensi wino akulonda ukukakatizya uwumi wakwe aliwusumba; ukuwa wensi wino akusumba uwumi wakwe muno anene alilanga ali nawo. 26Wuzye umuntu angawotoka chimwi ndiwawa ninsi yonsi ukuwa walovya uwumi wakwe? Ng'o! Pasi chimwi chino umuntu angakawunkania nuwumi wakwe. 27Amuno Umwanamuntu ali papipi nukwiza muwukankala wa Monsi wakwe nawangeli wakwe, nga ayize alambule wilamuntu ukulingana nimilimo yakwe, 28Yizukanji choo! Panyepaa pakwe mwemwe pali wamwi wano watalifwa wasuke wize walole Umwanamuntu wiza watem'Uwufumu,
Selectat acum:
Mateyu 16: WWN82
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Chinamwanga Bible © United Bible Societies, 1981.
Mateyu 16
16
Awalonda ukulola ichizungusyo
(Marko 8:11-13; Luka 12:54-56)
1Awa Falisi wamwi na wa Saduki awaya kwe Yesu. Walondanga umwakumulemela, achaleka awamuwuzya ukuti awachitile ichizungusyo, ichakulanjizya ndi Leza ali nawe. 2Ukuwa Yesu awatolelela ati, Likula pano ilanzi likwinjila amuti, Kulicha ichete, amuno mupela mwawenza. 3Swinya akula kwacha umutondo-tondo amuti, Yandi itonye, amuno mupela mwawenza swinya mwafita. Mungakolania vino kulicha pakulolechesya mupela; ukuwa kweni mutanga mumanye chino ivyampindinye zyozyo chikusula! 4Ye, yawipa wuli inkulonye yoo yino itamanya Leza! Wuzye mukumbuzya ukuti nchite ichizungusyo? Awe, nakana! Ichizungusyo chino nandi mbape suka ndi achizungusyo chakwe Yona.
Achaleka awasya apita.
Umutawa wawa Falisi na wa Saduki
(Marko 8:14-21)
5Awala awasambilizi walamba sumbi, awiwilila ukusenda ichakulya. 6Yesu awanena ati, Chenjelani, muwayisunga kuvyamutawa wawa Falisi nawa Saduki.
7Awatalika ukupanzyania, wakuti, Yesu wavwanjila choo muno tutasenzile ichakulya chimwi.
8Ala Yesu wamanya chino wavwanganga, awawuzya ati, Ngamuno chani chino mukupanzyania muno mutasenzile ichakulya? Yemwe, wisuwilo tichimwe! 9Wuzye mutanga mwiluke? Wuzye musina kwizuka pano namontolinie imisumba yisano iyakulela awantu imyanda ikumi impindi zisano (5,OOO)? 10Nga mwizuzizye ivitundu vinga? Nga imisumba yoyo munenulambali yino yalezile awantu imyanda ikumi impindi zini (4,000)? Nga mwizuzizye ivitundu vinga? 11Ngamuno chani chino mutanga mwiluke kuno nsinakuwanena mwemwe kuvyachakulya? Yizukanji kuvyamutawa wawa Falisi nawa Saduki!
12Ngapano awasambilizi awiluka kuno atawanenanga kukuyisunga kuvyamutawa wachakulya, ukuwa kukuyisunga kumisambilizizye ya wa Falisi nawa Saduki.
Peter awumbula ivyakwe Yesu
(Marko 8:27-30; Luka 9:18-21)
13Yesu aya mupipi nakaya kakwe Kesariya Filipi, kuno wayile awuzya awasambilizi wakwe ati, Nga awantu wakutanji Umwanamuntu weweni?
14Awamutolelela awati, Wamwi wakutanji we Yohani kabatizya. Nawo wanji wakutanji we Eliya, pano wanji wakutanji we Jeremiya pamwi amutumwa winji.
15Ngapano Yesu awawuzya ati, Ngamwenji mukutanji neweni?
16Simoni Peter atolelela ati, We Mesaya, Umwanakwe Leza mumi.
17Yesu atolelela ati, Wasalipa, we Simoni mwanakwe Yohani! Amuno ukusimichila koo kutafuma kumulawa wumwi, ukuwa kwafumilila kwe Tata wamwiyulu. 18Achaleka nkuwanena nkuti, Peter, wemfuzi, napalufulanye 100 ulwakwe mfuzi apano ndizenga Ikleziya lyane, lino nanti amfwanye italilichimvya. 19Ndikupa wakii wa mu Wufumu wamwiyulu; chino wiza wakana munsi moo, namwiyulunye chilikanwa, nachino wiza wazumilizya munsi chilizumilizwa namwiyulunye.
20Ngapano Yesu akomelezya awasambilizi wakwe ukuti watize wanena umuntu wumwi kuno walinji we Mesaya.
Yesu avwanga nivyakuyimba kwakwe nimfwa yakwe
(Marko 8:31—9:1; Luka 9:22-27)
21Ukufumilila pampindinye yoyo Yesu atalika ukuwumbulila awasambilizi wakwe ati, Nandi inje kwe Yerusalemu nkayimbe ivintu vivule kwewasongo, nakwewasimapepo wakulu, nakuwasambilizya wamasundo. Nkomwe, ukuwa nzyulupuke pawanda wachititatu.
22Peter akwemela Yesu kumbali atalika awamukalipila. Ati, Ndi Leza achipisizye ukutali, Mulali ichamwatanye woo chitize chikuponele!
23Yesu apiluluchila kwe Peter amunena ati, Tina pano, we Satana! Wechakupunuzya munzila yane, amuno amelengania yako amelengania yawuntu, yasi aya wu-Leza!
24Ngapano Yesu anena awasambilizi wakwe ati, Ndiwumwi akulonda ukunkonka, wazipila ayiwilila umwenecho, asende uwuchingane wakwe ankonke. 25Amuno wensi wino akulonda ukukakatizya uwumi wakwe aliwusumba; ukuwa wensi wino akusumba uwumi wakwe muno anene alilanga ali nawo. 26Wuzye umuntu angawotoka chimwi ndiwawa ninsi yonsi ukuwa walovya uwumi wakwe? Ng'o! Pasi chimwi chino umuntu angakawunkania nuwumi wakwe. 27Amuno Umwanamuntu ali papipi nukwiza muwukankala wa Monsi wakwe nawangeli wakwe, nga ayize alambule wilamuntu ukulingana nimilimo yakwe, 28Yizukanji choo! Panyepaa pakwe mwemwe pali wamwi wano watalifwa wasuke wize walole Umwanamuntu wiza watem'Uwufumu,
Selectat acum:
:
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Chinamwanga Bible © United Bible Societies, 1981.