Habakuku 2
2
Itolelo lya Mfumu e Leza kwe Habakuku
1Nandi nkwele pakapungu kakulolela, ndindilile ndole chino Imfumu e Leza wandi anene ichakuvwanga, ndole itolelelo lino nganyoka nalyo kukulilizika kuno nkulilizika.
2Imfumu e Leza wampile itolelelo ati, Walika pamapampa yivu chino nkukuwumbulila, alyakuti chipepuke ukuwazya. 3Walika mumawaliko, amuno impindi itani ifichile iyakuti choo chifiswe. Ukuwa impindi yandi yize nanti kuzimba, nachino nakulanjizya chiliwa achakusimichila. Pamwi chingachelwa ukuchitwa, ukuwa wazipila ukuchilindilila; chilichitwa pampindi yino nayania, chitalichelwa. 4Yaa ayali mazwi: ayakuti, Awawembu wonsi watalipusuka. Ukuwa awalungamane walilandila amuno wasuwila Leza.
Ukulowa kwa wawembu
5Insawo wekachenjezya, Awamilichisye wali nichilumba swinya wasipuza—wali ngati amfwanye, wasitima. Achaleka wakachimvya imyiko woo-na-woo. 6Awantu wane wachimba walilonda ukuchisa wane wawachimvizye wawatuka intusi. Waliwati, Mwasenzile vino visi avinu, ukuwa kanonzi mwalowa! Wuzye mulilanga mukatavuzya numuchenjelo wakuchenjezya wane wawakopa indalama?
7Pano mutani mumanye chochonye, mwemwenye muliwa nimilandu yakukopa, mulipatichizwa ukulipa ukulutilizya, Awalwani waliyiza wawazakazye. Wawasampe! 8Mwasampa awantu wamyiko mivule—achaleka wane wasyala, nawo waliwasampa, amuno awuchikoma nukukalala vino mwachita kuwantu wamunsi nutwaya twamwenemo.
9Mwalowa! Mwachindamika iviwanza vinu navino mwasendezile kuwulamba, swinya nukwelezya ukuchinjilila ing’anda zinu ukuti zitize zyononwe kuwulwani! 10Imiwele yinu yaletelela iviwanza vinu insoni; pakulovya imyiko mivule mwayiletelela ukulowa kwinunye mwewenecho. 11Namawenye ayamalinga yaliwawasoweka mbali nichongo, ninsondo zyang’anda ziliwakwitawila ichongo.
12Mwalowa! Mwimvile ulufula Iwakaya muwuchikoma, amukazenga mukuzwisya uwazi. 13Imyiko yino mwachimvizye yavunika kukuwomba imilimo yavye, navyonsi vino wazenga vyalunkuntika kumulilo. A Mfumu e Leza wamaka yonsi wachita choo. 14Uwukankala wakwe Leza wulimanyikwa munsi yonsi nuwukulu ndivino wasumbi wizula naminzi.
15Mwalowa! Kuchipyu chinu mwachefizye awawuyo amuwasonzya insoni; amuleka awatantalila ngati awano wakozilwe. 16Namwe kanonzi alwinu mulivwimbana insoni nanti kuchindikwa. Mwemwenye muling’wa muwatantalila. Imfumu e Leza alileka mung’we ulupindi Iwakusundwa kwinu, ukuchindama kwinu kulipiluka amalanda. 17Mwakomile imisitu ya mu Lebanoni, namwe kanonzi mwandi mukomwe. Mwakomile inyama zyamwenemo, namwe kanonzi inyama zyandi ziwawatinia. Choo chilichitwa amuno awuchikoma nukukalala kuno mwachita kuwantu wamunsi namutwaya twamwenemo.
18Nga ikolania alyamulimo-chi? Achintu chimwi chino chachitwa numulawa, chitanga chiwanene ichakusimichila chimwi. Nga chachitila wino wachichisile wuli, ukuti awachisuwila, kaleza kano kasivwanga nanti akuvwanga! 19Mwalowa! Mukanena ichimuti amuti, Ziwuka! pamwi amunena ichiliwe chino chisivwanga amuti, Katuka! Wuzye ikolania lingasambilizya chimwi? Chingatenga lingatakasizwa nusilivara nugolide, ukuwa naponye litawa nuwumi.
20Imfumu e Leza ali mung’anda yakwe iyakumupepela; ndi awantu wonsi munsi wakolopane pankolelo pakwe weliwe.
Selectat acum:
Habakuku 2: WWN82
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Chinamwanga Bible © United Bible Societies, 1981.
Habakuku 2
2
Itolelo lya Mfumu e Leza kwe Habakuku
1Nandi nkwele pakapungu kakulolela, ndindilile ndole chino Imfumu e Leza wandi anene ichakuvwanga, ndole itolelelo lino nganyoka nalyo kukulilizika kuno nkulilizika.
2Imfumu e Leza wampile itolelelo ati, Walika pamapampa yivu chino nkukuwumbulila, alyakuti chipepuke ukuwazya. 3Walika mumawaliko, amuno impindi itani ifichile iyakuti choo chifiswe. Ukuwa impindi yandi yize nanti kuzimba, nachino nakulanjizya chiliwa achakusimichila. Pamwi chingachelwa ukuchitwa, ukuwa wazipila ukuchilindilila; chilichitwa pampindi yino nayania, chitalichelwa. 4Yaa ayali mazwi: ayakuti, Awawembu wonsi watalipusuka. Ukuwa awalungamane walilandila amuno wasuwila Leza.
Ukulowa kwa wawembu
5Insawo wekachenjezya, Awamilichisye wali nichilumba swinya wasipuza—wali ngati amfwanye, wasitima. Achaleka wakachimvya imyiko woo-na-woo. 6Awantu wane wachimba walilonda ukuchisa wane wawachimvizye wawatuka intusi. Waliwati, Mwasenzile vino visi avinu, ukuwa kanonzi mwalowa! Wuzye mulilanga mukatavuzya numuchenjelo wakuchenjezya wane wawakopa indalama?
7Pano mutani mumanye chochonye, mwemwenye muliwa nimilandu yakukopa, mulipatichizwa ukulipa ukulutilizya, Awalwani waliyiza wawazakazye. Wawasampe! 8Mwasampa awantu wamyiko mivule—achaleka wane wasyala, nawo waliwasampa, amuno awuchikoma nukukalala vino mwachita kuwantu wamunsi nutwaya twamwenemo.
9Mwalowa! Mwachindamika iviwanza vinu navino mwasendezile kuwulamba, swinya nukwelezya ukuchinjilila ing’anda zinu ukuti zitize zyononwe kuwulwani! 10Imiwele yinu yaletelela iviwanza vinu insoni; pakulovya imyiko mivule mwayiletelela ukulowa kwinunye mwewenecho. 11Namawenye ayamalinga yaliwawasoweka mbali nichongo, ninsondo zyang’anda ziliwakwitawila ichongo.
12Mwalowa! Mwimvile ulufula Iwakaya muwuchikoma, amukazenga mukuzwisya uwazi. 13Imyiko yino mwachimvizye yavunika kukuwomba imilimo yavye, navyonsi vino wazenga vyalunkuntika kumulilo. A Mfumu e Leza wamaka yonsi wachita choo. 14Uwukankala wakwe Leza wulimanyikwa munsi yonsi nuwukulu ndivino wasumbi wizula naminzi.
15Mwalowa! Kuchipyu chinu mwachefizye awawuyo amuwasonzya insoni; amuleka awatantalila ngati awano wakozilwe. 16Namwe kanonzi alwinu mulivwimbana insoni nanti kuchindikwa. Mwemwenye muling’wa muwatantalila. Imfumu e Leza alileka mung’we ulupindi Iwakusundwa kwinu, ukuchindama kwinu kulipiluka amalanda. 17Mwakomile imisitu ya mu Lebanoni, namwe kanonzi mwandi mukomwe. Mwakomile inyama zyamwenemo, namwe kanonzi inyama zyandi ziwawatinia. Choo chilichitwa amuno awuchikoma nukukalala kuno mwachita kuwantu wamunsi namutwaya twamwenemo.
18Nga ikolania alyamulimo-chi? Achintu chimwi chino chachitwa numulawa, chitanga chiwanene ichakusimichila chimwi. Nga chachitila wino wachichisile wuli, ukuti awachisuwila, kaleza kano kasivwanga nanti akuvwanga! 19Mwalowa! Mukanena ichimuti amuti, Ziwuka! pamwi amunena ichiliwe chino chisivwanga amuti, Katuka! Wuzye ikolania lingasambilizya chimwi? Chingatenga lingatakasizwa nusilivara nugolide, ukuwa naponye litawa nuwumi.
20Imfumu e Leza ali mung’anda yakwe iyakumupepela; ndi awantu wonsi munsi wakolopane pankolelo pakwe weliwe.
Selectat acum:
:
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Chinamwanga Bible © United Bible Societies, 1981.