प्रेषित वळख
वळख
प्रेषितसनं काम हाई पुस्तकमा मंडळीनी सुरवातनी कशी व्हयनी हाई लिखेल शे अनी यरूशलेममातीन यहूदीया, शोमरोन अनी त्याना आजुबाजूना शहरसमा सुवार्ता कशी पसरनी अनी जस येशुनी स्वर्गमा जावाना पहिले आपला शिष्यसले जस सांगं तसं काम त्यासनी कसं करं. १:८ हाई लूकनी लिखेल शे, तसच त्यानी लूक हाई शुभवर्तमान बी लिखेल शे. लूक हाऊ एक वैद्य व्हता अनी त्यानी लिखापडी हाई अचुक व्हती. त्यानी आपलं शुभवर्तमान अनी प्रेषितसनं काम ह्या दोन्ही पुस्तकं त्या थियफिला नावना माणुसले लिखेल शे, जो एक ग्रीक माणुस व्हता, पण पुस्तकना जो उद्देश शे त्यावरतीन अस वाटस की, हाई पुस्तक ग्रीक अनी यहूदी ईश्वासी लोकसकरता बी व्हतं. १:१
प्रेषितसनं काम हाई पुस्तक येशु ख्रिस्तना जन्मनंतर ६०-६४ सालना मझार लिखाई जायेल शे, कारण हाई पुस्तक पौल कैदखानामातीन बाहेर येवाना पहिले फेरी राहीनी. लूकनी बी प्रेषित पौल यानासंगे मिशनरी फेरी करेल शेतस अनी कदाचित त्यानी अंत्युखिया शहरमा हाई पुस्तक लिखं. प्रेषितसनं पुस्तकमा लूक हाई पुस्तकना शुभवर्तमानले लगातार ठेयल शे अनी येशुना स्वर्गमा जास तठेनच सुरवात व्हयेल शे. लेखमा लूकना लिखाना उद्देश त्याना शुभवर्तमानना मायकच शे, तो थियुफिला वर प्रेम करे, तसच ख्रिस्ती लोकसनी वाढती संख्यावरतीन हाई समजस की, त्यासले काय शिकाडेल व्हतं अनी यामुयेच लूकनी येशुनं जिवन अनी ख्रिस्ती धर्मना प्रचारना एक अचुक लेख लिखा.
प्रेषितसनं पुस्तक हाई आमनाकरता सुरवातनी मंडळीनं एक उदाहरण देस अनी येशुमा ईश्वासु जिवन कसं जगानं हाई ह्यामा दखाडेल शे. प्रेषितसना उदाहरण आमले दखाडस की, दुसरासले शुभवर्तमानना संदेश सांगाकरता पवित्र आत्मानी शक्तीवर कसा ईश्वास ठेवना शे.
रूपरेषा
१. सुरवातले पवित्र आत्मा शिष्यसवर येस अनी मंडळीनी वाढ व्हस. १:१–८:१
२. मंडळीले तरास देनं अनी शुभवर्तमान यरूशलेमतीन पुढे पसरत जाणं. ८:२–१२:२३
३. पौल आपली पहिली मिशनरी फेरीले जास. १२:२४–१४:२८
४. यरूशलेमना वडील मंडळीनी बैठक करीसन हाई ठरायं की नवा ईश्वासु लोकसनी काय गरज शे. १५:१-३५
५. पौल आपली दुसरी मिशनरी फेरीले जास. १५:३६–१८:२२
६. पौल आपली तिसरी मिशनरी फेरीले जास. १८:२३–२०:३८
७. पौलले यरूशलेममा अटक करतस. २१–२६
८. शेवट पौलले रोम शहरमा पोहचाडतस. २७–२८
Selectat acum:
प्रेषित वळख: Aii25
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
The Ahirani Bible © The Word for the World International and Ahirani Christi Iswari Mandli, Sakri, Dhule, Maharashtra 2025