yo-su-waa 2
2
yo-su-waa Paaiq Zaaiq Jua'q Eei myenb mivb ye-li-Ko
1nun Eei txn, yo-su-waa, zyrug Paaiq i laanb myenb yem sitq-Tim pivj Jyenq mivb Zaaiq Jua'q. ninb kxvq, “xij zu'g mivb zaab mavg uaq nxm teib puv, levg Jeiq zaab ye-li-Ko zivb.” naaiq teij i laanb myenb zyrug mivb a'q. mivb Tauj, ninb Bua pia'g taub maaig pwrnb sin Eei msia'q txn, Buaj heug laa-hapg,#hipq-lu 11:31; yaa-kxpg 2:25 Eei pyauq, hitq uaq.
2maaib myenb Buaj ye-li-Ko zivb Eei huvb tiaj, “mavg kaaj! ib mwrnd maaib teij i-saa-laa-en myenb Eei mJavg txn taaib naaiq weig zaab teib puv.” 3ye-li-Ko zivb Eei huvb zyrug Paaiq myenb mivb Buaj laa-hapg, “taaib meib naaiq cvj pia'g meib Eei pyauq uaq teij myenb, xij zu'g txb Zwrtq taaib maa'b! weig zu'g ninb Bua taaib zaab kxmj Bua Eei teib puv.”
4mq paag laa-hapg txb uaq teij i taub mJavg txn mivb pivj mig a'q. ninb kxvq, “za'kevb maaib myenb taaib yia naaiq mq paag ninb Bua yem haaij taaib yia maiq hiuq. 5aaq lamb teij Mwavj, Tauj kwrn zivb kcvb Eei zyavb hog, ninb Bua Zwrtq mig a'q. ninb Bua mivb haiq puv yia yaag maiq hiuq. kaanq Jyenq mivb zung, taaij haib zung tu'q zaaig Eei.” 6(mq paag laa-hapg zuvq txb uaq teij i laanb myenb faauj kub vwaaig pyaub vxb#2:6 ninb Bua Eei pyaub vxb pcvb Eei. pun ninb Bua pivj Jyenq ninb Pwi la'maab kwcvq ka'Diaq mcvj.) 7zung Eei myenb yetq Zwrtq zivb mivb, myenb zyrug kwrn Jyenq zivb kcvb a'q. zung Eei myenb zyrug kan mivb Jx-Dcn Daaib uaq tiub Jauq zung Jyenq ninb Bua i laanb mivb Tauj Jiaj Daaib Eei Jaub prug.
8uaq teij i laanb maiq kcvb pweij mFxmb, laa-hapg faauj kub vwaaig pyaub vxb lxd ninb Bua. 9laa-hapg kxvq Buaj uaq teij myenb, “yia hiuq tu'q zyruq zuvq zx'q naaiq nxm teib puv Jiu pun meib Bua. yia Bua yetg zuvq kamb Riaj haig meib Bua. naaiq nxm kua'q Eei zwavj pc'g fivj kevb! kamb Riaj kau meib Bua, Ba'Riu yu'g Revg, 10weig zu'g yia Bua haid kxvq meib Bua pyauj Zwrtq i-yipq teib puv uaq zang, zyruq Navq haiq nx yem meib Bua Eei Ra'Myen pun Kxib si'q Gaai.#Zwrtq i-yipq 14:21 yia Bua cvj haid kxvq meib Bua Navq haiq nx zruj pun yem Jx-Dcn Daaib tov puv mcvj uaq teij aa-mo-lai myenb Eei i taub huvb, si-honj Zauj okg, tovb meib Bua zx'q ninb Bua myetg Revg.#2:10 peiq mavg Zwrtq i-yipq 22:20. 11yia Bua yetq haid naaiq teij sig, yia Bua kamb Riaj haig, Ba'Riu yu'g Revg. laaij meib Bua zruj Eei sig maiq maaib yetg laanb myenb maiq kamb Riaj, weig zu'g zyruq, meib Bua Eei Tinb huvb, zruj kub vwaaig luvb Zauj ka'Diaq Dau Eei Tinb huvb. 12ib zang Toq meib Bua zyavq Jyenq zyruq lcvd Jyenq weig zu'g yia zruj lovj pun meib Bua, meib Bua xij zruj lovj pun yia Eei yetg pyauq myenb. yaag Toq pun nxm Javb hog, pun yia hiuq tu'q tivg yia Kauj tu'q wrnq meib Bua, 13weig pun Ziv meib Bua xij siaj Zwrtq yia Eei tiaj maag, muab txig, Zauj ninb Bua Eei yetg zuvq myenb Eei mcvg, pun yia Bua maiq zu'g taig.”
14uaq teij myenb kxvq Buaj ninb, “meib Eei mcvg se txvj yia Bua Eei mcvg. sij kxvq meib maiq kxvq Zwrtq yia Bua zruj Eei sig, zuaq zyruq zx'q naaiq nxm teib puv Jiu pun yia Bua uaq zang, yia Bua zyrug zyepg zua'q Eei zruj lovj pun meib.”
15laa-hapg zyrug lovg Laav puvj ninb Bua i laanb yavb fov mwrnb Zwrtq Fiag ka'Diaq, weig zu'g laa-hapg Eei pyauq yetg puv se zivb laatg. ninb zyrug yem zivb laatg ka'Euad. 16laa-hapg kxvq Buaj ninb Bua, “xij zu'g faauj uaq Jiaj Bovb aiq Eei txvj mivb. Raub heij zung meib Bua uaq teij myenb haib lxd pwatg meib Bua. xij zu'g pivj Jyenq uaq pua Nxi, zuaq zung meib Bua uaq teij myenb Rwrnj taaib, Ga'haaq meib Bua mtaaib Zwrtq Jauq mivb.”
17uaq teij mJavg txn kxvq Buaj laa-hapg, “yia Bua zuvq maiq puvj Dxtq tovb meib heug yia Bua hruq Eei waag.#2:17 fai “yia Bua lcvd ei Jyenq meib pun yia Bua lcvd Eei waag”. 18zuaq yia Bua pia'g naaiq nxm teib puv uaq zang, meib xij zu'g zx'q naaiq tiub Laavb si'q Dob Jyenq tovb meib puvj yia Bua Fiag uaq nxm fov mwrnb. yaag xij zu'g txb meib Eei tiaj maag, muab txig, Zauj meib Eei tia Eei pyauq zov myenb yetg zuvq taaib kapq zunq yem meib Eei pyauq. 19sij kxvq haiq taub Zwrtq meib Eei pyauq Eei kcvb Ka'Dau mivb uaq Jaub Len, ninb zu'g taij taig nx, zwid Dxtq zu'g ninb kanb a'q, maiq Dxtq zu'g yia Bua. mq paag sij kxvq haiq taub Fiag puad taij Zauj meib yem pyauq ka'Euad Eei myenb nx, yia Bua kanb xij zu'g Daamb txv. 20mq paag sij kxvq meib txb yia Bua zruj Eei sig mivb kxvq Buaj myenb nx, tovb meib heug yia Bua hruq pun meib Eei waag zyrug paag mig a'q.”
21laa-hapg kxvq, “Navq meib Bua kxvq Eei waag nx, hxpg Eei.” ninb zyrug pun uaq teij i laanb mivb. ninb Bua zyrug mivb mig a'q. laa-hapg cvj zx'q uaq tiub Laavb si'q Dob Jyenq uaq fov mwrnb.
22ninb Bua i laanb Zwrtq mivb zyrug faauj uaq Jiaj Bovb aiq yem uaq pua Nxi, zuaq Tauj zung ninb Bua uaq teij myenb Rwrnj mivb. zung Eei myenb zweib Jauq lxd Revg yaag lxd maiq pwatg ninb Bua. 23uaq teij i laanb myenb zyrug yem Bov Fiag taaib. ninb Bua Jiaj Daaib mivb Tauj nun Eei txn, yo-su-waa uaq, yaag kxvq Revg ninb Bua pwavb Eei sig pun yo-su-waa mwavj. 24ninb Bua kxvq Buaj yo-su-waa, “yia Bua hiuq tivg zyruq za'kevb zx'q uaq nxm teib puv Jiu pun Bua Revg mig a'q. maiq taan Bua'g naaiq. uaq nxm teib puv Eei zwavj myenb kamb Riaj kau Bua, Ba'Riu yu'g Revg.”
Selectat acum:
yo-su-waa 2: IuMiNOR
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
ฉบับอักษรโรมันโบราณ © Thailand Bible Society, 2007.