ЭхкъечӀун 29
29
Паквилиз акъудун
1Реббиди давамарна: «Гьарунакайни адан рухвайрикай Зи хахамар хьун патал ингье вуна абур гьикӀ паквилиз акъудун лазим ятӀа. Чпин бедендик рехне квачир жунгав ва кьве гьер хкягъа. 2ТӀили фу, зейтундин чӀем какадарнавай тӀили лавашар, зейтундин чӀем алтаднавай тӀунутӀар къачу – абур вири лап хъсан къуьлуьн гъуьруькай чрана кӀанда – 3ва абур вири са зимбилда эциг. И зимбил ва жунгавни кьве гьер гъваш.
4Гьарунни адан рухваяр Гьалтунин Алачухдин ракӀарин вилик гъана акъвазара. Абур чуьхуьх. 5Гьарунал адан парталар алукӀа – перем, чухвадин кӀаникай кутадай аба, чухва ва хуруган. Адан юкьва чухвадин чӀул тур. 6Гьарунан кьилел сирих эциг, сирихдихъни паквилин таж галкӀура.
7ЧӀем гуьцӀуьнин серенжем кьиле твах: гуьцӀдай чӀем къачуна Гьарунан кьилел илич.
8Гьарунан рухваяр вилик акъудна абурал перемар алукӀ. 9Абурун юкьва чӀулар тур – Гьарунан хьиз – ва абурун кьилер сирихралди кутӀуна. Хахамрин тӀвар Гьаруназни адан рухвайриз даим яз ганвайди я – вуна абур хахамвилиз акъуд.
10Ахпа жунгав Гьалтунин Алачухдин патав акъвазара ва Гьарунани адан рухвайри жунгавдин кьилел гъилер эциграй. 11Жунгав Реббидин вилик Гьалтунин Алачухдин сивел тукӀукӀ, 12тӀуб жунгавдин ивидик кяна ам къурбангандин крчарал алтада, амукьай ивини къурбангандин бинедив экъич.
13Ахпа жунгавдин къенерин вири пи, лекьинин хел, кьве дуркӀун ва абурал алай пи къачуна абур къурбангандал куг. 14Жунгавдин якни хамни ратара авай чиркер кундилай къерехда цӀай яна куг. Им гунагьдай къурбанд я.
15Ахпа гьерерикай сад къачу ва Гьарунани адан рухвайри адан кьилел гъилер эциграй 16Гьер тукӀукӀ ва къурбангандин вири патарихъ адан иви хъичира.
17Гьерен жендек алажна куьлуь ая. Адан къенерни кӀвачер чуьхуьх, кьилин ва маса паярин винелай эциг 18ва вири жендек къурбангандал куг. Им Ребби патал кунуг я, Адаз хуш ни галай гум я, Реббидиз кудай къурбанд я.
19Ахпа кьвед лагьай гьер къачу, ва Гьарунани адан рухвайри гьерен кьилел гъилер эциграй. 20Гьер тукӀукӀ. Гьерен ивидикай къачуна, Гьарунан ва адан рухвайрин эрчӀи патан япун кӀвенкӀвевай, эрчӀи гъилин чӀехи тупӀувай ва эрчӀи кӀвачин чӀехи тупӀувай гуьцӀа. Амукьай иви къурбангандин вири патарихъ хъичира. 21Ахпа къурбангандилай иви ва пелевай гуьцӀдай чӀем къачуна абур Гьарунал ва адан парталрал хъичира ва гьакӀни Гьарунан рухвайрални абурун парталарал. Гьа икӀ вуна Гьарунни адан парталар паквилиз акъудда, ва гьакӀни Гьарунан рухваярни абурун парталар.
22Гьерен пи, тум, къенерин макь, лекьинин къвалалай экъечӀнавай пай ва пини кваз кьве дуркӀунни къачу. И гьер паквилиз акъудзавай къурбанд хьуниз килигна, гьакӀ адан эрчӀи ятурни къачу. 23Реббидин вилик эцигнавай тӀили фу авай зимбилдай са фу, зейтундин чӀем квай са тӀунутӀ ва са тӀили лаваш къачу. 24Абур вири Гьарунан ва адан рухвайрин гъиле гице ва Реббидин вилик савкьват яз зурзура. 25Ибур абурун гъиляй къахчуна ва кунугдихъ галаз къурбангандал куг. Им Ребби патал хуш ни галай гум я, Адаз кудай къурбанд я.
26Гьарунан паквилиз акъудзавай къурбанддин гьерен хур къачу ва ам Реббидин вилик савкьват яз зурзура. Им ви пай я.
27Паквилиз акъудзавай къурбанд яз бахшай гьерен паяр, – зурзурай адан хур ва хкажай адан ятур, – вуна пакбур яз малумарна кӀанда. 28Исраилдин рухвайри къурбанд ийизвай гьайвандин и паяр Гьарунавни адан рухвайрив вахкун лазим я – им эбеди яз авунвай къайда я. Им Исраилдин рухвайрин патай абурун суварин къурбандрикай Реббидиз гузвай пай я.
29Гьарунан пак тир парталар адалай кьулухъ адан несилрал гьалтун лазим я: и парталар алаз абурулай чӀем гуьцӀун ва хахамвилиз акъудун лазим я.
30Гьарунан эвлед, адакай идалай гуьгъуьниз хахам хьайила, ва сифте яз Гьалтунин Алачухдиз атана ва ибадатханада къуллугъ ийидайла, и парталар галаз-галаз ирид юкъуз алукӀрай.
31Паквилиз акъудзавай къурбанддин гьер къачу ва адан як пак тир чкадал ругуг. 32Гьарунани адан рухвайри и як ва гьакӀни зимбилда авай фу Гьалтунин Алачухдин ракӀарив тӀуьрай. 33Абуру чеб хахамвилиз акъуддайла, паквилиз акъуддайла ва паквилин рекьел элячӀдайла авур къурбандар чпи тӀуьн лазим я. Чара касдивай ам нез жедач: им пак тир затӀ я. 34Паквилиз акъудзавай къурбанддин як ва я фу пакамалди амукьайтӀа, амукьай вири цӀай яна куг. Ам садани тӀуьн лазим туш, вучиз лагьайтӀа им пак тир затӀ я.
35Гьарунахъ ва адан рухвайрихъ галаз За ваз эмир авур вири серенжемар кьиле твах. Абур хахамвилиз акъудун ирид юкъуз давам хьана кӀанда.
36Гьар юкъуз гунагьдай къурбанд яз жунгав тукӀукӀ, – къурбанган михьи хъувунин адет кьиле твах – ва ам паквилиз акъудун патал къурбангандивай герек тир затӀар гуьцӀ ая. 37Ирид юкъуз къурбанган михьи ая ва ам паквилиз акъуд – ва къурбангандикай Паквилерин Пак чка жеда. Адак хукӀур гьар гьим хьайитӀани кьетӀендаз элкъведа».
Гьар йикъан къурбандар
38Реббиди давамарна: «Ингье вуна и къурбангандал къурбанд авуна кӀандай затӀ: гьар юкъуз йис тамам хьайи кьве кьар. 39Садакай пакаман къурбанд ая, кьвед лагьайдакай рагъдандин. 40Сад лагьай кьардихъ галаз лап хъсан, вичик гъилелди гьазурнавай зейтун чӀемедин гьиндин кьудай са пай кутунвай, гъуьруьн эфадин цӀудай са пай къурбанд ая, ва и кар патал чехирдин гьиндин кьудай са пай серф ая.
41Кьвед лагьай кьар няниз гьа пакамахъ хьиз фан ва чехирдин лазим тир къурбандар галаз къурбанд ая. Им Реббидиз хуш ни галай гум я, Реббидиз кудай къурбанд я. 42Ихьтин кунугар куьне датӀана, несилдилай несилдалди Реббидин вилик, виче квехъ галаз чин чинал акъваздайла ва вахъ галаз рахадайла, Зун жедай Гьалтунин Алачухдин ракӀарив гана кӀанда. 43Исраилдин рухвайрихъ галаз чин-чинал жедай вахтунда Зун гьана жеда – ва и чка Зун авайвилин вилериз аквадай Баркалла яз пак тирди жеда. 44За Гьалтунин Алачух ва къурбанган, Гьарунни адан рухваяр, абур зи хахамар хьун патал, паквилиз акъудда. 45Зун Исраилдин рухвайрин арада аваз жеда ва абурун Аллагь жеда. 46Абурузни Зун, чпин арада аваз хьун патал чеб Мисридай акъудай Ребби, абурун Аллагь тирди чир жеда. Зун, Ребби, абурун Аллагь!»
Selectat acum:
ЭхкъечӀун 29: ЛезПК
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© Институт перевода Библии, 2010-2024
ЭхкъечӀун 29
29
Паквилиз акъудун
1Реббиди давамарна: «Гьарунакайни адан рухвайрикай Зи хахамар хьун патал ингье вуна абур гьикӀ паквилиз акъудун лазим ятӀа. Чпин бедендик рехне квачир жунгав ва кьве гьер хкягъа. 2ТӀили фу, зейтундин чӀем какадарнавай тӀили лавашар, зейтундин чӀем алтаднавай тӀунутӀар къачу – абур вири лап хъсан къуьлуьн гъуьруькай чрана кӀанда – 3ва абур вири са зимбилда эциг. И зимбил ва жунгавни кьве гьер гъваш.
4Гьарунни адан рухваяр Гьалтунин Алачухдин ракӀарин вилик гъана акъвазара. Абур чуьхуьх. 5Гьарунал адан парталар алукӀа – перем, чухвадин кӀаникай кутадай аба, чухва ва хуруган. Адан юкьва чухвадин чӀул тур. 6Гьарунан кьилел сирих эциг, сирихдихъни паквилин таж галкӀура.
7ЧӀем гуьцӀуьнин серенжем кьиле твах: гуьцӀдай чӀем къачуна Гьарунан кьилел илич.
8Гьарунан рухваяр вилик акъудна абурал перемар алукӀ. 9Абурун юкьва чӀулар тур – Гьарунан хьиз – ва абурун кьилер сирихралди кутӀуна. Хахамрин тӀвар Гьаруназни адан рухвайриз даим яз ганвайди я – вуна абур хахамвилиз акъуд.
10Ахпа жунгав Гьалтунин Алачухдин патав акъвазара ва Гьарунани адан рухвайри жунгавдин кьилел гъилер эциграй. 11Жунгав Реббидин вилик Гьалтунин Алачухдин сивел тукӀукӀ, 12тӀуб жунгавдин ивидик кяна ам къурбангандин крчарал алтада, амукьай ивини къурбангандин бинедив экъич.
13Ахпа жунгавдин къенерин вири пи, лекьинин хел, кьве дуркӀун ва абурал алай пи къачуна абур къурбангандал куг. 14Жунгавдин якни хамни ратара авай чиркер кундилай къерехда цӀай яна куг. Им гунагьдай къурбанд я.
15Ахпа гьерерикай сад къачу ва Гьарунани адан рухвайри адан кьилел гъилер эциграй 16Гьер тукӀукӀ ва къурбангандин вири патарихъ адан иви хъичира.
17Гьерен жендек алажна куьлуь ая. Адан къенерни кӀвачер чуьхуьх, кьилин ва маса паярин винелай эциг 18ва вири жендек къурбангандал куг. Им Ребби патал кунуг я, Адаз хуш ни галай гум я, Реббидиз кудай къурбанд я.
19Ахпа кьвед лагьай гьер къачу, ва Гьарунани адан рухвайри гьерен кьилел гъилер эциграй. 20Гьер тукӀукӀ. Гьерен ивидикай къачуна, Гьарунан ва адан рухвайрин эрчӀи патан япун кӀвенкӀвевай, эрчӀи гъилин чӀехи тупӀувай ва эрчӀи кӀвачин чӀехи тупӀувай гуьцӀа. Амукьай иви къурбангандин вири патарихъ хъичира. 21Ахпа къурбангандилай иви ва пелевай гуьцӀдай чӀем къачуна абур Гьарунал ва адан парталрал хъичира ва гьакӀни Гьарунан рухвайрални абурун парталарал. Гьа икӀ вуна Гьарунни адан парталар паквилиз акъудда, ва гьакӀни Гьарунан рухваярни абурун парталар.
22Гьерен пи, тум, къенерин макь, лекьинин къвалалай экъечӀнавай пай ва пини кваз кьве дуркӀунни къачу. И гьер паквилиз акъудзавай къурбанд хьуниз килигна, гьакӀ адан эрчӀи ятурни къачу. 23Реббидин вилик эцигнавай тӀили фу авай зимбилдай са фу, зейтундин чӀем квай са тӀунутӀ ва са тӀили лаваш къачу. 24Абур вири Гьарунан ва адан рухвайрин гъиле гице ва Реббидин вилик савкьват яз зурзура. 25Ибур абурун гъиляй къахчуна ва кунугдихъ галаз къурбангандал куг. Им Ребби патал хуш ни галай гум я, Адаз кудай къурбанд я.
26Гьарунан паквилиз акъудзавай къурбанддин гьерен хур къачу ва ам Реббидин вилик савкьват яз зурзура. Им ви пай я.
27Паквилиз акъудзавай къурбанд яз бахшай гьерен паяр, – зурзурай адан хур ва хкажай адан ятур, – вуна пакбур яз малумарна кӀанда. 28Исраилдин рухвайри къурбанд ийизвай гьайвандин и паяр Гьарунавни адан рухвайрив вахкун лазим я – им эбеди яз авунвай къайда я. Им Исраилдин рухвайрин патай абурун суварин къурбандрикай Реббидиз гузвай пай я.
29Гьарунан пак тир парталар адалай кьулухъ адан несилрал гьалтун лазим я: и парталар алаз абурулай чӀем гуьцӀун ва хахамвилиз акъудун лазим я.
30Гьарунан эвлед, адакай идалай гуьгъуьниз хахам хьайила, ва сифте яз Гьалтунин Алачухдиз атана ва ибадатханада къуллугъ ийидайла, и парталар галаз-галаз ирид юкъуз алукӀрай.
31Паквилиз акъудзавай къурбанддин гьер къачу ва адан як пак тир чкадал ругуг. 32Гьарунани адан рухвайри и як ва гьакӀни зимбилда авай фу Гьалтунин Алачухдин ракӀарив тӀуьрай. 33Абуру чеб хахамвилиз акъуддайла, паквилиз акъуддайла ва паквилин рекьел элячӀдайла авур къурбандар чпи тӀуьн лазим я. Чара касдивай ам нез жедач: им пак тир затӀ я. 34Паквилиз акъудзавай къурбанддин як ва я фу пакамалди амукьайтӀа, амукьай вири цӀай яна куг. Ам садани тӀуьн лазим туш, вучиз лагьайтӀа им пак тир затӀ я.
35Гьарунахъ ва адан рухвайрихъ галаз За ваз эмир авур вири серенжемар кьиле твах. Абур хахамвилиз акъудун ирид юкъуз давам хьана кӀанда.
36Гьар юкъуз гунагьдай къурбанд яз жунгав тукӀукӀ, – къурбанган михьи хъувунин адет кьиле твах – ва ам паквилиз акъудун патал къурбангандивай герек тир затӀар гуьцӀ ая. 37Ирид юкъуз къурбанган михьи ая ва ам паквилиз акъуд – ва къурбангандикай Паквилерин Пак чка жеда. Адак хукӀур гьар гьим хьайитӀани кьетӀендаз элкъведа».
Гьар йикъан къурбандар
38Реббиди давамарна: «Ингье вуна и къурбангандал къурбанд авуна кӀандай затӀ: гьар юкъуз йис тамам хьайи кьве кьар. 39Садакай пакаман къурбанд ая, кьвед лагьайдакай рагъдандин. 40Сад лагьай кьардихъ галаз лап хъсан, вичик гъилелди гьазурнавай зейтун чӀемедин гьиндин кьудай са пай кутунвай, гъуьруьн эфадин цӀудай са пай къурбанд ая, ва и кар патал чехирдин гьиндин кьудай са пай серф ая.
41Кьвед лагьай кьар няниз гьа пакамахъ хьиз фан ва чехирдин лазим тир къурбандар галаз къурбанд ая. Им Реббидиз хуш ни галай гум я, Реббидиз кудай къурбанд я. 42Ихьтин кунугар куьне датӀана, несилдилай несилдалди Реббидин вилик, виче квехъ галаз чин чинал акъваздайла ва вахъ галаз рахадайла, Зун жедай Гьалтунин Алачухдин ракӀарив гана кӀанда. 43Исраилдин рухвайрихъ галаз чин-чинал жедай вахтунда Зун гьана жеда – ва и чка Зун авайвилин вилериз аквадай Баркалла яз пак тирди жеда. 44За Гьалтунин Алачух ва къурбанган, Гьарунни адан рухваяр, абур зи хахамар хьун патал, паквилиз акъудда. 45Зун Исраилдин рухвайрин арада аваз жеда ва абурун Аллагь жеда. 46Абурузни Зун, чпин арада аваз хьун патал чеб Мисридай акъудай Ребби, абурун Аллагь тирди чир жеда. Зун, Ребби, абурун Аллагь!»
Selectat acum:
:
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© Институт перевода Библии, 2010-2024