ЭхкъечӀун 22
22
1Сада мал ва я хеб чуьнуьхна, абур тукӀуртӀа я тушни маса гайитӀа, ада малдихъ вад мал ва хпехъни кьуд хеб вахгун лазим я.
2Къачагъ кӀвалин цал чукӀуриз алахънавай чкадал кьунваз, яна кьейитӀа, ам кьейиди тахсиркар туш. 3Амма ихьтин кӀвалах рагъ экъечӀайдалай кьулухъ хьанатӀа, яна кьейидак тахсир ква.
Къачагъди чуьнуьхайди вахкана кӀанда. Адаз вахкудай затӀ авачтӀа, ам вич лукӀвилиз маса гурай – чуьнуьхунай. 4Чуьнуьхнавай гьайван адавай чан аламаз жагъайтӀа – кӀандатӀа ам мал хьурай, кӀандатӀа лам, кӀандатӀани хеб – къачагъди са гьайвандай кьвед вахкун лазим я.
5Са ни ятӀани чарадан ник ва я ципицӀ багъ тӀуьниз, кӀур гана чӀуруниз рехъ ганатӀа – малар ем гун патал акъудда ва гьайванри чарадан ник чӀурда – ада кӀур гана чӀур авунвай никӀи ва я ципицӀ багъди гайи виридалайни кьакьан бегьердин кьадарда гайи зарар эвез авун герек я.
6КуькӀуьрнавай цӀай валарал фена, ахпани цуьлерин маркв, экъечӀнавай техилар ва я вири чӀур кайитӀа – цӀай куькӀуьрай касди хьайи зарар эвезна кӀанда.
7Са касди масадав хуьн патал гимиш ва я шейэр вугана ва абур адан кӀваляй чуьнуьхайтӀа, ва къачагъ кьуртӀа, къачагъди абурун къимет кьве гъилера эвезун лазим я. 8Къачагъ кьуначтӀа, шейэр хуьн патал къачур кас, ада чарадан мал-девлетдал гъил яргъи авунач лагьана тестикь хьун патал, Аллагьдин вилик акъвазун герек я.
9Малдин, ламран, хпен, парталрин – квахьнавайдан паталай шикаят гваз атанвайдаз чир хъхьанвай гьар гьи жуьредин хьайитӀани хсусиятдин – гьакъиндай гьялна кӀанзавай месэла арадал атайтӀани, ам Аллагьдин вилик акъудна кӀанда. Аллагьди батӀул яз гьисабай касди къимет кьве гъилера эвез хъувуна кӀанда.
10Са касди масадав вичин лам, мал, хеб ва я маса мал, ам адахъ гелкъуьн патал вугайла, мал гиликьайтӀа, набут хьайитӀа, я тушни са ни ятӀани къакъудна тухвайтӀа, ва и кардин шагьидарни тахьайтӀа, 11абурун гьахъвал Реббидал кьин кьуналди къетӀ хьурай – ада чарадан мал-девлетдал чӀуру темягь тавун тестикь хьун патал. И чӀавуз гелкъвезвайда зарар эвез авун лазим туш. 12Амма мал чуьнуьхнаваз хьайитӀа, адахъ гелкъвезвайда адан иесидиз зарар эвез авун лазим я. 13Мал вагьши гьайванрин сарара гьатнатӀа, ада иесидиз и кар тестикь хьунин делил яз адакай амукьаяр къалуррай – и чӀавуз ада зарар эвезун лазим туш.
14Са касди масадавай кӀвалахун патал мал къачуртӀа ва а мал иеси галачиз набут хьайитӀа ва я гиликьайтӀа, ам къачурда зарар эвез авун лазим я. 15И кӀвалах иеси алай чкадал хьайитӀа, зарар эвездач, амма мал кӀвалахун патал пулунихъ къачунваз хьайитӀа, малдин иесидив гьакъи агакьарун лазим я.
16«Итимди лишан кутун тавунвай руш чӀурайтӀа, ада рушахъ рехъ гана ам пабвиле къахчун лазим я. 17Рушан бубадиз а итимдиз руш гуз кӀан тахьайтӀа, руш чӀур авурда гьикӀ хьайитӀани адаз рушарихъ гузвай гьакъи герек кьадарда гун лазим я.
18ИцӀитӀдай паб чан алаз тамир.
19Малдиз темягькарвал ийидайдав ажалдин жаза агакьун лазим я.
20Реббидилай гъейри аллагьриз къурбандар ийидай гьар вуж хьайитӀани лянетдик кутуна терг авун лазим я.
21Масанай атана ацукьнавайбуруз зулумар ийимир ва хатур хамир – куьн чебни Мисрида масанай атана ацукьнавайбур тир эхир.
22Хендедайриз ва етимриз гужар ийимир. 23Куьне абуруз зулумар ийиз хьайитӀа, абуру Заз ялвар ийида – Заз абурун шикаятрин ван жеда, 24хъел къведа ва куьн туруналди яда! И чӀавуз куь папарикай хендедаяр, аяларни – етимар жеда.
25Вуна Зи халкьдикай тир кесибдив буржуна гимиш вугайтӀа, селембазди хьиз адавай кьил тӀалаб ийимир.
26Мукьва тир касдивай чухва заминда къачузватӀа, рагъ акӀидалди ам элкъуьрна вахце – 27адаз вичел гьалддай маса затӀ авач эхир, ам адан партал я. Ам гвачиз ам гьикӀ ксурай? Ада Заз ялвар ийида – Зазни адан ван жеда, вучиз лагьайтӀа, Зун язух къведайди я.
28Аллагьдикай чӀуруз рахамир, жуван халкьдин регьбердал лянет гъимир.
29НикӀерин бегьерни ципицӀрин шире къурбанд авун энгел ийимир. Куь сад лагьай хва Заз эвез я. 30Им маларизни лапагризни талукь я: сад лагьай бала ирид юкъуз дидедин патав хьурай, муьжуьд лагьай юкъуз ам Зав вахце.
31Куьн Зи гъилик квай, Заз талукь инсанар хьунухь лазим я – гьавиляй вагьши гьайванри кукӀварнавай мал-къара немир, абурун жендекар кицӀерив вахце».
Selectat acum:
ЭхкъечӀун 22: ЛезПК
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© Институт перевода Библии, 2010-2024
ЭхкъечӀун 22
22
1Сада мал ва я хеб чуьнуьхна, абур тукӀуртӀа я тушни маса гайитӀа, ада малдихъ вад мал ва хпехъни кьуд хеб вахгун лазим я.
2Къачагъ кӀвалин цал чукӀуриз алахънавай чкадал кьунваз, яна кьейитӀа, ам кьейиди тахсиркар туш. 3Амма ихьтин кӀвалах рагъ экъечӀайдалай кьулухъ хьанатӀа, яна кьейидак тахсир ква.
Къачагъди чуьнуьхайди вахкана кӀанда. Адаз вахкудай затӀ авачтӀа, ам вич лукӀвилиз маса гурай – чуьнуьхунай. 4Чуьнуьхнавай гьайван адавай чан аламаз жагъайтӀа – кӀандатӀа ам мал хьурай, кӀандатӀа лам, кӀандатӀани хеб – къачагъди са гьайвандай кьвед вахкун лазим я.
5Са ни ятӀани чарадан ник ва я ципицӀ багъ тӀуьниз, кӀур гана чӀуруниз рехъ ганатӀа – малар ем гун патал акъудда ва гьайванри чарадан ник чӀурда – ада кӀур гана чӀур авунвай никӀи ва я ципицӀ багъди гайи виридалайни кьакьан бегьердин кьадарда гайи зарар эвез авун герек я.
6КуькӀуьрнавай цӀай валарал фена, ахпани цуьлерин маркв, экъечӀнавай техилар ва я вири чӀур кайитӀа – цӀай куькӀуьрай касди хьайи зарар эвезна кӀанда.
7Са касди масадав хуьн патал гимиш ва я шейэр вугана ва абур адан кӀваляй чуьнуьхайтӀа, ва къачагъ кьуртӀа, къачагъди абурун къимет кьве гъилера эвезун лазим я. 8Къачагъ кьуначтӀа, шейэр хуьн патал къачур кас, ада чарадан мал-девлетдал гъил яргъи авунач лагьана тестикь хьун патал, Аллагьдин вилик акъвазун герек я.
9Малдин, ламран, хпен, парталрин – квахьнавайдан паталай шикаят гваз атанвайдаз чир хъхьанвай гьар гьи жуьредин хьайитӀани хсусиятдин – гьакъиндай гьялна кӀанзавай месэла арадал атайтӀани, ам Аллагьдин вилик акъудна кӀанда. Аллагьди батӀул яз гьисабай касди къимет кьве гъилера эвез хъувуна кӀанда.
10Са касди масадав вичин лам, мал, хеб ва я маса мал, ам адахъ гелкъуьн патал вугайла, мал гиликьайтӀа, набут хьайитӀа, я тушни са ни ятӀани къакъудна тухвайтӀа, ва и кардин шагьидарни тахьайтӀа, 11абурун гьахъвал Реббидал кьин кьуналди къетӀ хьурай – ада чарадан мал-девлетдал чӀуру темягь тавун тестикь хьун патал. И чӀавуз гелкъвезвайда зарар эвез авун лазим туш. 12Амма мал чуьнуьхнаваз хьайитӀа, адахъ гелкъвезвайда адан иесидиз зарар эвез авун лазим я. 13Мал вагьши гьайванрин сарара гьатнатӀа, ада иесидиз и кар тестикь хьунин делил яз адакай амукьаяр къалуррай – и чӀавуз ада зарар эвезун лазим туш.
14Са касди масадавай кӀвалахун патал мал къачуртӀа ва а мал иеси галачиз набут хьайитӀа ва я гиликьайтӀа, ам къачурда зарар эвез авун лазим я. 15И кӀвалах иеси алай чкадал хьайитӀа, зарар эвездач, амма мал кӀвалахун патал пулунихъ къачунваз хьайитӀа, малдин иесидив гьакъи агакьарун лазим я.
16«Итимди лишан кутун тавунвай руш чӀурайтӀа, ада рушахъ рехъ гана ам пабвиле къахчун лазим я. 17Рушан бубадиз а итимдиз руш гуз кӀан тахьайтӀа, руш чӀур авурда гьикӀ хьайитӀани адаз рушарихъ гузвай гьакъи герек кьадарда гун лазим я.
18ИцӀитӀдай паб чан алаз тамир.
19Малдиз темягькарвал ийидайдав ажалдин жаза агакьун лазим я.
20Реббидилай гъейри аллагьриз къурбандар ийидай гьар вуж хьайитӀани лянетдик кутуна терг авун лазим я.
21Масанай атана ацукьнавайбуруз зулумар ийимир ва хатур хамир – куьн чебни Мисрида масанай атана ацукьнавайбур тир эхир.
22Хендедайриз ва етимриз гужар ийимир. 23Куьне абуруз зулумар ийиз хьайитӀа, абуру Заз ялвар ийида – Заз абурун шикаятрин ван жеда, 24хъел къведа ва куьн туруналди яда! И чӀавуз куь папарикай хендедаяр, аяларни – етимар жеда.
25Вуна Зи халкьдикай тир кесибдив буржуна гимиш вугайтӀа, селембазди хьиз адавай кьил тӀалаб ийимир.
26Мукьва тир касдивай чухва заминда къачузватӀа, рагъ акӀидалди ам элкъуьрна вахце – 27адаз вичел гьалддай маса затӀ авач эхир, ам адан партал я. Ам гвачиз ам гьикӀ ксурай? Ада Заз ялвар ийида – Зазни адан ван жеда, вучиз лагьайтӀа, Зун язух къведайди я.
28Аллагьдикай чӀуруз рахамир, жуван халкьдин регьбердал лянет гъимир.
29НикӀерин бегьерни ципицӀрин шире къурбанд авун энгел ийимир. Куь сад лагьай хва Заз эвез я. 30Им маларизни лапагризни талукь я: сад лагьай бала ирид юкъуз дидедин патав хьурай, муьжуьд лагьай юкъуз ам Зав вахце.
31Куьн Зи гъилик квай, Заз талукь инсанар хьунухь лазим я – гьавиляй вагьши гьайванри кукӀварнавай мал-къара немир, абурун жендекар кицӀерив вахце».
Selectat acum:
:
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© Институт перевода Библии, 2010-2024