Эстер 2
2
Эстер паччагьдин хпир шулу
1Хъасин, чан хъял илцифган, Ахашʼверуш паччагьдиз Вашти кӀваин гъахьнийи – дугъу гъапӀу ляхникан ва дугъан гьякьнаан адабгъу мялуматдикан. 2Ва паччагьдиз дугъан багахь вуйидари гъапну: «Гъит паччагьдиз гюрчег жигьил шубар агри. 3Гъит паччагьди чан паччагьлугъдин вари вилаятариз хъугъʼвал али инсанар гьаъри ва варишвариан уччвудар жигьил шубар уч дапӀну, Сузы гъалайиз, паччагьдин дараматдиъ айи дишагьлийирин хулариз хъади гъюри. Гъит паччагьдин гъараваш Хегайи дурарин гъайгъушин зигри ва дурарихьна итирин ниъ хъайи мялгьямар туври. 4Паччагьдиз кьабул гъахьи риш Ваштийин ерина дугъан хпир хьиди». Му гафар паччагьдиз кьабул гъахьнийи ва дугъу гьаци гъапӀнура вуйи.
5-6Сузы гъалайиъ думуган Мярдягьяй кӀуру жугьуд яшамиш шули гъахьну. Думу Вениаминдин насларикан вуйи Кишдин бай Шимийин, Шимийин бай Яирин бай вуйи. Киш саб фила-вуш Вавилондин паччагь Навухаднасари, жара инсанарра, Иудеяйин паччагь Иехонияра хъади, йисирвализ гъадагъну, Ерусалимдиан кючюрмиш гъапӀнийи. 7Мярдягьяйи чан эмдин йитим риш Хадасса, Эстерра#2:7 Хадасса жугьуд чӀалнаан мирт кӀуру гафнакан арайиз гъафну, хъа мирт – му ицци ниъ хъайи гьар жюре набатат ву. Эстер фарс чӀалниинди аку хяд кӀуру гаф ву. гьадгъаз кӀуру, тербияламиш апӀури гъахьну. Думу гюрчег жан хъайи уччвур риш вуйи. Эстерин адаш ва дада кечмиш гъахьиган, Мярдягьяйи думу чаз ришди гъадагъну. 8Паччагьдин мялуматнакан хабар гъабхьиси, Сузы гъалайиз гизаф шубар уч гъапӀнийи, гьадрарин арайиъ Эстерра айи. Паччагьдин дараматдиз хъади гъафи шубарин ва Эстерин гъайгъушнар Хегайи кӀули гъахурайи. 9Му риш дугъаз кьабул гъахьнийи: кьан дарапӀди дугъу Эстерихьна итирин ниъ хъайи мялгьямар тувру ва дугъаз жаради хураг гьязур апӀуз амур апӀуру. Паччагьдин дараматдиъ айи гъараваш шубарикан ургур ужударстар гъядягъну, Хегайи Эстер гъаравашарра хъади дишагьлийириз жара дапӀнайи ужударстар хулариз гьаъру. 10Эстери чав фуну халкьдикан, тухмарикан вуш ктибтундайи, фицики дугъаз Мярдягьяйи къадагъа гъапӀнийи. 11Хъа Мярдягьяй гьаригъан дишагьлийир яшамиш шулайи хуларин багахьна, Эстерин ляхнар фици вуш, думу сагъ-саламатди аш, аьгъю апӀуз, гъюри гъахьну.
12Гьарсар риш, Ахашʼверуш паччагьдихьна гъягъюз чан вахт хъубкьайиз, дишагьлийириз лазим вуйиганси, йицӀикьюб вазли гьязур шули гъахьну. Йирхьуб вазли дурари чибкан ччим ктатуйи, хъа имбу йирхьуб вазли – дишагьлийириз вуйи итирин ниъ хъайи мялгьямар. 13Гьаддин кьяляхъ риш паччагьдихьна хъади гъягъюйи. Паччагьдихьна дишагьлийирин хулариан гъягъюрайи шурахьна дугъу тӀалаб гъапӀу фу вушра тувуйи. 14Хябяхъган думу паччагьдихьна гъюйи, хъа гвачӀинган паччагьдин дишагьлийириз лигурайи гъараваш Шаашгъаздин гюзчиваликк ккайи дишагьлийирин хулариз гъягъюйи. Гьаддихъанмина, эгер паччагьди чав амур дарапӀиш, шураз дугъахьна гъягъюз ихтияр адайи.
15Мярдягьяйин эм Авихаилин риш, Мярдягьяйи тербияламиш гъапӀу Эстерин паччагьдихьна гъягъюз нубат гъафиган, дугъу паччагьдин гъараваш Хегайи теклиф гъапӀубдилан артухъ фукӀа тӀалаб гъапӀундайи. Эстер, гъяркъган, вардариз кьабул шулайи.
16Паччагьдин дараматдиз Эстер йицӀубпи вазли, яни тевет вазли, Ахашʼверуш паччагь духьну ургуд кӀуру йисан хъади гъушнийи. 17Паччагьдиз Эстер миди вуйи чан хупартӀан кьабул гъахьнийи, миди вуйи шубариинтӀан дугъʼин дугъан юкӀв улубкьнийи. Дугъу Эстериин паччагьдин таж улубкӀуру ва Ваштийин ерина чаз хпирди гъадагъуру. 18Ва паччагьди чаз багахь вуйидариз ва гьякимариз дем тешкил апӀуру – Эстерин сагълугъназ вуйи дем; ва паччагьдин аьдатнаъ айиганси, паччагьлугъдин вари вилаятариз пешкешар пай апӀуру.
Паччагьдиин алархьуз ният айиваликан Мярдягьяйиз аьгъю шулу
19Имбу шубар дишагьлийирин кьюдпи хулариз адаъруган, Мярдягьяй паччагьдин дараматдин раккнарихъ деънайи. 20(Эстери чав фуну хизандиканна миллетдикан вуш, саризра ктибтундайи, гьаз гъапиш Мярдягьяйи дугъаз гъадагъа гъапӀнийи, хъа Мярдягьяйихъ Эстер чав дугъу тербияламиш апӀурайи вахтариси хъпехъури имийи).
21Гъапиганси, Мярдягьяй паччагьдин дараматдин раккнарихъ деънайи. Гьадму вахтна паччагьдин раккнар уьрхюрайи, хъюлу ацӀнайи кьюр гъараваш Бигтандиз ва Терешдиз, Ахашʼверуш паччагьдиин алархьну, думу йикӀуз ният ади гъабхьну. 22Му ляхникан Мярдягьяйиз хабар шулу ва паччагьдин хпир Эстериз мялум апӀуру, хъа Эстери паччагьдиз Мярдягьяйин ччвурнахъан вари ктибтуру. 23Вари ахтармиш дапӀну, тахсиркрариз жаза адабтӀуру – дурар буруздикк ккерхру. Паччагьра ади му ляхникан тарих уьбхбан дикӀбариъ бикӀуру.
Selectat acum:
Эстер 2: ТабГК
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© Институт перевода Библии, 2010, 2013, 2016, 2018, 2023
Эстер 2
2
Эстер паччагьдин хпир шулу
1Хъасин, чан хъял илцифган, Ахашʼверуш паччагьдиз Вашти кӀваин гъахьнийи – дугъу гъапӀу ляхникан ва дугъан гьякьнаан адабгъу мялуматдикан. 2Ва паччагьдиз дугъан багахь вуйидари гъапну: «Гъит паччагьдиз гюрчег жигьил шубар агри. 3Гъит паччагьди чан паччагьлугъдин вари вилаятариз хъугъʼвал али инсанар гьаъри ва варишвариан уччвудар жигьил шубар уч дапӀну, Сузы гъалайиз, паччагьдин дараматдиъ айи дишагьлийирин хулариз хъади гъюри. Гъит паччагьдин гъараваш Хегайи дурарин гъайгъушин зигри ва дурарихьна итирин ниъ хъайи мялгьямар туври. 4Паччагьдиз кьабул гъахьи риш Ваштийин ерина дугъан хпир хьиди». Му гафар паччагьдиз кьабул гъахьнийи ва дугъу гьаци гъапӀнура вуйи.
5-6Сузы гъалайиъ думуган Мярдягьяй кӀуру жугьуд яшамиш шули гъахьну. Думу Вениаминдин насларикан вуйи Кишдин бай Шимийин, Шимийин бай Яирин бай вуйи. Киш саб фила-вуш Вавилондин паччагь Навухаднасари, жара инсанарра, Иудеяйин паччагь Иехонияра хъади, йисирвализ гъадагъну, Ерусалимдиан кючюрмиш гъапӀнийи. 7Мярдягьяйи чан эмдин йитим риш Хадасса, Эстерра#2:7 Хадасса жугьуд чӀалнаан мирт кӀуру гафнакан арайиз гъафну, хъа мирт – му ицци ниъ хъайи гьар жюре набатат ву. Эстер фарс чӀалниинди аку хяд кӀуру гаф ву. гьадгъаз кӀуру, тербияламиш апӀури гъахьну. Думу гюрчег жан хъайи уччвур риш вуйи. Эстерин адаш ва дада кечмиш гъахьиган, Мярдягьяйи думу чаз ришди гъадагъну. 8Паччагьдин мялуматнакан хабар гъабхьиси, Сузы гъалайиз гизаф шубар уч гъапӀнийи, гьадрарин арайиъ Эстерра айи. Паччагьдин дараматдиз хъади гъафи шубарин ва Эстерин гъайгъушнар Хегайи кӀули гъахурайи. 9Му риш дугъаз кьабул гъахьнийи: кьан дарапӀди дугъу Эстерихьна итирин ниъ хъайи мялгьямар тувру ва дугъаз жаради хураг гьязур апӀуз амур апӀуру. Паччагьдин дараматдиъ айи гъараваш шубарикан ургур ужударстар гъядягъну, Хегайи Эстер гъаравашарра хъади дишагьлийириз жара дапӀнайи ужударстар хулариз гьаъру. 10Эстери чав фуну халкьдикан, тухмарикан вуш ктибтундайи, фицики дугъаз Мярдягьяйи къадагъа гъапӀнийи. 11Хъа Мярдягьяй гьаригъан дишагьлийир яшамиш шулайи хуларин багахьна, Эстерин ляхнар фици вуш, думу сагъ-саламатди аш, аьгъю апӀуз, гъюри гъахьну.
12Гьарсар риш, Ахашʼверуш паччагьдихьна гъягъюз чан вахт хъубкьайиз, дишагьлийириз лазим вуйиганси, йицӀикьюб вазли гьязур шули гъахьну. Йирхьуб вазли дурари чибкан ччим ктатуйи, хъа имбу йирхьуб вазли – дишагьлийириз вуйи итирин ниъ хъайи мялгьямар. 13Гьаддин кьяляхъ риш паччагьдихьна хъади гъягъюйи. Паччагьдихьна дишагьлийирин хулариан гъягъюрайи шурахьна дугъу тӀалаб гъапӀу фу вушра тувуйи. 14Хябяхъган думу паччагьдихьна гъюйи, хъа гвачӀинган паччагьдин дишагьлийириз лигурайи гъараваш Шаашгъаздин гюзчиваликк ккайи дишагьлийирин хулариз гъягъюйи. Гьаддихъанмина, эгер паччагьди чав амур дарапӀиш, шураз дугъахьна гъягъюз ихтияр адайи.
15Мярдягьяйин эм Авихаилин риш, Мярдягьяйи тербияламиш гъапӀу Эстерин паччагьдихьна гъягъюз нубат гъафиган, дугъу паччагьдин гъараваш Хегайи теклиф гъапӀубдилан артухъ фукӀа тӀалаб гъапӀундайи. Эстер, гъяркъган, вардариз кьабул шулайи.
16Паччагьдин дараматдиз Эстер йицӀубпи вазли, яни тевет вазли, Ахашʼверуш паччагь духьну ургуд кӀуру йисан хъади гъушнийи. 17Паччагьдиз Эстер миди вуйи чан хупартӀан кьабул гъахьнийи, миди вуйи шубариинтӀан дугъʼин дугъан юкӀв улубкьнийи. Дугъу Эстериин паччагьдин таж улубкӀуру ва Ваштийин ерина чаз хпирди гъадагъуру. 18Ва паччагьди чаз багахь вуйидариз ва гьякимариз дем тешкил апӀуру – Эстерин сагълугъназ вуйи дем; ва паччагьдин аьдатнаъ айиганси, паччагьлугъдин вари вилаятариз пешкешар пай апӀуру.
Паччагьдиин алархьуз ният айиваликан Мярдягьяйиз аьгъю шулу
19Имбу шубар дишагьлийирин кьюдпи хулариз адаъруган, Мярдягьяй паччагьдин дараматдин раккнарихъ деънайи. 20(Эстери чав фуну хизандиканна миллетдикан вуш, саризра ктибтундайи, гьаз гъапиш Мярдягьяйи дугъаз гъадагъа гъапӀнийи, хъа Мярдягьяйихъ Эстер чав дугъу тербияламиш апӀурайи вахтариси хъпехъури имийи).
21Гъапиганси, Мярдягьяй паччагьдин дараматдин раккнарихъ деънайи. Гьадму вахтна паччагьдин раккнар уьрхюрайи, хъюлу ацӀнайи кьюр гъараваш Бигтандиз ва Терешдиз, Ахашʼверуш паччагьдиин алархьну, думу йикӀуз ният ади гъабхьну. 22Му ляхникан Мярдягьяйиз хабар шулу ва паччагьдин хпир Эстериз мялум апӀуру, хъа Эстери паччагьдиз Мярдягьяйин ччвурнахъан вари ктибтуру. 23Вари ахтармиш дапӀну, тахсиркрариз жаза адабтӀуру – дурар буруздикк ккерхру. Паччагьра ади му ляхникан тарих уьбхбан дикӀбариъ бикӀуру.
Selectat acum:
:
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© Институт перевода Библии, 2010, 2013, 2016, 2018, 2023