Sam 120

120

Sam Kratrtqki-esz'-nzpnu-li (120)

Ncblo Ngr Nrwx

Nabz kx nzngrnelzngr Jerusalem mz nzangiongr.

1Mzli kc tqmnc-ngrne mz nzkxpungr, kqlex Yawe,

X ayzlu-ngrmle natqnge.

2Rpibo bade kx, “Yawe, arlapxbz ninge

Mz leplz kxnzpokiang x nzesabrng.”

3?Nimu leplz kxnzpokiang,

Krlzpeamu da kx nawaisrngr Yawe nimu?

4Sa na-ayrplapx-zlwzle nimu

Mz nipna sc ncblo ngr vea x mz nyr kxpq zlwz.

5Nzmnc-lxblr-krgu trka-zlwzm bange,

Apule kx mnckr badr leplz kxdrka'-ngrng.

6Mzli boitx zlwz mnctibo bamu,

Nimu leplz kcng tzpxtxpx-ngrdr nrwx.

7Dekc mzli kc tqryapwxtr-ngrne mz nrwx,

Suti alzu drtwrmu nzotangr.

Selectat acum:

Sam 120: ntu

Evidențiere

Copiază

Compară

Împărtășește

Dorești să ai evidențierile salvate pe toate dispozitivele? Înscrie-te sau conectează-te

Află mai multe despre Natqgu