Versete biblice populare din Maku 16

Împărtășește

Miꞌi hawyi toꞌe i -Uiwyriaꞌin eweiwat ro yne mesuwat yi totiaria wuatꞌi ywania uhehay wakuat enoi hamo e.

Miꞌi hawyi uimohey haria tomoherep miitꞌin me wakuap kahato. Miꞌi tã taꞌatunug ahiag koꞌi miitꞌin miat taꞌatusopo uhesaika wo. Musu pakup koꞌi taꞌatusuꞌat. Miꞌi hawyi moĩ ok akit hanuaria tukupteꞌen. Moĩ pytyk pykai yt haty i uimohey haria ete e. Iꞌewyte guꞌuro hy u pykai yt haty i iꞌatuete e. Taꞌi iꞌahuu rakaria ete teꞌeruweponug hawyi waku raꞌyn iꞌatuete e.

Uwe uwe uimohey haria wesetꞌok haria ti aru uimiehakyeraꞌat nuaria teꞌeropyhuꞌat e Iesui. Maꞌato yt uimohey i haria ti aru woꞌoꞌapiheg haria tukupteꞌen wuatꞌi eꞌat pe e.

Miꞌi hawyi hemiitꞌin tuwat raꞌyn Iesui ehay enoi hamo wuatꞌi ywania mesuwat yi totiaria enoi hamuat. Iꞌewyte ti Iꞌatukaꞌiwat Paꞌãu ipotpap kahato iꞌatuwywo tesaika wo wakuap iꞌatumisepap hap nug hamo miitꞌin miat tomohey hamo.

Miꞌi hawyi toꞌe iꞌatuepe -Yt gyt eweiꞌe teiꞌo e. Atikuap kat pe eweĩꞌẽ. Iesui tawa Nasare piat kape eweĩꞌẽ e. Ariaꞌyp posak etiat miꞌauka kape eweĩꞌẽ meikowo e. Yt uwe i raꞌyn Iesui meiũpe hyp hawe e. Katupono toineꞌen i raꞌyn guꞌuro pyi e. Ewehaꞌat ro aikope ipag hap kape e.

Maꞌato teꞌerahaꞌat turan teꞌokenhypꞌok pe raꞌyn toineꞌen ikaꞌa. Miꞌi hawyi tuwehytꞌok nu kaꞌa pe. Miꞌi hawyi mo sese kai apyk pe teꞌeraꞌakasa kurum iwasu ewywuat atipy kaipywiat ieineꞌen hat sokpe kytꞌi iꞌywop takat piat. Miꞌi hawyi iꞌatuperup taꞌyn.