Versete biblice populare din Iesui Potmuꞌeria 6

Împărtășește

Miꞌi tupono waku eweiꞌairo 7 ihainia wakuat rakat hiwu sese koꞌi piat miꞌu moꞌẽ hamo iꞌatuꞌe. Waku eweiꞌairo iweꞌeg kahato rakaria iꞌatuꞌe. Waku eweikat Iesui mohey sese haria inug hamo iꞌatuꞌe. Waku Tupana Paꞌãu Wakuat mikyꞌesat ewywuat nug kuap haria eweiꞌairo iꞌatuꞌe. Eweiꞌairo ro wakuaria miitꞌin mimotypot koꞌi iꞌatuꞌe. Miꞌiria ewywuat yn ni waku watipoꞌoro urupotpap nug hamo miꞌu moꞌẽ hiwu koꞌi piat hamo iꞌatuꞌe 12 ok takaria Iesui mohey haria pe. Maꞌato uruto wyti Tupana ehay moꞌẽ haria wo yn ni urutukupteꞌen aru aat kaꞌap uruto iꞌatuꞌe. Iꞌewyte Tupana wywo yn uruto uruehay teran aat kaꞌap iꞌatuꞌe.

Miꞌi hawyi hãpyk kahato meimuẽwat 7 ok takaria timoꞌẽ miꞌu hiwu sese koꞌi pe. Miꞌi pote Iesui potmuꞌeria sese 12 ok takaria tiꞌatumuꞌe aat kaꞌap miitꞌin yne Iesui mikyꞌesat nug hap ete. Miꞌi hawyi yne tawa Ierusarẽi miaria pe taꞌatumoꞌẽ kahato Tupana ehay. Miꞌi pote typyꞌi kahato raꞌyn imohey pakup i haria itote tukupteꞌen. Iꞌewyte iꞌatu kahato Iesui mikyꞌesat yn nug haria tukupteꞌen itote. Miꞌi turan paꞌiria sem iꞌewyte teꞌeropyhuꞌat Iesui mohey haria wo raꞌyn itote.