Versete biblice populare din TIT 3

Împărtășește

Nghoid loug we' ngoonu" da" khyoid' yu Aseing: Mangso da" jeju" yo' athang agoin da' nheigloem: thu myhang lo da" uri gi Ngoonu" gi loem goem khyoo: shau" yu boem bye:. Hid: yhang: ti" loem: jeung" khyo" shau" yu zigi ngoonu" nyang: zei: so' yoem kaid da" ge da" moozoo" daja: ja: mo yo" yu zi anghoid. Ciwim gari nya: da" nheig khyeug je ju yoomo za hid: yhang: ti" doem khu: yu ziyo' sen: gyid yo' ced" kyeing shed" shang: pyam ziyo' nyang: gi nyhang" nu" ri khyoid' yu bye. Mangsoo gi nyhang" ri khyoid yu ASEING Yesu khoug: moo gyeungshang: da" Venyi ri yha" da" atho' moo agoin ayu: foid shoin" byid: bye. Houg su" nghoid nyid da" khyoo: gi ngoonu" gi nya: da" jeju" yo' Mangsoo vho: ngei lho: lheom: kham: yu mo, yo" bue" lo wigi ngoonu" myid byu to" da" apyaid ato: kangso ri yo" shau" myang kham: yu wa shid re" nghoid.

Mung" dain ri vhoeb khang" nyid bang: yo' amyeing" akhang ci: bang: da" vhoo: moo tam' gyo: nyid wa ziyo' ge da" moozoo" jid: zoo: jo, moo jo, ri zei: soo, wa jen" jen" nghoid nyid wa shid re" re" da" byu yi ri tid poin" nyid we'. Nang ri nghoid loug we' age khyo" lu, wim gei sang: da" dang: ri atid loo: za: myenjham" ngei pyoo: tung" zoem" khau: veing" goo" wa ziyo' khanham we' byu dangain" bang: ri nu" nham, nheigloem: shed nyid baja"- nyangnu" ri tid poin" nyid we'.

Nghoid loug we' ce: akyu" abo da" akoo" afang: ga: myed: da" ngeug se: dang: myid: joem- thang ase da" byuxeig shab khyoo: myeing" myoo: yhoo: she: khyoo: yo" tarha" joem ri jang" pyam we'.Khasu" wim garihau: da" khyoo: joem gi akyu" abo ziyo' akoem: za: danghoid nyid.

Byo, gang: go" lo" khyoo: ze" bue" kaid' su: rigi atham: thang eig lheing: koo: tid poin" tid kyeung" thang: ri nyang: yo' tei" goo" xo' go" khyoo: ci" we' ayhe: koid loo.