Versete biblice populare din Roma 1

Împărtășește

Ngoo gi ngeibu lu dang: ri nheig shid: nheig deig loem jeung" bye. Hau: lu dang: gi loem" jeing" mo, dangain" da" Yuda byumyu" yi yo" ngheizain byumyu" yi ri xang: shid" khyoid' yu da" Mangsoo: yoem: so' phung" yoeb nghoid.

Phoo Mangsoo: gi - byu xangsu: yi ri khasu" vho: ngei kham: yu da" khyoo: ri - ngeibu: lu dang: mo tid pang toin" shid' nyid. Hau: da" khyoo: gi xang: shed" mo zi lo" thang ju" sho' loem" da" nheigloem: mo, ayang: qei" to" da khyoo: nghoid. Houg: yoomo jhoem: dang: moo tid zigi - Mangsoo: vho: ngei kham: yu zi shau" su: gi - loem" khyo" kangso' dei nyid ca" - ga: bo.

He mougmyid ri Mangsoo: phain" to" da akhyeing: mo nyang: xangsu: byu yi gi - Aseing da" athang agoin myonhoo: phung" yoeb ri we' Aseing gi Mangsoo: agyeing" nyang nghoid da" khyoo: ri we' goolhoo: nyang: si bye: - nyangnu" gi hid te" da" Mangso: myonhoo: ngeilang: ri amyang yu" nghoid loug yo" se' boem. Hougsu" yo" se' da" khyoo: gi nyangnu" gi Mangsoo: phain" to" da" zi yoo joem ri myang yoomo nghoid. Houg: yoomo - houg: bang: gi nyangnu" nyang: shoid' vhang: da" youg: noo yooboo da shid' re" lhoid' pyoin' wa da" khyoo: aboo loo.

Nyanu" gi Mangsoo: ri se' boem nghoid loug we' - Mangsoo: da" phung" yoeb yo" jeju" coung" nghei moin: loug we' - acoung" anghei' byid: boem nghoid ago". Coung" nghei wa gung thid' - akyu" abo da" moo" ri za: myid soin: yu" nyid ago". Nyanu" da" asi ayeig da nheigloem: ung: khoug: moo- moug: coid' wigi nghoeb' to"

Nyanu" gi - Mangso: deingmain" da" tarha" ri - shoid' da" khyoo: yo" thid' go" pyam. Phain" too" su: da" gung thid' phain" to" da" zi ri te: loem no" ago". Phain" to" da Aseing: myonhoo: phung" yoeb ri - khanham we' loem khau noku boem baja".

Deingmain" da" khyoo: ri - byu yi asi wa shid' re" toem' jhed' to" da" - agyeing" ashoeb' da" yooboo dangain" ri moug: khung: mo Mangsoo: nheig no yo: khyoo: ri pang shug nyid ziri se' lo boem bye.

Houg: su" nghoid yoomo - Mangsoo: gi xangsu: byu yi ri - aco' ajhoid' da: nyam yo: aved avhu: da" khyoo: moo cang loo" wa shid' re" - she: pyam' too" bye. Myiyi: yi we" tarha" khyoo: khyo" gi anyid looza: myiyi: nyang: cang" zoem" go" lo" boem. Houg: yo" dakhyoo" ti" yuggi yi we" - myiyi: yi yo" zoem" jeung" nyid akhyoo" khyo" akoid' loo: za: - yuggi nyang: cang" nyam' yo: avoid avhu: khyo" cang wigi - yuggi nyang: cang" asho' ashid: koid' nyid: lho: - nyang: nya: aco' ajhoid' zei: da moo" zo" moin: yi" yooboo aphoug" ri kham: zo nyid abye: go". Xangsu: byu yi gi Mangsoo: vho: zi ri ashau" myid boem yoomo - Mangsoo: gi nyangnu" ri she: pyam' to" wigi - nyanu" gi deingmain" khyo" ayo" myid yu boem loo: yoomo akoid' eung: da" moo" ri koid' lo" boem bye.

Nyanu" tid zi gi - nyang: nya: da" gung ri - phajhi" bo ga: myid boem: nghoid loug we' - ce: phajhi" we' abo mo nghoid boem. Ase' shid: da" Mangsoo: ri noku ca" nghoid loug - se' shid: lo" da byu nghoo: joem - myid: khyid: dab da goug: nyoug joem - hougsu" anghoid lang" do: yu: lo" se' da" goug: nyhoug yi ngho' joem da" soolhoo: joem ri no' ku" boem ago"