Versete biblice populare din AkwaRoma 1

Împărtășește

Ka ni fererire honyi Muthzimbu Ouwa, inene odiyo okoro wa Nyambi o ku yoyithsa awa a tawa wahe, ku tanga Majuda mbeci ku keye Anukenge.

Inene mou Muthzimbu Ouwa, owawa wa Nyambi waa hokoriwa ohura na hura ko thsitawo. Eci edi aa amba Mañoro ci: “Owawawa kenge mba yoya ko thsitawo.”

Inene ku tunda apa kombiwerire kaye, mikarero thza Nyambi thzi shimoniwa, ao okoro wenthzi o diyere nonyambi wenthzi, na i cimonaharithsa nawa. Yaa yuvithsithsiwa keyi a kwamine, mweyo, kwithsa oyu wa ku hamura.

Inene shaanga ci a dimukire Nyambi, ka mu remekire eci Nyambi nji ku kanderera ku kwenthzi. Eanekera yo na i piruka yo tumbako, no micima thzo thzothzitomba na thziraura.

Na pirura oshemwa wa Nyambi ku u tenda yo kwangera, karo aa rombera no ku kwamena eyi ombire Nyambi, kupita ku rombera aye mumbi wayo, aye oyu na roera ku shangariwa diyere! Ameni.

Inene oanthzi wa Nyambi waa hokoriwa ku tunda ku wiru, ku na rwithsa thsivi nomango yoihe yanu, awa a na dyaterera oshemwa komango wo.

Mukaci keyi, Nyambi naa wa thsierera ci a yoye kecikumbwethza yo ku fithsa honyi. Mane ambuyama wo na thsii mikarero ethzi thzi na roera no ku tateka ku rara nambuyama aenthzo. Mofoci nakwerume, nawo na thsii mikarero ethzi thzi na roera nambuyama, awo aa cikumbwethza ku rara nakwerume aenthzo. Akwerume aa tenda enu yo ku fithsa honyi nakwerume aenthzo, karo aa tambura mu kaciko humbithso ethzi thzi na roera etenda yo. Pakuninga ci na kana kwikara nodimukero shemwa keyi ya Nyambi, Nyambi naa wa thsierera mwianekera yo yokwipa ci a tende eyi i na kana ku roera ku tendiwa.

Aa cishimba ci a nyanyami, unone na piruka etomba. Kupita ci a rombere aye o kutethzima, Nyambi shifu, awo aa rombera ekupuro yo ku pitura anu, enyunyi, eyama neharawi.