Versete biblice populare din Tito 2

Împărtășește

Rrehe, Deo madirraza uati cauanari canaui auato inanarraro. Narraroza madirra bazima tocassiuauerauiuarrine parrireni. Deo iaza uati cauanari canarraricca uimape ia mari canarraro, arri ibodicca uimasiri ineboniuarrine, arrirraro namicca uima touini inarraro ineboniuarrine. Arrirraro namiza imadiza icca madie bica taniuarrine naqui ia mari canarraro. Ibodi uatomanissa teza uima bicanira tocatterrizade icauattera, icca uima Deoza parrirenissa taniuarrine icauattera, Deo Poua touira damera inaniuarrine icauattera narraroparri.

Rrehe, Deocca touati uanehema imadizape Zeso Cristo ccanipomauicca uadatoui imadirraro. Arra icca Deo bicabote ia Tonassiuauade Zeso Cristo ccanipomazapa poua zibehinema pocca deni torrehema auato taha ccanipomauitoui. Narraro parrissa torrezape etizenitoui. Zesopa itoui uati uana taza poua ccaccorarrari. Uaidirehe bazima inanarizehe imadiporaha ia todinibaqquiuiuarrine zoqquerrari. Pocca iquerrenani orrari naniuarrine ia tonauissobaqquirrariparra. Pocca iquerrenarrarope uima bicani tonanade dameraqquiri inaniuarrine.

Tito, tia naqui timadinissa tarri, ticca madie pouadeniza auato taniuarrine. Naui zabissodeni ticca madie qqui toquenazapa: —Ia naqui nema inana −quenauiuarrine. Mari ticanabaqquiza naco maizehe rrirehe, rrizehe rrirehe, parrissehera Deo Atti ponira mari ticanabaqquirro. Ticca marinarra bica teza tinaparrirenissa tarri. Naui ticca marinarraza: —Bica terrerani, parrirenissa terrerani −quena-rrarauiuarrine. Nazapa madirra ticca marinarraza nacasseraqquiri narrarideni tiaza uima inanemananiuarrineraha pouadenipa cappinemanauitoui. Tetti parrirenissa tezape iaza uima inanemananiuarrine ssamomo tauitoui.