Versete biblice populare din Maraco 8

Împărtășește

Tiadenipe ticcadeni madie ouaza teccoremanezape otauimari madirra tocassiuauerauiuarrinecca maride tiquerreneza naqui madirra tiadeni tonarricabaqqui-manaraha camittehe rriquerreranicca ticarrimana-zanaponitoui. Naraha madirra ouaha pocca madie ouaza acco taza arrirraro namiza madi zanapouiuarrine touinira nazapa zoqqueuitoui. Zoqquezapa camittehe rriquerreranicca carri-rrarauitoui −naui nade Zeso atti.

—Madirra naco arrirraro namicca biquehe touini madiza, arrirraro zamacca uima deni torranicca touini madiza naco uapima pouaza torreraha Deotoui narrarazapa niza poua zoqqueza rrororoni rriquerreraniuarri zori tarrarauitoui. Nazapa poua carrirraricca bazima ponima torranitoui.

Nazapa Zeso denima mari icanabaqquiuiuarrine madirra bazima, poua uatimadedenima ua inabaqquirrari. Poua attipa: —Arri “Zesocca madirra iquerrenana” tiquenezape tiadeni touini tiquenanicca toui tetideni rrimemanarri. Ouazara dameraqquiri tiquenarri. Madirra tiadeniza: “Aua porimacossaniza tizoqquerri” quenaza naco: “Rrehe, ozoqqueni bica tani. Zeso onebo-rraraui” titizanapomana nana, onarraro.

Pouapa poua carrirrariccaza camittehe rriquerreranicca mitta inaniuarrine ssamo tani. Arra rridapana madimanarrarideni Deo Atti inebomaneza uimasiri ihinanemana narraro. Narrarideni noppine madirra cappinemanazapa: “Zesocca madirra orrarrerani” quena taui. Occa marinarraza naco: “Omittana onerrerani” quena taui. Nama quenazapa manaco ouatti pouadeniza: “Occa madirra tiquerrena-rrerani” onanitoui. Ouape Madirra Bedi orrarraroa nizaranibote arrirraro namiza occaronapomezape occa Abi Deo ssiuerrenema, pocca zozosse tabaqqui memeuarricca tezerre occaronapomanitoui. Nazana: “Onocco rriza tani pouadeniza” onanitoui −naui nade Zeso.

Nazapa Zeso pouadeniza uati tapomarrari: —Naraha tiadenizape nerrecorrari orrani? −naui nade. Nazapa manaco Pedoro uati tarrari: —Tiape Cristo-Mesia tirrani −narrari.