Versete biblice populare din Epesodeniza 1

Împărtășește

Deoza ouatti onihi naqui: —Abi Deo, pouadeni tezerremacca uima bicani bodideniza auato tinanarri −ohonanarraro. Deopa pocca madirra tiquerrenaniuarrine tiadeni uaua tabaqquirrari. Itezerremacca uima bicani iaza torraniuarrine touini imadirrarope parrissa iaza torranitoui. Narraro nauatoqquiri tiquenaniuarrine Deoza uati uati ohonanarraro. Deo Pouaza toquerrenarrarideniza pocca danirri bicani da inani nauatoqquiri tiquenaniuarrine naqui Pouaza uati uati ohonanarraro. Deo pocca dacorehe naqui tiadeniza auato taniuarrine Pouaza uati uati ohonanarraro. Pocca dacorehepe motarani, rricaqquirrerani. Narraro dacorehepe Pouaza parrissa inarrarodeniza anirraro. Narraro dacorehepe Deo Poua dacorarra narrari. Deopa pocca dacoreheza Zeso Cristo zoqqueraha inauatonirrari. Memeuarri iaccamacossaniza deni inanazapa Poua uinori nauatoniuarri inauittarirrari. Nauizapa memeuarricca, namiuarricca bazima zossede torrarrari. Pocca dacorehe deni torrarraro. Pocca cacauehe rriquerrerarraro. Rridapana arrirraro zamaccaza deni torrarrari. Niza zotodecca zama zati ccarronarraroza naco nama zanapouitoui. Pocca deni torrehe rriquerreranitoui.

Deopa zama inauatopo-rrerazama itoui naporrari. Pocca madirra iquerrenaniuarrine ia tocatterrizabaqquirrari. Nama narraria Poua Bedi Zeso Cristoza parrissa inarrarodeni ibodi ssiuarraqquiri naza Deo Pouatouira imadinissa zanaponiuarrine. Ia qqui tabaqquizapa uimasiri icappirani ia qqui tabaqquiuitoui. Deopa iaza uati uana tarrari. Deopa maittaccazama: — Madirra occa nanapinarra onanabaqquina, pina occa erredenidenissa quenauiuarrine −naporrari nade. Nezape Poua Bedi Zeso Cristoza iquerreneza Deo pocca madirra iquerrenarraro. Narraro uimape Deoza bica tani. Poua touini naza nema inanarraro.

Uimasiri iaza dacoreraha Deo itoui uati cauanari canaza ia tappa tabaqquiuiuarrine pocca erredeni eccorarrari. Poua emene toccarrarope icca uimasiri manaconi torrarraro. Nazapa Deo iaza: —Ticcadeni uimasiriza peperri onani −narrari.

Deoza etti arrima inana: — Rrehe Abi Deo, bica tinani, deni tirrani. Iaza uatizeheri tinanarraro −ihizanapo nana. Deopa parrissa ia Zozossede Zeso Cristocca Abi. Zeso Cristoza iquerrenarrarorrine uatizeheri memeuarri anirraro bazima iaza da inarraro. Poua Corimepa ibodiza uatizeheri inanarizarraro.