Versete biblice populare din Taitusi 1

Împărtășește

No anu anaxa'a la ivikala lexe ilavusou Mosinge oponu. Ia no anu xoluxoluxa'a la umaxa'u lexe ane'i ixililiou ane. Xo xoluxoluxa'a ne masua no iou Mosinge. Ane'i ilomuxu vaikalaou to uasi mo imomomo uasi manina so i'oxonu ilixo vile laixe.

Xo aloxo 'o. Noxi'a tamitema ane tamalemalenga no iou Mosinge la ani'ani mukalusi malemalengasi. Ia noxi'a ane'i ane ilopala uasi la ane'i nuni'a no iou Mosinge. Laso maixene mi vile malemalenga noxi'a uasi xo xavutalai'a mo tane'i nuni'u avile.

Mo anu itema so ukama­kulunu vaikala manina loxo mulomusou no anu votovoto. Mo so loxo upeloto la upolo va'axu uasi, ulanu vaikala e pumuxu nesi. Xe loxo tamitema ixilili la uko­line'i no anu vaikala ne la saexa'a uxolasi.

Xo itema so uvu'ulinu pita axone la xoluxoluxu lamanasi no ie'i tamitema xo anu so ulaxa'inu xaixai noxou Mosinge. Anu itema so usoune'i tamitema so imulinu masaxa noxoumo uasi. Anu itema so la'iaxu palea uasi xe itema so usipaki uasi. Xe itema so u'oto uasi mo kalumo oponu ututuluou lamoli ilou mimi so vasimenge uasi. Mo loxo tamitema ine'e no tasou la uvu'uline'i laixe. Itema loxo natulusou ne la oponu utulu no anu mi ane laixe mo mulapusi. Loxo mi vile uxali la anu utilovosou laixe xo oponu ututu­luou masaxa noxou Mosingesi. Xe masamasaxa noxou upalusou vitanisi uasi, anu molu upamuxanu laixe.

Natulusou itema axone la mi vile no anu xoluxoluxu so tamitema ito'omolu no anu uasi. Loxo utaula'i la semau vilesisi. Xe loxo ta'olu, la lopala noxi'a noxou Kalaisitisi. Mo no anu xoluxo­luxa'a, la nuni'u no ie'i tamitema uasi xe ixililiie'i tamami'a taneni'a uasi.