Versete biblice populare din 2 Reye 5

Împărtășește

Ẽberã Naamaʌ̃ abadada b̶asia. Idjira Siriad̶ebema sordaorã boro basía. Ãcõrẽba careba b̶ʌd̶eba ãdji dji quĩrũra poyad̶a bẽrã Siriad̶ebema boroba idjira dewararã cãyãbara biara unubadjia. Idjira bio sozarra b̶asia, baribʌrʌ aid̶a bara b̶asia.

Eliseoba ẽberãda dajadaa nãwã jarad̶e diabuesia: “Jordaʌ̃ dod̶e cuid̶e wãdua. B̸arima siete cuibʌrʌd̶e bʌ cacuara biaped̶a Ãcõrẽ quĩrãpita bia b̶eya.”

Mãwã jaraped̶ad̶a bẽrã Naamaʌ̃ra Jordaʌ̃ dod̶aa wãped̶a b̶arima siete cuisia Ãcõrẽneba bed̶eabari Eliseoba jarad̶a quĩrãca. Ara maʌ̃da biaped̶a idji cacuara cũdra quĩrãca dowa b̶esia. Ãcõrẽ quĩrãpita bia b̶esia.

Maʌ̃ ũrĩped̶a Naamaʌ̃ra bio quĩrũ wãsia. Idjia jarasia: –Mʌ̃a crĩcha b̶asia Eliseoba mʌ̃ra dajadaa acʌd̶e zeped̶a idji Ãcõrẽa iwid̶ida idjab̶a idji jʌwara mʌ̃ aid̶a ʌ̃rʌ̃ jãrẽwẽida animãrẽã.

Maʌ̃ne Naamaʌ̃ nezocarãda idji caita wãnaped̶a nãwã jarasid̶aa: –Dai boro, jãʌ̃ Ãcõrẽneba bed̶eabariba obi jarad̶ara zarea b̶ad̶abara bʌa ocasia. Idjia ab̶abe jara b̶ʌa bʌ biamãrẽã Jordaʌ̃ dod̶e cuida b̶ʌda. ¿Bʌa mãwã oiẽ́ b̶ʌca?

Ewari ab̶a wẽrãcauba idji boro Naamaʌ̃ quimaa nãwã jarasia: –Ãcõrẽneba bed̶eabari Eliseoda Samaria purud̶e b̶ʌa. Mʌ̃ boro Naamaʌ̃ra idjimaa wãbʌrʌbara, idji aid̶ara anicasia.