Versete biblice populare din ROMA 2

Paikanya komi woʼu ee waʼa ngkasangkompo, mampowia powia anu nditulurika waʼa ntau ntaninya! Neʼe boi ndisarumaka komi da lapa ungka ri popahuku i mPue Ala? Bara komi da mampesaru-saru puru ndaya i mPue Ala, kapande ndaya pai kayombu ndaya anu bangke? Manoto ndiincanimo i Pue Ala mampatongawa kapande ndaya-A maka pepokonoa da naka pura-pura komi da majea ungka ri kasalaami.

Ua kaʼinceʼenya ee waʼa ngkasangkompo, ara isema komi painaka da ndipetisala tau ntaninya? Bereʼe jayanya komi da mantoʼo yoami! Maka ane komi mampetisala tau ntaninya, ntanoka komi seʼe mampowia anu ewanceʼe, mewali komi mabotusi hukumi ngkaliomi woʼu.

Maka i Pue Ala siwia pampeole-A tau.

Maka kasimadago muni ntau pai i Pue Ala, banya ua pangaincaninyamo waʼa mpadika agama nto Yahudi, paikanya ua pawianakanya anu teʼuki ri waʼa mpadika setu.

Maka i Pue Ala da manciliki pura-pura tau, malulu powianya.

Paikanya waʼa ntau anu podo maendo koronya ngkalionya pai bareʼe meaya ri Pue Ala, paikanya malulu anu majaʼa, waʼa ntau setu da ndapokarau i mPue Ala.

Paikanya ua kapeni ndayami bareʼe ndipokono majea. Mewali komi ngkaliomi anu marangani kanee hukumi ri tempo ngkagero lino, ane ndatujumo i mPue Ala karau ndaya-A da mangabotusi popahuku anu mayoa.