Versete biblice populare din রোমানরাংনা 2

Împărtășește

জে কামনি গিম্মিন না·আ গিপ্পিনরাংখো দোস হ·ন্নিংআ না·আ আন·থাংবা উয়া আপসান কামখো দাকজোকনো ইসলনি শাস্তিওনি জকনা মা·ন্নুয়া ইন্নে চানচিয়ামা? না·আদে ইসলনি বন·চাংগিজা খা·সাচাক্কাখো আরো চাকচিকাখো চন্নিকিংআ। পাপওনি নাং·খো গিসিক ফি·ল্লেতনা মিকসংএ ইসল খা·সাচাক্কা, ইখো না·আ গুয়ালজক।

ইনি হা·সেল সাবা গিপ্পিনরাংখো দোস হ·ন্নোদে আংআ বিনা ইন্দাকে আগান্নুয়া, নাং·নি আন·থাংনি ফা·সিকা বাও দংআ? গিপ্পিনরাংখো দোস হন·মিত্তিংও না·আ আন·থাংখোন দোসগ্মাং দাক্কে ফিন্নিকজামা? না·আ গিপ্পিনরাংখো দোস হ·ন্না ইন্দিবা না·আ উয়া আপসান কামখোন দাক্কিংআ।

ইনি হা·সেল ইখোন নিকনা মা·ন্না, ইসলনি মিক্রোনও গিম্মিকান আপসান হং·আ।

নিয়ামনি খাৎথাখো খিন্নাগিবারাং ইসলনি মিক্রোনও দোসগ্রি হং·জা, ইন্দিবা নিয়ামখো জেরাং মানিয়া ইসল বিসংখোন দোসগ্রি দাক্কে রা·চাকনুয়া।

বিয়া গিম্মিকনান বিনি কামনি খ্রি বিথিখো হ·ন্নুয়া।

ইন্দিবা জেরাং আন·থাংনি হা·সিকা গিত্তা রি·য়া আরো বিবিখো মানিগিজা খ্রাগিজাখো মানিয়া ইসল বিসংনা বিল্লংএন শাস্তি হ·ন্নুয়া।

ইন্দিবা নাং·নি খা·থং রাক্কা; না·আদে পাপওনি গিসিক ফিল·না হাম·জা। উনি গিম্মিন ইসলনি খা·আওনাংআ জেনসালো ফারাকনুয়া উয়া সালনা না·আ নাং·নি মা·ন্নাগিবা শাস্তিখো চিম্মংএ দন্নিংজক। উনি সালোন ইসলনি খাকখেৎ বিচাল ফারাকনুয়া।