Versete biblice populare din রোমানরাংনা 11

Împărtășește

বিচানিন আরো বিগিত্তান গিম্মিক রি·বাআ আরো গিম্মিক বিনা মিংএন হং·আ। ফাংনাজলনা বিনিন রাসং হং·খানা। আমেন।

ইসলনি গাম বাং·বিয়া। বিনি হা·আইয়া আরো বুদ্ধি বাসিক নিং·থুয়া! বিনি বিচাল দাক্কাখো আরো বিনি গিম্মিক কামখো হা·আইনা হামসকজা।

গিত্তেলনি গিসিকখো সা হা·আইনা মান·জক? আরো সাবা বিনি খু·ফাত্তিগিবা হং·জক?

উয়ানদাক্কেন ইসল খা·সাচাক্কে দা·আওনা দিপ্পাৎ ইস্রায়েলরাংনি মংসংগিবা বাকখো বাচ্ছিয়ে দনজক। ইসল খা·সাচাক্কেন বাচ্ছিয়ে দন্নোদে উয়া মামুং কামনি বিথি হং·জাসা। ইন্দাকেন হং·ওদে খা·সাচাক্কা চং·মত খা·সাচাক্কা হং·জানুয়ামিং।

উয়া জলপই ফাংনি মিত্তাম ডালারাংখো দেন·ফাকে উয়ো নাং· গিত্তা দাক্কা ব্রিংনি জলপই ফাংনি ডালাখো জুরাওদে আরো না·আ খাকখেৎ জলপই ফাংনি জা·দিলওনি বিৎচিখো সাল্লে রা·আওদে, ইন্দিদে দেন·ফাকে গালগিবা ডালারাংনা বাত্তে আন·থাংখো দা·আ দাল·নিকাবো। চানচিওদে ইখো গিসিক রা·রিকবো, না·আ জা·দিলখো রি·ম্মে রা·রিকজাংআ বাত্তেসা জা·দিলান নাং·খো রি·ম্মে রা·রিকিংআ।