Versete biblice populare din GENESIS 4

Împărtășește

Ṭhatnak kha rak tuah law cu na merh ko hnga; sihmanhsehlaw ṭhat lonak kha na rak tuah caah sualnak nih cun nangmah tei awkah sahrang bantukin an bawh ko. Nangmah kha uk an duh, sihmanhsehlaw nangmah nih na tei awk a si,” a ti.

Seth nih cun fapa pakhat a ngeih i a min ah Enosh a sak. Cu caan cun mi nih BAWIPA kha a min in biak hram an thawk.

BAWIPA nih Kain cu, “Na nau Abel tah, khuazei ah dah a um?” tiah a hal. Kain nih cun, “Ka hngal lo. Ka nau cawngtu maw ka si awk a si?” tiah a leh.

Cun BAWIPA nih cun, “Zeicahdah hi thil ṭhalo hi na tuah? Ngai hmanh! Nangmah nih na chuahmi na nau thisen nih khan vawlei in a ka auh lengmang ko.

Cun BAWIPA nih Kain cu, “Cuticun a si lai lo, nangmah an thatmi paoh cu a let sarih in teirul cham a si lai,” tiah a ti. Cucaah BAWIPA nih Kain cungah cun, a hmumi paoh nih that hna hlah seh tiah hmelchunhnak pakhat a chiah.