Versete biblice populare din Wurɔmiyé 1

Împărtășește

Kataanna Siɛnrɛ ti juʔu ki wè nɛ fìɛrɛ tɔ́ngi mi nɛ̄ʔ, nɛ̀ taʔa gíi nɛ̄, tiī Kulocɛliɛ fànʔa bè siɛn suɔ, siɛn ó siɛn ŋáà wi 'tɛ́ngɛ wi nɛ̄ wè, bè ki séli Zuufulo peli nɛ̄ gbínʔɛnɛ, bé nɛ́ de waa Girɛki wuulo mɛ́ bèle.

Ki 'nyaa Kataanna Siɛnrɛ tiī nɛ ki tìí mɛni Kulocɛliɛ wiī nɛ siɛnnɛ kpínʔini bèle sínminɛ wìi yiʔɛ mɛ́ gè: tɛ́ngɛlɛ lire yákuɔ fànʔa nɛ̄ kire sí nɛ kpínʔini nɛ̀ yɛli nɛ́ gàa Kulocɛliɛ siɛnsɛbɛrɛ ti 'juu dè nɛ́ jo: Siɛn ŋíì Kulocɛliɛ wi 'kpíʔile sínwɛ tɛ́ngɛlɛ lire kɛnmɛ nɛ̄ bè, kire siɛn wi bé puu sìi nɛ̄ .

Ki 'nyaa bà ki 'líɛ baa á duniya wi 'faan wè, yɛrɛ díì ti wè nyaʔa nyapile nɛ̄ lèʔ, kire 'jo Kulocɛliɛ wi bànguɔ fànʔa gè nɛ́ wi Kulocɛliɛ kɛnmɛ ní bè, Kulocɛliɛ kakpiʔiligele kiyē nɛ kire gáà tìí gè wálilɛ. Kire nɛ̄, siɛnnɛ pe wè juugɛnmɛʔ.

Nɛ̀ taʔa gíi nɛ̄, pe 'Kulocɛliɛ cɛ́n wè, nɛ́ sí kò piyè wi kpúʔɔ bɛ̀ Kulocɛliɛ tíɛlɛʔ, bé nɛ́ ga jo bè wi síɛriʔ. Pe siɛnrɛ ti 'kò nyùgo fùn, a pe funyɔ yi 'kò yebilige nī.

Pe 'Kulocɛliɛ kányiʔɛ yiʔɛ gè nɛ̀ ki fɛ̀ni káfinɛrɛ nɛ̄, nɛ́ yiʔɛ nɛ yafaanra tire gbùʔɔrɔ́ nɛ tire kpóri, nɛ́ ti Faanfɔli wire yaʔa. Nɛ̀ sí ki taa wire wi 'yɛli siɛnnɛ peri wi gbùʔɔrɔ́ lɛ̀gɛlɛ ke mìɛni nī. Ki- taa ki puu bɛ̀.

Kulocɛliɛ wi 'kò baa nyìʔɛnɛ nī lè nɛ́ wi fundanʔanigɛ tìɛ gè siɛnnɛ nɛ̄ bèle, bɛ̀ pe wè tɔ́ri nɛ́ wire ní wèʔ, nɛ́ pe kanaasinzinmɛ kakpiʔiligele ní gèle. Siɛnnɛ kakpiʔiligele gálì keli feligele ke nyɛ́ni ki kanʔa a kányiʔɛ ki 'tɔ́n.

Kire kɛnmɛ nɛ̄ Kulocɛliɛ wi 'pe wáa nɛ̀ yaʔa ladaanma fìɛrɛfun kakpiʔiligele kiyɛ nī yè. Pe cɛlilɛ bèle, gìi pe 'yɛli bèri kúu nɛ́ pe pɔlilɔ ní bèle sínɛdiʔɛ nī gè, a pe 'kire yaʔa, nɛ́ kò nɛ tire dáà kúu dè nɛ́ pìye ní. Nàguɔlɔ míɛni bèle, gìi ki 'yɛli bèri kpínʔini nɛ́ cɛlilɛ ní bèle sínɛdiʔɛ nī gè a pe 'kire yaʔa, nɛ́ yiʔɛ nɛ sìnɛ́ nɛ́ pìye ní peli nàguɔlɔ bèle, nɛ kire tètii ŋáà kɔ́ri wè. A pe sí ki tɔ̀ni taa wè nɛ̀ pínɛ gàa ki 'yɛli nɛ́ pe tètii baara ní dè. Bɛ̀ sí piyè tɔ́ri nɛ́ Kulocɛliɛ ní wèʔ, a Kulocɛliɛ wi 'pe wáa nɛ̀ yaʔa pe síciramɛ sɔ̀ngirɔ kiyɛ nī yè, kele gálì kiyè yɛli keri kpínʔini gèleʔ, pe keli kúu.

Bɛ̀ sí piyē nɛ pìye nyíɛnɛ nɛ́ jo peli yē sícilile bèle, a pe 'kò kàalafɔlilɔ. Kpuʔɔrɔ dáà dī Kulocɛliɛ wori dè, Kulocɛliɛ ŋáà wi wè nɛ kúu wè, a pe 'tire yiʔɛ nɛ́ sí yafanʔa wúɔ nɛ̀ yɛligɛ nɛ́ Kulocɛliɛ ní wè, yɛgɛ gáà pe 'faan siɛn líɛrɛ dè, siɛn ŋáà wī yakuugo gè, wire nɛ́ sínjinʔɛnɛ ní gèle, nɛ́ tɔliyɔ sicɛricɛri yawiire ní dè, nɛ́ yafulolido ní dè.