Versete biblice populare din जकर्याह 9

Împărtășește

सिय्योन शईर, खुशिया मना! ओ यरूशलेम शईरो रे तर्मी लोको, जयजयकार करो! देखो, तुसा रा राजा तुसा गे आऊणे लगी रा। से सदा सई काम करोआ। तिने जीत आसिल करी राखी। से नम्र ए ओर गह्दे पाँदे बैठेया दा ए। से गह्दिया रे बच्चे पाँदे चढ़ी की आऊणा।

मां एप्रैम इलाके दे लड़ाईया दे इस्तेमाल ऊणे वाल़े रथा ओर यरूशलेमो रे सारे लड़ाईया रे कोड़े नाश करी देणे। युद्धो दे इस्तेमाल ऊणे वाल़े सारे धनुष तोड़ी देणे। तुसा रे राजे घोषणा करनी कि तेस देशो दे सब कुछ खरा करना ओर देश शान्तिया साथे चलाणा। तेस भूमध्य समुद्रो ते लई की मृत समुद्रो तक, ओर फरात नदिया ते लई की तरतिया रे सबी ते दूर जगा तको रे इलाके पाँदे राज करना।

तेस दिने, म्हारे परमेशर यहोवे आपणी प्रजा एड़े बचाणी जेड़े एक ग्वाल़ा आपणियां पेडा रे चूण्डो खे खतरे ते बचाओआ। आपणे देशो दे, सेयो मुकुटो पाँदे चमकणे वाल़े मणिया जेड़े ऊणे।