Versete biblice populare din Varoma 1

Împărtășește

Eni kha nyi khali dzitshoni khu Ivhangeli, kholu iyo khiyo yi gu tshivba ya Nungungulu gasi gu vbanyisa vatshavbo vale va khodwago, guphela khu Vajudha kala va nya mayigo.

Kholu khavbo nya Ivhangeli, hi tugula gikungo gya Nungungulu nya hi tshanganise naye khu tshivba nya gukhodwe, hi gu manago gukhugela guhegulani kala guhegisani, kha nga gu lovidwego gupwani: “Muthu a lulamidego a na vbanya khu gukhodwa.”

Kholu, makhalelo nyamba wonega ya Nungungulu, tshivba yaye nya gupindruge ni tumbunugo nya wu Nungungulu waye, si ngu wonegiswa gwadi gukhugela gu vangwa nya mafu, khu sigiro saye a si giridego. Khu kharato, va mwalo guditshedzwa.

Va di gu dziti gukhavo Nungungulu womo, aholu kha va mu thela kota ni gu mu rungudza kha nga edzi gu vbwetegago khidzo. Va di pfhala khu mipimiso yawe nyamba phasa gilo, ni gu myonyo yawe yi gola gu landrisela silo nya gidema.

Va digide gu landrisa lisine la Nungungulu, va gu landrisela malipha. Va khozede ni gu thumela sivangwa, va diga gu khozela ni gu thumela uye mune Muvangi, uye a gu ni fanelo nya bongwe kala gupindruga. Amen!

Nungungulu a ngu wonegisa khu Ndzadzini likhulo laye nya likhongolo, gasi gu tsayisa guyeyisa ni guvivba gu girwago khu vathu nya sighohi, khu mavbanyelo yawe nya guvivbe ma segelago vathu guti lisine laye.

Khu kharato, Nungungulu a va digide va gu thegela gunyenyezani nya esi si tsakisago sivili sawe. Gu di dzega ni vagadzi vakone va diga vama vawe, gasi gu gira iso nyamba yela, si hambanago ni tumbunugo nya wunyamayi wawe. Khu magirelo ya mamowo, vama vakone navo, va di diga gutshangana ni vagadzi vawe, va fekana gu dogolelana khu gyawe. Mwama ni mwama va di gira silo nya gunyenyeze nya dzitshoni, khu kharato, va ngu yela gu hakha tsayiso nya sihonohono sawe. Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

Va gu dzi randra vathu nya guti, aholu na vari sipumbu. Va digide gu rungudza Nungungulu nya gupindruge, va gu khozela sifananiso nya vathu vafago, kala va gu khozela ni sifananiso nya sinyoni, nya dzinyoga ni simbe sirengo si khwirirago khu lididi.