Versete biblice populare din Apocalipsis 22

Împărtășește

Nare naa zec A ne Z, de letrɨ ni rzulo ne ni rlull tuby alfabet, te pur naretizia rnabiia desde gulo ne par chazy.

Jesucrist guniiny: —Gulgacbee dec ziub guelda, ax guednía ni riáld tubyga bniety según ni baandeb.

Spíritu Sant cun dxaap ni gac chial Corder xte Dios, rniideb: —Quedaa. Chiy ni rindiag rniideb ziy, ziyza rniib: —Quedaa. Tutix ni rdxá nis, gueedbɨ, ne ni rcaaz zelee guéeb nis xte guelnabány sin quɨt xi quillytib.

Xíclabaa de ni ná zecpacza de ni agudiiby xabni pur ni rundeb cuend xtiidx Dios, par chalee yiiudeb ruu puert xte guɨdxqui ne yálddeb frut ni rca lo yag xte guelnabány.

Dad Jesucrist guniiny dec ziub gueedny. Ax, ¡xíclabaa de ni run cuend ni cá lo librɨré ni rguixtee xte de ni teru gac!

Ruy aquɨtiru guxin, aquɨt rquiinti bal niclɨza gubidx te pur Xtadnɨ Dios ná ni izieeny ruy, ax par chazy acanabeedeb cun laany.

Ni nán dec didxldí ná irate de cosquɨ, rnii: —Didxldípac, ziub guelda. Ziyla Xtadnɨ Jesús, ¡quedaabiu! Xtadnɨ Jesús gunldeeny quia iratectɨ. Amén.

Irate de ni guindiag de diidx ni zéed lo librɨré xte de ni teru gac, nare rguixtiia lot dec belati chúu ni icuaaru quia de diidx ni zéed lo librɨc, ziyza mazru guroo guelzii isiáld Dios laab que de guelzii ni zéed lo librɨc. Ne ziyza belati chúu ni idzɨcá quia de diidx ni zéed lo librɨré xte de ni teru gac, ziyza sdzɨcáza Dios ni riáldbɨ lo yag xte guelnabány ni rzeet librɨc, ne aquɨtza yiiutib láani guɨdx xte Dios ni rzeetza librɨc.