Versete biblice populare din Fịrịmẹnjịapụ 5

Pita na osi afịrịmẹnjịapụ ma na nwẹnị pakịrị: Tamụnọ ḅịḅị sikima tẹ wa tomina ḅịḅị poki ḅịa.

Tẹ ene gbarị-a ḅara Tamụnọ-warị mẹ ḅio na anga warị ḅio na ḅụ ịn paa ye toluma tẹ pịkị Jizọsị, Mẹsaya ḅe, Iḅi Oku mẹ gbolomaye ḍukom.

Pita nwẹnị ọ̀ ḅẹẹ, “Ananayasị, í tiegotẹ ḍụkụ Ekwesu pịrị tẹ ori í ḅioḅẹngbọ sọ tẹ ị́ mịẹtẹ í iruo Fịafịa Tẹmẹ ḅe pịrịarị, ị́ ḅara la kiri igbigi mẹ ḅẹ pakịrị kẹ wẹrị ḅụ? Ye mẹ amụ dẹrị-a sakị anị í nye ḅara mie anị ḅụ ị́ dẹrị ḅo igbigi mẹ sọ í nye ḅara. Í tiegotẹ nwẹn sime ye tọn-pẹlẹ tẹ mịẹ? Í iruo tomi pịrị-a, Tamụnọ mie í iruo pịrị yee!” Ananayasị miemẹ naa gbọrụ sakị mie ò fuku-koro tẹ fịị ye. Anị gbolomaye naa apụ mamgba kpọma ḅalafaam.

Ọkọẹrẹsị mịọkụ wamịna tọrọkọ nwẹn simearị ḅẹrẹ mẹ ḅụ, à ḍuko ọ́ pịrịarị, ó gberie-sọ kẹ mịna tomi ma mịẹ ma. Ọmịnị ịn wẹrịsoo! À gotẹ ọkọ ḅẹẹarị, ịn nwẹn tọn tẹ mịẹ tẹ ye mẹ tomina ḅara ḅom ḅẹḅẹ anị ḅọrọ-so ḅa. Kụma anị Tamụnọ ḅara ḅom ḅẹḅẹ ọmịnị inetẹ ịn nẹngịma ḅịa. Kụma anị ḅẹ kunoma ọmịnị ẹrị ḅa Tamụnọ mie ọmịnị owu mẹ kẹ pakarị ḅọ!” Sịẹ-Kobiri mẹ nwẹnị Gamalịyẹlị ḍuko ḅara ọkị.