Versete biblice populare din ရိ 11

Împărtășește

ဝ့ၫလဂၩလဲၪ,- အဂဲးဘဲၫယီၩ ကယဲဆၧထီးအလူၬနီၪ, မွဲအကဲၪထၪ့ လၧအစူၪဖၧၩ့ ဒဲအီၪဝ့ၫလၧအကၠီၩ့, ဒဲအီၪဝ့ၫ လၧအဂးဆ့လီၫ. မွဲဆၧလၩဆၧဖၩ့အီၪလၧ အဝ့ၫဒၪအဆိၩဆိၩ အကၠၪကၠၪဆံၭ. အၩမံၩ့.

အိ,ယွၩအဆၧထူၭဆၧလၧၫ့နီၪ, ဒဲအဆၧကိၪ့ ၥ့ၪ,ဒဲအဆၧၥ့ၪယၫနီၪ, မွဲအယိၬမၬကၨၬ အဆၧစ့ၩ

ရၫ့အဂဲးနီၪၦအၪ့ဎၬမိဒၪဘၪဝ့ၫဘဲၫၥ့ၪလဲၪၬ အဖၧၩ့ ၥၭနီၪၦမိၥ့ၪယၫဝ့ၫ ဘဲၫၥ့ၪလဲၪၬ အဂဲးဘဲၫယီၩ, မွဲပလၫၥ့ၪယၫယွၩအၥၭလဂၩလဲၪ, မွဲပလၫကဲၪထၪ့ဆၧကိၪ့လိၬအၥၭ လၧအဝ့ၫလဂၩ လဲၪ.

ထး လၧ ယ ဂး နွ့ၫ ထီၫ့ ယူၭ လီၫ.- မၩအၥၭဘဲၫ နီၪတၭ, အခၫဘိၩ့နဲၪ့ယီၩဒၪလ့ၬ, ၦအီၪလၩ့ထးလဖၪ ဘဲၫဆၧရွံန့ဘၪဆဲၫ့ လၧဆၧအခိးအတၩ အၥိၭနီၪအီၪ ဝ့ၫဒၪလီၫ.- အ့ၪဘၪဆဲၫ့ လၧဆၧအခိးအတၩနီၪ,ဘၪ ဆဲၫ့လၧၩ့လၧဆၧမၩအ့ၬ. အ့ၪလမွဲဘၪဘဲၫနီၪတၭ, ဆၧအခိး အတၩ မွဲလၧၩ့ ဆၧအခိးအတၩအ့ၬ. ဎအ့ၪဘၪဆဲၫ့လၧဆၧ မၩတၭ, ဘၪဆဲၫ့လၧၩ့လၧဆၧအခိးအတၩအ့ၬ. အ့ၪလမွဲ ဘၪဘဲၫနီၪတၭ, ဆၧမၩမွဲလၧၩ့ဆၧမၩအ့ၬ.ၭ

ဆ့လီၫ.- အထဲၩ့အဖၫ့လနၩ့နၩ့ အ့ၪဘၪဆၧဘိၭခါခွံၬ အၥၭနီၪ, နဝ့ၫဒၪနမွဲၥံၪ့အလဲအိၫ့အမံၩ့လၧဆၧ မၩဘုၭထၬလၧထဲၩ့ၥံၪဖၫ့ၥံၪအလးတၭ, နန့ဎုၬၥံၪ့အ လဲအိၫ့အဝံဒဲအၥိၪတၭ,- ထီးအီၪက့ၪဖိၫလိၫနၥၭလၧ ထဲၩ့ၥံၪဖၫ့ၥံၪ အဖၫ့ခိၪလဂ့ၩ. အ့ၪနအီၪက့ၪ ဖိၫလိၫ နၥၭတၭ,နလဆိၬဘၪဆၧဝံ, မွဲဆၧဝံဆိၬနၧၩလီၫ.