Versete biblice populare din လံာ်ပှၤစံၣ်တဲၤတဲလီၤတၢ် 3

တၢ်ခဲလၢာ်လၢအမၤအသးလၢဟီၣ်ခိၣ်အံၤ, မၤအသးဖဲတၢ်အကတီၢ်လၢကစၢ်ယွၤဃုထၢအီၤန့ၣ်လီၤ.

အဝဲပာ်လီၤဝဲတၢ်အကတီၢ်လၢတၢ်အိၣ်ဖျဲၣ်ထီၣ်အဂီၢ်ဒီးတၢ်အကတီၢ် လၢတၢ်သံအဂီၢ်, တၢ်အကတီၢ်လၢတၢ်သူၣ်လီၤဖျးလီၤတၢ်အဂီၢ်, ဒီးတၢ်အကတီၢ်လၢတၢ် ထဲးထီၣ်ကွံာ်တၢ်အဂီၢ်, တၢ်အကတီၢ်လၢတၢ်မၤသံတၢ်အဂီၢ်, ဒီးတၢ်အကတီၢ်လၢတၢ်မၤဘျါက့ၤ တၢ်အဂီၢ်, တၢ်အကတီၢ်လၢတၢ်ဂုၤလီၤပှီၢ်တၢ်အဂီၢ်, ဒီးတၢ်အကတီၢ်လၢတၢ်သူၣ် ထီၣ်ဘှီထီၣ်တၢ်အဂီၢ်လီၤ.

အဝဲပာ်လီၤဝဲတၢ်အကတီၢ်လၢတၢ်သးအုးအဂီၢ်ဒီးတၢ် အကတီၢ်လၢတၢ်သးခုအဂီၢ်, တၢ်အကတီၢ်လၢတၢ်ဟီၣ်တၢ်ယၢၤအဂီၢ်, ဒီးတၢ်အကတီၢ်လၢတၢ်ဂဲၤကလံၣ်အဂီၢ်, တၢ်အကတီၢ်လၢတၢ်အဲၣ်လိာ်ကွံလိာ်သးအဂီၢ်, ဒီးတၢ်အကတီၢ်လၢတၢ်တအဲၣ်လိာ်တကွံလိာ်သးအဂီၢ်, တၢ်အကတီၢ်လၢတၢ်နၢမူလိာ်သးအဂီၢ်, ဒီးတၢ်အကတီၢ်လၢတၢ်တနၢမူလိာ်သးအဂီၢ်လီၤ.

တၢ်အကတီၢ်လၢတၢ်ကဖှီတဲာ်တၢ်အဂီၢ်, ဒီးတၢ်အကတီၢ်လၢတၢ်ကဆးကျးတၢ်အဂီၢ်, တၢ်အကတီၢ်လၢတၢ်ကအိၣ်ဘှ့ၣ်အဂီၢ်, ဒီးတၢ်ဆၢကတီၢ်လၢတၢ်ကကတိၤတၢ်အဂီၢ်လီၤ. အဝဲပာ်လီၤဝဲတၢ်အကတီၢ်လၢတၢ်အဲၣ်တၢ်အဂီၢ်, ဒီးတၢ်အကတီၢ်လၢတၢ်သးဟ့တၢ်အဂီၢ်, တၢ်အကတီၢ်လၢတၢ်ဒုးတၢ်ယၤအဂီၢ်, ဒီးတၢ်အကတီၢ်လၢတၢ်ဃူတၢ်ဖိးအဂီၢ်လီၤ.

ပာ်လီၤဝဲတၢ်အကတီၢ်လၢတၢ်ထံၣ်န့ၢ်တၢ်အဂီၢ်ဒီးတၢ် အကတီၢ်လၢတၢ်ကဟါမၢ်အဂီၢ်, ဒီးတၢ်အကတီၢ်လၢတၢ်ကပာ်ဖှိၣ်ပာ်တံၤတၢ်အဂီၢ်, ဒီးတၢ်အကတီၢ်လၢတၢ်ကစူးကွံာ်ညိကွံာ်တၢ်အဂီၢ်

ယသ့ၣ်ညါလၢတၢ်ခဲလၢာ်လၢကစၢ်ယွၤမၤဝဲန့ၣ်ကအိၣ်ဂၢၢ်ဆိးကျၢၤ ဝဲလီၤထူလီၤယိာ်လီၤ. နပာ်ဖှိၣ်အါထီၣ်တၢ်တမံၤမံၤမ့ၢ်ဂ့ၤ, ထုးကွံာ်တၢ်တမံၤမံၤမ့ၢ်ဂ့ၤတသ့ဝဲဘၣ်. ဒီးတၢ်တမံၤလၢကစၢ်ယွၤမၤဝဲန့ၣ်မ့ၢ်, ကမၢပဆၢထၢၣ်လၢအမဲာ်ညါလၢတၢ်ပျံၤဒီးတၢ်ယူးယီၣ်အီၤပူၤန့ၣ်လီၤ.

ယစံးလၢယသးကံၢ်ပူၤ, “ကစၢ်ယွၤကစံၣ်ညီၣ်ပှၤအတီအလိၤ, ဒီးပှၤအၢပှၤသီဒ်သိးသိးလီၤ. မ့ၢ်အဂ့ၢ်ဒ်လဲၣ်န့ၣ်, တၢ်ခဲလၢာ်, တၢ်မၤခဲလၢာ်, ကမၤအသးလၢတၢ်အကတီၢ်ဒၣ်ဝဲဒ်တၢ်ပာ် လီၤတ့ၢ်အီၤအသိးန့ၣ်လီၤ.