Versete biblice populare din MGA HULUBATON 13

Împărtășește

Maglakat upud sa maalam nga mga tawo kag manginmaalam ka, apang ang kaupdanan sang mga buangbuang magaantus.

Ang nagabantay sang iya baba nagatipig sang iya kabuhi; ang nagabuka sing malapad sang iya mga bibig may kalaglagan.

Ang nagapugung sang iya bilogon nagadumut sang iya anak, apang ang nagahigugma sa iya nagasilot sa iya sa nagakaigo nga tion.

Ang paglaum nga napalantang nagapasakit sang tagiposoon, apang kon mag-abut ang handum, ini kahoy sang kabuhi.

Ang pagkamatarung nagabantay sang matadlong sa dalanon, apang ang pagkamalaut nagalaglag sang makasasala.

Ang pagkabutang nga naagum sa kadayawan magabuhin, apang ang nagatipon sa pagpangabudlay magadugang.

Tungud sa bugal nagaabut lamang ang binanggianay, apang sa nalaygayan sing maayo yara ang kaalam.

Ang maayong tawo nagabilin sing palanublion sa mga anak sang iya anak, kag ang pagkabutang sang makasasala natipon tungud sa matarung.

Ang anak nga maalam nagapamati sang pagtudlo sang iya amay, apang ang mayubiton wala nagapamati sang badlong.

Kaimolan kag kahuluy-an iya sang nagadumili sang pagtudlo, apang ang nagasapak sang pagsabdong padunggan.