Versete biblice populare din ISAIAS 55

Împărtășește

Kay ang akon mga hunahuna indi inyo mga hunahuna, kag ang inyo mga dalanon indi akon mga dalanon, nagasiling ang GINOO.

Kay subong nga ang mga langit mataas pa sa duta, sa amo ang akon mga dalanon mataas pa sa inyo mga dalanon kag ang akon mga painoino sa inyo mga painoino.

“Pangitaa ninyo ang GINOO samtang nga makita pa sia, tawga ninyo sia samtang nga malapit pa sia

magbiya ang malauton sang iya dalanon, kag ang dimatarung nga tawo sang iya mga painoino; magbalik sia sa GINOO, kag sia magakalooy sa iya, kag sa aton Dios, kay sia magapatawad sing bugana.

“Ho, ang tagsatagsa nga ginauhaw, kari kamo sa mga tubig; kag ang wala sing cuarta, kari kamo, magbakal kag magkaon! Kari, magbakal sing alak kag gatas sa wala sing cuarta kag sa wala sing bili.

“Kay subong sang ulan nga nagakaholog kag sang nieve gikan sa langit, kag wala nagabalik didto kondi nagatubig sang duta, nga nagapabunga sini kag nagapasalingsing, nga nagahatag sing binhi sa manugsab-ug kag kalan-on sa manugkaon, manginsubong sini ang akon polong nga nagagowa sa akon baba; indi magbalik ini sa akon sa wala sing pulus, kondi magatigayon ini sang akon nahamut-an, kag magauswag ini sa butang nga akon ginpadal-an sini.

“Kay magagowa kamo nga may kalipay, kag pagtuytuyan nga may paghidait; ang kabukiran kag ang kabakoloran sa atubangan ninyo magaamba, kag ang tanan nga kahoy sang latagon magapamalakpak sang ila mga kamut.

Ihuyug ang inyo idulungug, kag magkari sa akon; magpamati, kag ang inyo kalag magakabuhi; kag magahimo ako sing dayon nga katipan upud sa inyo, ang akon dayon kag malig-on nga paghigugma kay David.