Versete biblice populare din ISAIAS 25

Împărtășește

O GINOO, ikaw ang akon Dios; pakataason ko ikaw, dayawon ko ang imo ngalan; kay naghimo ka sing makatilingalang mga butang, ang mga laygay kutub sa dumaan, sa pagkatutum kag sa kamatooran.

Ginlamon niya sing dayon ang kamatayon, kag pahiran sang Ginoong DIOS ang luha sang tanan nilang nawung, kag ang kahuluy-an sang iya katawohan kuhaon niya sa bug-os nga duta; kay ang GINOO nagpamolong sini.

Kag isiling sa sadtong adlaw, “Yari karon, ini amo ang aton Dios; naghulat kita sa iya, kag sia magaluwas sa aton. Ini amo ang GINOO; naghulat kita sa iya; magkalipay kita kag magkasadya sa iya kaluwasan.”

Kag laglagon niya sa sining bukid ang nawung sang tabon nga nagatabon sang tanan nga mga katawohan, ang takurung nga nahumlad sa ibabaw sang tanan nga mga pungsud.

Sa sining bukid ang GINOO sang mga kasoldadosan magahimo sa tanan nga mga katawohan sing piesta sa matambok nga mga butang, piesta sa mga alak sa labud, sa matambok nga mga butang nga puno sing utuk sa tul-an, sa mga alak sa labud nga pinatin-aw sing maayo.