Versete biblice populare din ISAIAS 1

Împărtășește

“Kari karon, kag magbais kita sing tingub, nagasiling ang GINOO: bisan ang inyo mga sala subong sang escarlata, manginmaputi sila subong sang nieve; bisan mapula sila subong sang carmesi, manginsubong sila sang maputi nga bulbul.

Kon kamo buut kag magmatinumanon, magakaon kamo sang kaayohan sang duta

magtoon sa paghimo sing maayo; magpangita sang katarungan, magluwas sang pinigus; maghukom sang ilo, mag-apin sang balong babayi.

apang kon kamo magdumili kag magbato, halunhonon kamo sa espada; kay ang baba sang GINOO nagpamolong sini.”

Panghugas kamo; paninlo kamo; isikway ang malaut nga mga buhat ninyo sa atubangan sang akon mga mata; mag-untat sa paghimo sing malaut

Kon untayon ninyo ang inyo mga kamut, lipnan ko ang akon mga mata gikan sa inyo; bisan kon maghimo kamo sing madamu nga pangamuyo, indi ako magpamati; ang inyo mga kamut puno sang dugo.

Dili na kamo magdala sing walay pulus nga mga halad; ang incienso kangil-aran sa akon. Ang lati kag ang inugpahuway kag ang pagtawag sang mga pagtilipon— indi ako makabatas sang kalautan kag sang maligdong nga pagtilipon.

Ang baka nakakilala sa iya tag-iya, kag ang asno sang pasungan sang iya agalon; apang ang Israel wala nagakilala, ang akon katawohan wala nagapatugsiling.”

Ang inyo mga lati kag ang inyo pinat-ud nga mga piesta ginadumtan sang akon kalag; kasablagan sila sa akon, ginalapyo ako sa pagdala sa ila.