Versete biblice populare din Mga Salmo 103

Împărtășește

Dayga ang GINOO, O akong kalag, ug ayaw kalimti ang iyang pagkamaluluy-on.

Gipasaylo niya ang tanan kong mga sala ug giayo niya ang tanan kong mga balatian. Giluwas ako niya gikan sa lubnganan ug gipanalanginan ako sa iyang gugma ug kaluoy. Gibuhong niya ako sa mga maayong butang aron magpabilin akong batan-on ug kusgan sama sa agila.

Dayga ang GINOO, O akong kalag! Ang tibuok kong pagkatawo nagdayeg sa balaan niyang ngalan.

Sama nga maluluy-on ang usa ka amahan ngadto sa iyang mga anak, maluluy-on usab ang GINOO kanila nga nagpasidungog kaniya.

Sama sa gilay-on sa sidlakan gikan sa kasadpan, mao usab ang gilay-on sa pagwagtang niya sa atong mga sala.

Maluluy-on ug mahigugmaon ang GINOO, dili daling masuko ug puno sa gugmang walay paglubad.

Dili kita niya silotan sumala sa angay kanato; dili kita niya paninglan sumala sa atong mga sala ug kalapasan. Sama sa kahabog sa langit ibabaw sa yuta, mao usab kadako ang iyang gugma kanila nga may kahadlok ug pagtahod kaniya.

Gipahiluna sa GINOO ang iyang trono didto sa langit ug naghari siya sa tanan.