Versete biblice populare din Deuteronomio 10

Împărtășește

“Ug karon, katawhan sa Israel, ang gipangayo lamang kaninyo sa GINOO nga inyong Dios mao nga kahadlokan ninyo siya ug tumanon ninyo ang iyang kabubut-on. Higugmaa ug alagara siya sa tibuok ninyong kasingkasing ug kalag. Ug tumana ninyo ang tanan niyang mga balaod nga gihatag ko karon kaninyo alang sa inyong kaayohan.

Kay ang GINOO nga inyong Dios, Dios sa mga dios ug Ginoo sa mga ginoo, ang gamhanang Dios nga angay tahoron. Dili siya magpaborpabor sa iyang paghukom ug dili modawat ug suborno.

Busa putlia ninyo ang inyong kasingkasing ug ayaw na kamo pagpagahi sa inyong ulo.

Hatagan gayod niyag hustisya ang mga ilo ug mga biyuda. Gihigugma niya ang mga langyaw ug iya silang hatagan ug pagkaon ug bisti.

Dayga ninyo ang inyong Dios nga nagbuhat alang kaninyo niining katingalahan ug makalilisang nga mga buhat. Kamo mismo nakasaksi niini.

Kahadloki ang GINOO nga inyong Dios ug siya lamang ang alagari. Ayaw kamo pagbulag kaniya ug himoa ang inyong mga panumpa diha lamang sa iyang ngalan.

Iya sa GINOO nga inyong Dios ang tibuok langit ingon man ang yuta ug ang tanan nga anaa niini.

Busa angay usab ninyong higugmaon ang mga dumuduong nga nagpuyo tipon kaninyo kay kamo usab mga dumuduong man kaniadto didto sa Ehipto.