Versete biblice populare din TITO 1

Împărtășește

Ninakaki khiñićha Yöś paxućha khikan, ultimkiśiki ana śuma qamñiź khen Yöś moq'u paniqaś qamćha. Yöśki ninakaź ana śuma qamñiźkhen anaź juśtaśśa, ninakaki Yöś kuchanźkita ana kaśñipanćha, niźaśa ninakaki ana ćhhulumi śuma päyi atasaćha.

Xaqsiltat Yöś quśkama śuma qamćhaxa, xalla nïki ćhhulu päkanami Yöśkin quśśiśpanćha, ana śuma qamañchiśnakaki ana śumapanćha, niźaśa ninakź quśmi ninakź chïśmi ana śuma panćha.

Cheqpacha Yöś tawqkiś thurt'ichi quśśiś khiśtanćha, niźaśa werar Yöś śuma kintu śuma palxayta źoñinakźkiś waytasaćha, niźaśa Yöś śuma kintu moq'u chïñinakami näśqatasaćha.

Niźaśa ni Yöś kirïchi jila kullakinaka irpiñiki śuma Yöś ćhhultaqi kuytiśtanćha, xalla nïki śuma qamañchiś khiśtanćha. Niźaśa ana perśun quś kama pekñi khiśtanćha, ana oralla źaxwñi quśśiś khiśtanćha, ana likhñi quśśiś khiśtanćha, ana qichasñi quśśiś khiśtanćha, ana añcha päś pekñi quśśiś khiśtampanćha. Ćhhul thonśñinakźkiśimi śuma qhawśñi quśśiś khiśpanćha, niźaśa śumanakapan pekñi khiśtanćha, śuma quśśiś khiśtanćha, Yöś kuchanźkitakama qamñi khiśtanćha, perśun quś śuma iwxaśñi khiśtanćha, ćhhul uj päś khenami.

Niźaśa tshi Yöś kirïchi qamchi ephki śuma qamañchiś khiśtantaćha ana jëkhmi nïź ujmi thëźnasaćha, luku thiñi qamñi źoñi khiśtanćha, niźaśa nïź matinakami Yöśkin kirïchi kama khiśtanćha, niźaśa nïź matinakami śuma qamañchiś, ana ćhhul ujchiś khiśtanćha.