Versete biblice populare din 1 TIMOTEO 6

Împărtășește

Niźaśa amki ni thapa quśkiśtan qichasa anapan ni wiñay źeti atipsqata; Yöśki am tixapa qhawśićha, xalla niźtikiśtan amki ni thapa cherñi źoñinakź tukkiś añcha wali maśinchamćha.

Thappacha ni anawalinaka päś śep'aki ni päś pekśa, neqhśtan yaqhapanakaki ni päś śmaśku ninakź thapa quśkiśtan śqhxeśśićha, xalla neqhśtan ninakaki ni anawal t'aqhiśiśkin thatźtaćha.

Xalla ni perśun źelinśallźtan kuntintu qamñiźtaki, ni Yöś śuma kintu qhanapacha tshi chawkh źelinśtaqaśśa.

Niźaśa ućhumnakki ti yoqkiś ana ćhhulumi śhiktaćha, neqhśtan ućhumnakki anaź ćhhulumi chhichtasaćha

Xalla ti yoqkiś qamkan źelinchiś źoñinaka anax mita quśśiś khila, niźaśa anax ninakź źelinśnakkiś tasla, xalla ni źelinśnakaki anaćha cheqpachxapa. Ans ninakaki Yöśkinx tasla, xalla ni Yöśki ućhumnaka qamañxapa ana miransñi thapa ćhhultaqiź thäćha.

Ans ni źelinchiś qamś pekñi źoñinakaki, tshi chalkiśtaqaś anawalkiś thxotsa, niźaśa ni źoñinakźtaki ni ćhhaxwqatś, śmaśnaka anawali päśnaka niźaśa aqñinaka, xalla tinakaki źoñinaka ujkiśpanź thxotsqatćha.

Amki ninaka śumanakapan päqata, niźaśa ninakaki ni śuma päś ćhhultaqinakkiś źelinchiśx khisla niźaśa ninakaki onanśxapa niźaśa toxunśxapami liśhtox khila. Xalla nuź anćhukaltaki ni uśhka thonñi thuñixapa thurt'ichipanź khekićha, neqhśtan anćhukki ni wiñay werar qamañaź irantakićha.