Versete biblice populare din ᐁᐠᓴᑕᐢ 10

Împărtășește

ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᐱᑐᑲᐤ ᐯᕒᐅ; ᒋᑫᒫ ᓂ ᑭ ᒪᐢᑲᐃᐧᑖᐋᐧᐣ ᐅᑌᐦ ᒥᓇ ᐅᑌᐦᐃᔨᐊᐧ ᐅᐟ ᐊᑐᐢᑫᔮᑲᓇ; ᑭᑕ ᐋᐧᐸᐦᑕᐦᐃᐁᐧᔮᐣ ᐅᐦᐃ ᓂ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ ᒣᑳᐧᐨ ᐃᑕ ᐁ ᐊᔮᒋᐠ. ᒥᓇ ᒫᑲ ᑭᑕ ᐃᐧᐦᑕᒪᐊᐧᐟ ᐅᐦᑕᐊᐧᑳᕽ ᑭᑯᓯᐢ, ᒥᓇ ᑭᑯᓯᐢ ᐅᑯᓯᓴ, ᐊᓂᐦᐃ ᐁ ᑭ ᐊᔨᑐᑕᒫᐣ ᐃᒋᑊᑎᕽ, ᒥᓇ ᐊᓂᐦᐃ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ ᑳ ᑭ ᐊᔨᑐᑕᒫᐣ ᐃᑕ ᐁ ᐊᔮᒋᐠ; ᑭᑕ ᑭᐢᑫᔨᑕᒣᐠ ᓂᔭ ᐁ ᑎᐯᔨᐦᒋᑫᔮᐣ.

ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᑭᓯᑯᕽ ᐃᓯ ᓱᐃᐧᓂᐢᑫᔨ, ᑭᑕ ᐊᐧᓂᑎᐱᐢᑳᐠ ᒥᓯᐁᐧ ᐃᒋᑊᐟ ᐊᐢᑭᕽ ᐊᓂᒪ ᐅᑎ ᐊᐧᓂᑌᐱᐢᑲᐤ ᑫ ᑭ ᒧᓯᑖᕽ. ᒧᓯᐢ ᒫᑲ ᑭᓯᑯᕽ ᑭ ᐃᓯ ᓱᐃᐧᓂᐢᑫᔨᐤ, ᐁᑯᓯ ᒫᑲ ᑭ ᐸᓴᑯ ᐊᐧᓂᑎᐱᐢᑳᐤ ᓂᐢᑐ ᑭᓯᑳᐤ ᐃᔨᑯᕽ ᒥᓯᐁᐧ ᐁᑯᑕ ᐊᐢᑭᕽ. ᓇᒪᐋᐧᐨ ᑭ ᐋᐧᐸᑐᐊᐧᐠ, ᐊᐦᐳ ᓇᒪᐃᐧᔭ ᐊᐃᐧᔭᐠ ᐅᐟ ᐊᐱᐃᐧᓂᕽ ᑭ ᐅᐦᒋ ᐸᓯᑯ ᓂᐢᑐ ᑭᓯᑳᐤ; ᒫᑲ ᐃᐧᔭ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐋᐧᓭᔮᔨᐤ ᐃᑕ ᑳ ᐊᔮᒋᐠ.

ᒧᓯᐢ ᒫᑲ ᑭ ᓱᐃᐧᓇᒼ ᐅ ᓴᐢᑲᐅᐣ ᒥᓯᐁᐧ ᐃᒋᑊᐟ ᐊᐢᑭᕽ, ᑳ ᑎᐯᔨᐦᒋᑫᐟ ᒫᑲ ᑭ ᐋᐧᐸᓂᔪᑎᓂᑖᐤ ᐁᑯᐢᐱ ᑲᐯᑭᓯᐠ ᒥᓇ ᑲᐯᑎᐱᐢᐠ; ᐃᐢᐱ ᒫᑲ ᐁᑎ ᑫᑭᓭᐹᔮᐠ ᑭ ᑕᑯᐸᔨᐊᐧᐠ ᑳᐧᐢᑯᑎᓯᓴᐠ ᐋᐧᐸᓄᑖᕽ ᐅᐦᒋ. ᑳᐧᐢᑯᑎᓯᓴᐠ ᒫᑲ ᑭ ᐊᔨᑐᑌᐊᐧᐠ ᒥᓯᐁᐧ ᐃᒋᑊᐟ ᐊᐢᑭᕽ, ᒥᓇ ᒥᓯᐁᐧ ᐋᐧᐢᑳ ᐃᒋᑊᑎᕽ ᐁ ᑭ ᐊᔭᔮᒋᐠ; ᓈᐢᐱᐨ ᐁ ᑭ ᐅᓵᒣᔭᑎᒋᐠ; ᒪᐧᔦᐢ ᐁᐊᐧᑯᓂᐠ ᓇᒪᐃᐧᑳᐨ ᑭ ᐯ ᐃᑌᔭᑎᐊᐧᐠ ᑳᐧᐢᑯᑎᓯᓴᐠ, ᐊᐦᐳ ᐊᐢᑕᒥᐢᐱ ᒥᓇ ᓇᒪᐃᐧᑳᐨ ᑭᑕ ᐃᑌᔭᑎᐊᐧᐠ.