Versete biblice populare din Spreuke 4

Împărtășește

Jy moet baie versigtig wees wat jy dink, meer versigtig as met ander dinge, want as jy reg dink, dan sal jy aanhou lewe.

Jy moet op die reguit pad loop, dan sal jy seker wees waarnatoe jy loop.

Jy moenie leuens vertel nie, jy moenie mense bedrieg nie.

As jy regtig slim wil word, dan moet jy wysheid kry, jy moet ook verstandig word, saam met al die ander dinge wat jy kry.

Maar mense wat reg doen, se pad is soos die oggendlig, dit word meer en meer helder totdat dit dag is. Mense wat verkeerd doen, se pad is soos die donker, hulle weet nie waaroor hulle sal val nie.

As jy die wysheid nie los nie, dan sal dit vir jou wagstaan, as jy lief is vir die wysheid, dan sal dit jou beskerm.

Jy moet vashou aan wat ek vir jou leer, jy moenie dit los nie, jy moet dit doen, want dan sal jy waarlik lewe.

Jy moenie op die pad loop van mense wat verkeerd doen nie, jy moenie saam met slegte mense loop nie.

Kinders, julle moet luister wanneer julle pa vir julle leer, julle moet luister, sodat julle kan weet wat om te doen