Versete biblice populare din Sam 139

Împărtășește

Vahesi Igo rau, sina garo pude ta pamaṉae si Goi. Sari doduru Mua tinavete si votikaedi hola, meke variva magasa. Gilana valeana au Goi si rau pa doduruna sa qua tinoa.

Kei Tamasa, Mu hata vura nia, Mamu gilana betoa sa buloqu! Mu podekau, Mamu gilani sari na qua binalabala! Dogoria, be koa nana koa rau si keke kinaleana, Mamu turaṉau pa siraṉana sa tinoa hola.

Ele va tana va toṉoti Goi sari doduru kukuru tiniqu, ele varihodae valeana au Goi pa korapa tiana sa tinaqu.

Sipu lopu ele podo rau, si ele dogorau tu Goi. Sari na ranena sa qua tinoa sapu poni nau Goi, si ele kubere betoi tu Goi pa Mua buka sipu lopu ele kamo si keke arini.

Kei Zihova, ele podekau Goi si rau, meke gilana valeana au Goi!

Pavei si kaqu la rau pude govete Nigo si Goi? Pavei si kaqu va ilolo la si rau pude paere koa Goi?

Gilanau Goi totoso habotu, meke totoso turu si rau; pa seu tu koa Goi ba gilani Goi sari na qua binalabala.

Sipu lopu ele zama rau, ba ele gilania tu Goi gua sapu kote zama nia rau.

Be tavetavete, ba be zokoro si rau, ba dogoro au Goi, meke gilana betoi Goi sari doduru qua rinizu.