Versete biblice populare din Sam 103

Împărtășește

Maqu vahesia se Zihova pa doduruna sa buloqu! Meke maqu lopu muliṉi nia sa ninomana sa Nana tataru vatukana.

Asa taleosoni sari doduru mia tinavete kaleadi, meke salaṉi Sa sari doduru mia minoho. Harupau Sa si rau pa minate, meke mana nau Sa pa Nana tataru, na tataru variva taleosae. Poni va soku nau Sa sari na tiṉitoṉa leadi totoso toaqu si rau, pude qu koa vaqura na ṉiṉira guana atata si rau.

Maqu vahesia se Zihova! Pa doduruna sa qua tinoa si maqu vahesia sa Pozana hopena!

Gua sapu tataru ni na va tuka ni sa tamana sari nana koburu, si gua tugo tataru guni na va tukana guni e Zihova sarini pu pamaṉia si Asa.

Nomana gua sa vinari seuna sa kali gasa rimata pa kali lodu rimata, si seu gua tugo asa nomana gua vasina vekoni Sa sari na nada sinea.

E Zihova, si ta siṉie na tataru meke tokani na taleoso ni Sa sari na tie, meke lopu hoke tuturei bugoro si Asa, meke sa tataru lavata tanisa si koa hola doduru totoso.

Lopu poni gita Sa sa vina kilasa sapu gua garodi ri nada sinea, babe hobe ni sari na tinavete kaleadi pu taveti gita. Gua sapu ululu hola nia sa Maṉauru sa kasia popoa, si gua tugo asa nomana gua sa Nana tataru koa rini pu pamaṉa nia si Asa.

E Zihova si va turua sa Nana habohabotuana Baṉara pa Maṉauru, meke Baṉara ni Sa sari doduru Nana vina podaka.