Versete biblice populare din Zinama Tumatumae 4

Împărtășește

Lavelave nia sa bulomu; ura vasina bukaha vura sa mua tinoa.

Mu vilitia sa siraṉa, mamu tiqe ene la, mu vagia sa siraṉa sapu toṉotona.

Veko pani sari zinama sapu lopu hinokara, va seu i sari zinama sinekesekeidi.

Sa ginilagilana lohina si arilaena hola ni sari doduru, ke mu vagia sa ginilagilana lohina. Be sage hola hinoluna sa ba holu vagia.

Sa siraṉa tadi tie toṉoto si guana kalalasa pana vaqavaqasa, sapu bakala hitehite vura osolae kamo sa rane. Sa siraṉa tadi tie kaleadi si huporo dudukurumu; lopu gilania rini sa si ta tubarae nia rini.

Mu lopu veko pania sa ginilagilana lohina, na kote lavelave nigo sa, tataru nia meke kote kopu nigo sa.

Tuqe va nabua sa tinarae, lopu luara pania; kopu nia, na asa mo sa mua tinoa.

Lopu neti la vasina hoke ene gua sari tie kaleadi babe ene luli koa rini.

Tuqu, mu va avosi sari tinarae tanisa tamamu, va taliṉa pude mu vagia sa ginilagilana.