Versete biblice populare din Zinama Tumatumae 11

Împărtășește

Sa tie sapu variponi, si kote toa va leana meke bokaboka, meke asa pu toka ni sari tie si kote ta tokae tugo.

Keke tie si tataru meke vari poni, ba va gavoro soku si asa, keke si korokorona poni, si kamoa tu minalaṉa.

Pana vahesi pule ni sari na tie, si lopu sana mae sa kinurekure, na vina pepekae si lulia na ginilagilana lohina.

Pude lopu ta turaṉa, si hoqa tugo sa butubutu, ba pana soku tie si vari tokae pa binalabala si koa sa minataqara.

Sa vua tanisa tie toṉoto, si na huda tinoa, meke asa pu harupi sari maqomaqo tie si na tie gilae.

Na nanae si hoke tozi vura ginugua tomedi, ba sa tie ta ronuna si kopu ni sari vivinei tadi votiki tie.

Sa tie tataru si na lineana si vagia sa, ba sa tie ṉoṉovala si va tinasuna pule nia.

Asa pu raṉei sari nana tinagotago si kaqu hoqa guana elelo matena, ba sari tie toṉoto si kote toa va leana gua na linetelete vaqura.

Na tinagotago si loke laena totoso tia ia goi sa minate, ba kinoa va leana kote harupigo pa minate.

Sa tie toṉoto si ta turaṉa koasa nana kinoa va ṉoṉo, ba na sinekesekei si ṉovalana sa tie kokoha.

Guana riṉi qolo pa isuna sa boko, sa barikaleqe leleana sapu lopu tumae balabala.

E Zihova lopu hiva hokara ni sari na sikele sapu hikohiko, ba qetu nia Sa sa padapadana mamata sapu toṉoto.