Versete biblice populare din Ekeliziasiti 11

Împărtășește

Mu qetu, agoi na tie vaqura, sipu korapa vaqura mua, meke mani va qetu igo sa bulomu koari na mua totoso vaqura. Lulia sa hiniva tanisa bulomu meke be sa si dogori sari matamu, ba mu gilania sapu doduru hire si kote ta pitu ni goi koe Tamasa.

Gua ke, saripu talotaṉa sisigiti ni goi si mu rizui pa bulomu meke sari tinasuna pa tinimu si mu oki pani, ura sa tie vaqura meke sa ṉiniraṉira si lopu kote koa hola.

Asa pu kopu eko nia sa givusu si lopu kote lelete, meke asa pu doṉo viliti sari na lei si lopu kote pakepakete.

Gua mo sapu lopu tumae nia goi sa siraṉa tanisa givusu, babe vea meke podaka sa koburu pa tiana sa tinana, si lopu tumae nia tugo goi sa tinavete te Tamasa, Asa pu taveti sari doduru likakalae.

Mu lelete pana munumunu, meke pana veluvelu si mu lopu noso, ura lopu gilania goi sapu kiko veguguana si kote toa, babe doduru mo si kote leadi beto.

Mu lelete veko pa zuapa babe vesu vasidi, ura lopu ta gilana totoso sa kote raza sa tinasuna.