Versete biblice populare din Itsɛ́ 2

Împărtășește

Tsí Òkúta dzɔ́ŋù fú ŋa ní: Ká nyíìlò kpaɖà, tsí àŋa kó fɔ̀ ní ó ɖɔkpɛ́-Yèésù Kírísítò, tsí wɛ̀† fú ŋa, tsí Ɔ̀ɖáyé kó mú àbi-ŋa tɔrɛ fú ŋa, tsí à nákó gba ɔ̀yà-ɔ̀fɛ́-kã̀, ɔ̀yà#á Mímí-Ɔ̀ɖáyé ni.

Ńbɛ̀ɛ́, atɛ̀náànyì-Yèésù ŋa náa ɖìgírí, tsí wà kpérí nɔ́dzɔ́ kɔ́dzɔ́, tsí wà gbɔ́ ɛ̀kɔ́-adzítsɛ́-Yèésù ŋa, tsí wà tsobí bá ara-ŋa, tsí wà dzɛŋɛ́ má náàdzɔ́, tsí wà wúùre gbo.

Gbòkã́ gé#ɛ́, Mímí-Ɔ̀ɖáyé† tì wɔ̀ ńǹtá-ŋa kpó, tsí à kpé ìlú-òmírɛ̃̀ ŋa wíwí, ìlú yèé ŋa Mímí-Ɔ̀ɖáyé fú ŋa ńkpá ní ká wí#ɛ́.

Gbòkã́#á, igbe lákṹ-kã̀ ti nɔ́ɔ̀rɔ̃. Igbe#ɛ́ wà ɖɔ̃́ kíbí awu lákṹ-kã̀ náa wà tse bɛ́#ɛ́, tsí igbe#ɛ́ gba ilé#ɛ́ ńbí à wà si#ɛ́ kpó. Tsí à wà rí iŋɛ́ kã̀ŋa, tsí iŋɛ́ ŋa#á dzɔ kíbí à náa tɔ́ná, tsí arũ‐ɛ̀ náa wà gbã̀ tsóróó bɛ́#ɛ́. Tsí iŋɛ́ ŋa#á kpɛ̃́, tsí ɖi kpíkpɔ̀, tsí wà dzì ńǹtá-ɔ̀nyà kã̀kã̀ kpó. Gbòkã́ gé#ɛ́, Mímí-Ɔ̀ɖáyé† tì wɔ̀ ńǹtá-ŋa kpó, tsí à kpé ìlú-òmírɛ̃̀ ŋa wíwí, ìlú yèé ŋa Mímí-Ɔ̀ɖáyé fú ŋa ńkpá ní ká wí#ɛ́.

Nɔ́dzɔ́ kɔ́dzɔ́#ɛ́, à náa káà kpérí nɔ́gbà-ilé-Ɔ̀ɖáyé†, tsí wà sɛ̃ Ɔ̀ɖáyé, tsí à náa wà dzɛŋɛ́ ńɖi-ara-ŋà ŋa gbo náyè títɛ́ òŋu ńnɔ́ mímá. À náa wà nyɛ Ɔ̀ɖáyé, tsí iŋɛ́-ŋa náa dzɔdzú-ɔ̀nyà ŋa si títítí. Tsí Ɔlá-wa náa wà mú ɛnɛ yèé ó wà gbà là ŋa#á, tsí wà ń má ŋa nɔ́dzɔ́ kɔ́dzɔ́.

“Ɔ̀ɖáyé ní: Nɔ́dzɔ́-ìtã̀ntã́ ŋa#á, màa tse tsí Mímí-mi nákó tì wɔ̀ ńǹtá-ɔ̀nyà kpó. Tsí ɔma-ŋɛ́ ŋa, ɔnɔkɛ̃̀ɛ̃ gbo, ɔnɔbɛ̃̀ɛ̃ gbo, àŋa kpó, à nákó wà gba afɔ̀-Ɔ̀ɖáyé fɔ̀, tsí màa tse tsí ɔmɔ̀tsɔ́ ŋa nákó wà ródzú, tsí màa wíìnyɛ̀ fú arúkà ŋa gbo ńnɔ́-àlá ŋa.

Tsí agba Yèésù gbɔ́ ŋa#á kpó, à tse ɔ̀kã̀ntso, tsí à náa wà kpɛ̃́ iŋɛ́ yèé wà fú ŋa#á fú ara-ŋà ŋa. À náa wà ta iŋɛ́-ire-ŋà ŋa, tsí wà kpɛ̃́ owó‐ɛ̀ fú ara-ŋà ŋa kpó, tsí kṹnukṹ náa gba ìmarũ yèé ó wà ní kó gbà#á.

Nɔ́dzɔ́-ɔdzɔ́ nyɛ̀ŋɛ̀#ɛ́, ɔ̀nyà kpó, bí ó kpe Ɔlɔ́dzɔ́ ní kó wáa gbà òŋu là#á, nákó gbàá là.”

Odzúùrɔ̃̀ nákó kpòkùkù kpó kpìrìm, tsí òtsùkpá gbo nákó ɖi kpikpa hɛ̀ɛ̀ kíbí àmbara bɛ́, tã́ná tsí ɔdzɔ́-Ɔlɔ́dzɔ́ kó tó, ɔdzɔ́ yèé lákṹ láre ɔdzɔ́-àtíbɔ̀ ŋa kpó#ɛ́.